ບັງກລາເທດ ມີອັດຕາການແຕ່ງງານໃນໄວເດັກ ສູງທີສຸດໃນອາຊີ
ຂປລ. ສຳນັກຂ່າວ ຊິນຮວາ ຂອງ ສປຈີນ, ເມື່ອບໍ່ດົນມານີ້ ກອງທຶນ ເພື່ອເດັກແຫ່ງ ສະຫະປະຊາຊາດ (ຢູນິເຊຟ) ມີບົດລາຍງານ ພາຍໃຕ້ ຫົວຂໍ້ “ເປົ້າໝາຍ ຂອງ ເດັກຍິງ ວ່າ: ບັງກລາເທດ ມີອັດຕາ ການແຕ່ງງານ ໃນໄວເດັກ ສູງທີ່ສຸດ ໃນອາຊີ ໂດຍກວມເອົາ 51% ຂອງ ແມ່ຍິງ ທີ່ມີ ອາຍຸ 20-24 ປີ . ໃນຂະນະທີ່ ແມ່ຍິງ ໃນທົ່ວໂລກ ມີຄວາມກ້າວໜ້າ ແຕ່ແມ່ຍິງ ໃນບັງກລາເທດ ຕ້ອງຜະເຊີນກັບ ຄວາມທ້າທາຍ ໂດຍສະເພາະ ບັນຫາການແຕ່ງງານ ໃນໄວເດັກ ແລະ ຄວາມບໍ່ເທົ່າທຽມ ທາງເພດ.
ເຖິງແມ່ນວ່າ ແມ່ຍິງໃນບັງກລາເທດ ຈະໄດ້ຮັບການດູແລ ສຸຂະພາບ ແລະ ການສຶກສາ ຈະໄດ້ຮັບການປັບປຸງໃຫ້ດີຂຶ້ນ ໃນບາງດ້ານ ແຕ່ແມ່ຍິງ ໃນບັງກລາເທດ ຍັງຄົງເສຍປຽບ ຢ່າງຫລວງຫລາຍ ໂດຍສະເພາະ ແມ່ຍິງທີ່ມີອາຍຸ 15-24 ປີ ຊຶ່ງມີທ່າອຽງ ຈະຢູ່ນອກ ລະບົບການສຶກສາ , ການຈ້າງງານ ຫລື ການຝຶກອົບຮົມ ຫລາຍກວ່າ ຜູ້ຊາຍເຖິງ 2 ເທົ່າ ແລະ ມີຄວາມກັງວົນຄື: ແມ່ຍິງ ທີ່ມີ ອາຍຸ 15-19 ປີ ກວມເອົາເຖິງ 28% ໄດ້ຜະເຊີນກັບ ຄວາມຮຸນແຮງ ທາງດ້ານຮ່າງກາຍ ຫລື ທາງເພດ ຈາກຄູ່ຮັກ ໃນປີ 2024 ຜ່ານມາ./.