ໂມງເຮັດວຽກ:
ຫ້ອງການ ລັດຖະບານເປີດ ລະຫວ່າງ 08:30-12:00 ໂມງເຊົ້າ ແລະ 13:00-16:00 ໂມງຕອນແລງ ຕັ້ງແຕ່ ວັນຈັນ ເຖິງ ວັນສຸກ. ທະນາຄານ ເປີດແຕ່ 08:30-15:30 ໂມງ ແຕ່ວັນຈັນ-ວັນສຸກ, ຮ້ານຄ້າ ເປີດປະມານ 09:00-18:00 ໂມງ (ວັນພັກຂຶ້ນກັບ ແຕ່ລະຮ້ານ).
ສຸຂະພາບ:
ປະເທດລາວ ມີສາທາລະນະສຸກ ຂັ້ນພື້ນຖານ. ມາດຕະການປ້ອງກັນ ເຊັ່ນ: ການກິນອາຫານທີ່ປຸງແຕ່ງໃຫ້ດີ, ດື່ມນ້ຳຂວດ, ຮັກສາ ຄວາມຊຸ່ມຊື່ນ, ຫລີກລ້ຽງການຖືກຍຸງກັດ ແລະ ໃສ່ເສື້ອຜ້າປ້ອງກັນພະຍາດທີ່ມັກເກີດຂຶ້ນ.
ໂທລະສັບ:
ການໂທໂດຍກົງ ລະຫວ່າງປະເທດ ແມ່ນມີສັນຍານກວ້າງໄກ. ນອກນັ້ນ ທ່ານຍັງສາມາດເບີໂທແບບຕື່ມເງິນ ໃນທ້ອງຖິ່ນ ສໍາລັບ ໂທລະສັບມືຖືຂອງທ່ານໄດ້.
ບັດເຄຣດິດ:
Visa, Master Card ແລະ American Express ລ້ວນແຕ່ໃຊ້ໄດ້ໃນໂຮງແຮມ, ຮ້ານອາ ຫານ ແລະ ຮ້ານຂາຍເຄື່ອງທີ່ລະນຶກ ໃນຕົວເມືອງໃຫຍ່ (ເຊັ່ນ:ວຽງຈັນ, ຫລວງພະບາງ, ສະຫວັນນະເຂດ ແລະຈໍາປາສັກ).
ອິນເຕີເນັດ:
ການເຂົ້າເຖິງ ອິນເຕີເນັດ ໃຊ້ໄດ້ໃນໂຮງແຮມ, ເຮືອນພັກແລະ ຮ້ານອາຫານຈໍານວນຫລາຍໃນຕົວເມືອງໃຫຍ່. ເຖິງແມ່ນວ່າ ຮ້ານອິນເຕີເນັດ ຈະພົບໄດ້ຕາມເທດສະບານແຂວງ, ແຕ່ການເຊື່ອມຕໍ່ອິນເຕີເນັດໃນບາງເຂດຊົນນະບົດອາດຍັງມີຫຍຸ້ງຍາກ.
ການເດີນທາງກັບເດັກນ້ອຍ
ປະເທດລາວ ເປັນປະເທດ ທີ່ມີ ຄວາມປອດໄພ, ງຽບສະຫງົບ, ມີຫລາຍສິ່ງຫລາຍຢ່າງໃຫ້ຄົ້ນຫາທັງຜູ້ໃຫຍ່ ແລະ ເດັກນ້ອຍ. ຄົນລາວ ຮັກເດັກນ້ອຍ ແລະ ຍິນດີຜູກມິດໄມຕີ.
ວີຊ່າ
ສາມາດອ້າງອີງໄປທີ່ www.laoevisa.gov.la ເພື່ອຂໍ e-visa ຂອງ ທ່ານທາງອິນເຕີເນັດ.
ສະກຸນເງິນ
ເງິນກີບ ເປັນສະກຸນເງິນ ທີ່ ເປັນທາງການຂອງ ສປປ ລາວ ແລະ ປະຈຸບັນນີ້ ທະນະບັດເງິນກີບປະກອບດ້ວຍ: 500; 1,000; 2,000; 5,000; 10,000; 20,000, 50,000 ແລະ 100,000 ກີບ. ສະກຸນເງິນທີ່ດີທີ່ສຸດ ທີ່ ຈະໃຊ້ໃນເວລາແລກປ່ຽນເງິນແມ່ນ: ໂດລາສະຫະລັດ, ເອີໂຣ ແລະບາດໄທ. ທ່ານ ສາມາດແລກປ່ຽນເງິນຕາ ຂອງທ່ານຢູ່ທະນາຄານ, ສະໜາມບິນຫລື ຢູ່ຫ້ອງການແລກປ່ຽນເງິນຕາຕ່າງປະເທດ.
