ຂປລ
ການສົ່ງອອກເຂົ້າ ຂອງ ອິນເດຍ ພວມຕົກຢູ່ໃນ ພາວະສ່ຽງ ທ່າມກາງສະຖານະການ ຄວາມເຄັ່ງຕຶງ ທີ່ເພີ່ມທະວີ ຄວາມຮຸນແຮງຂຶ້ນ ໃນພາກພື້ນອາຊີ ຕາເວັນຕົກ, ໂດຍກຸ່ມຜູ້ສົ່ງອອກ ໄດ້ສະແດງຄວາມກັງວົນ ກ່ຽວກັບ ບັນຫາ ການຊຳລະເງິນ ທີ່ ຊັກຊ້າ ແລະ ອຸປະສັກ ໃນການຂົນສົ່ງ ສິນຄ້າໄປ ອີຣານ
ຂປລ.ສຳນັກຂ່າວ ອິນໂຟເຄວສ: ການສົ່ງອອກເຂົ້າ ຂອງ ອິນເດຍ ພວມຕົກຢູ່ໃນ ພາວະສ່ຽງ ທ່າມກາງສະຖານະການ ຄວາມເຄັ່ງຕຶງ ທີ່ເພີ່ມທະວີ ຄວາມຮຸນແຮງຂຶ້ນ ໃນພາກພື້ນອາຊີ ຕາເວັນຕົກ, ໂດຍກຸ່ມຜູ້ສົ່ງອອກ ໄດ້ສະແດງຄວາມກັງວົນ ກ່ຽວກັບ ບັນຫາ ການຊຳລະເງິນ ທີ່ ຊັກຊ້າ ແລະ ອຸປະສັກ ໃນການຂົນສົ່ງ ສິນຄ້າໄປ ອີຣານ , ອາຟະການິດສະຖານ ລວມເຖິງ ກຸ່ມປະເທດ ໃນອ່າວອາຣັບ ອີກຫລາຍແຫ່ງ.
ຖ້າຫາກ ສະຖານະການ ຄວາມບໍ່ສະຫງົບ ຍັງສືບຕໍ່ຍຶດເຍື້ອຍາວນານ ການສົ່ງອອກເຂົ້າ ຈະໄດ້ຮັບຜົນກະທົບ ຫລາຍທີ່ສຸດ ເນື່ອງຈາກເກືອບ 50% ຂອງ ຍອດການສົ່ງອອກເຂົ້າ ປະເພດນີ້ ຈາກ ອິນເດຍ ມີປາຍທາງຢູ່ທີ 5 ປະເທດ ໃນອາຊີ ຕາເວັນຕົກ ໄດ້ແກ່: ອາຣັບບີ ຊາອຸດິດ, ອີຣານ, ອີຣັກ, ສະຫະນະຄອນ ເອເມເຣັດ ອາຣັບ ແລະ ເຍເມນ.
ໃນຂະນະທີ່ ສະຫະພັນ ຜູ້ສົ່ງອອກເຂົ້າ ອິນເດຍ (IREF) ໄດ້ອອກປະກາດວ່າ ແນະນຳໃຫ້ ສະມາຊິກ ຫລິກລ່ຽງ ການເຮັດສັນຍາໃໝ່ ໃນຮູບແບບ CIF (Cost, Insurance, and Freight) ກັບ ປາຍທາງໃນ ອີຣານ ແລະ ກຸ່ມປະເທດ ອ່າວອາຣັບ./
KPL
