ສັນຍາລັກຂອງອາຊຽນ

ບົດແນະນຳການນຳໃຊ້ເຄື່ອງໝາຍອາຊຽນ

• ສັນຍາລັກຂອງອາຊຽນ ເປັນເຄື່ອງໝາຍທາງການ ຂອງອາຊຽນ.
• ສັນຍາລັກຂອງອາຊຽນ ເປັນຕົວແທນ ຂອງ ຄວາມໝັ້ນຄົງ, ສັນຕິພາບ, ຄວາມສາມັກຄີ ແລະ ຄວາມກ້າວໜ້າຂອງອາຊຽນ. ສີຂອງສັນຍາລັກ ປະກອບດ້ວຍ ສີຟ້າ, ສີແດງ, ສີຂາວ ແລະ ສີເຫຼືອງ-ເປັນຕົວແທນໃຫ້ແກ່ສີສັນຕົ້ນຕໍ ຂອງ ລັດສະມາຊິກອາຊຽນທັງໝົດ.
• ສີຟ້າສະແດງເຖິງ ສັນຕິພາບ ແລະ ສະຖຽນລະພາບ. ສີແດງ ສະແດງເຖິງ ຄວາມກ້າຫານ ແລະ ນະວັດຕະກໍາ, ສີຂາວສະແດງໃຫ້ເຫັນຄວາມບໍລິສຸດ ແລະ ສີເຫຼືອງສະແດງເຖິງ ຄວາມຈະເລີນຮຸ່ງເຮືອງ.
• ກ້ານໃບ ປາດີ ຢູ່ໃຈກາງຂອງ ເຄື່ອງໝາຍ ສະແດງເຖິງຄວາມໃຝ່ຝັນຂອງ ບັນດາຜູ້ກໍ່ຕັ້ງອາຊຽນ ສຳລັບອາຊຽນທີ່ປະກອບດ້ວຍ ທຸກປະເທດໃນພາກພື້ນ ອາຊີຕາເວັນອອກສຽງໃຕ້, ຄວາມຜູກພັນ, ມິດຕະພາບ ແລະ ຄວາມສາມັກຄີ.
• ວົງມົນສະແດງເຖິງ ຄວາມສາມັກຄີ ຂອງ ອາຊຽນ.
• ສັນຍາລັກຂອງ ອາຊຽນແມ່ນ ສະຫງວນລິຂະສິດ ໂດຍອາຊຽນ.