ຂປລ
ຊີຣີ ແລະ ອາຣັບບີ ຊາອຸດິດ ລົງນາມໃນຂໍ້ຕົກລົງ ກ່ຽວກັບ ສາຍການບິນຮ່ວມ ແລະ ໂຄງການ ພັດທະນາ ໂທລະຄົມມະນາ ຄົມ ດ້ວຍມູນຄ່າ 1 ຕື້ໂດລາ ສະຫະລັດ
ຂປລ. ສຳນັກຂ່າວ ເອເອຟພີ ລາຍງານ ຈາກນະຄອນຫລວງ ດານັດ ປະເທດຊີຣີ ເມື່ອວັນທີ 8 ກຸມພາວ່າ: ຊີຣີ ແລະ ອາຣັບບີ ຊາອຸດິດ ລົງນາມໃນຂໍ້ຕົກລົງ ກ່ຽວກັບ ສາຍການ ບິນຮ່ວມ ແລະ ໂຄງການ ພັດທະນາ ໂທລະຄົມມະນາ ຄົມ ດ້ວຍມູນຄ່າ 1 ຕື້ໂດລາ ສະຫະລັດ, ໃນຂະນະທີ່ ຊີຣີ ພະຍາຍາມ ຟື້ນຟູ ປະເທດ ຫລັງຈາກ ສົງຄາມ ທີ່ຍາວນານ ມາຫລາຍປີ.
ໂດຍອາຣັບບີ ຊາອຸດິດ ເປັນຜູ້ສະໜັບ ສະໜູນຫລັກ ຂອງ ລັດຖະບານຊີຣີ ໃນຊຸດປັດຈຸບັນ, ຊຶ່ງຂຶ້ນສູ່ອຳນາດ ຫລັງຈາກ ການໂຄ່ນລົ້ມ ອະດິດ ປະທານາທິບໍດີ ບາຊາຣ ອັລ-ອັລ ຊາດ ເມື່ອເດືອນທັນວາປີ 2024. ລັດຖະບານ ຊີຣີ ຊຸດໃໝ່ ພະຍາຍາມດຶງດູດ ການລົງທຶນ ແລະ ລົງນາມໃນຂໍ້ຕົກລົງ ສຳຄັນ ກັບ ບໍລິສັດຫລາຍແຫ່ງ ແລະ ລັດຖະບານ ຂອງ ປະເທດ ຕ່າງໆ ລວມເຖິງ ອາຣັບບີຊາອຸດິດ ແລະ ປະເທດອື່ນໆ./
KPL
