ຂປລ
ກິດຈະກຳ ແລກປ່ຽນ ສາກົນ ພາຍໃນ ຂອບການຮ່ວມມື ສອງຝ່າຍ ແລະ ຫລາຍຝ່າຍ ດ້ານການສຶກສາ ສິລະປະ ແລະ ພິທີສ້າງຕັ້ງພັນທະມິດ ການສຶກສາ ສິລະປະ ອາຊີໃຕ້ ແລະ ອາຊີ ຕາເວັນອອກ ສຽງໃຕ້ ທີ່ມະຫາວິທະຍາໄລ ສິລະປະ ແຂວງຢຸນນານ ເປັນເຈົ້າພາບ ໄດ້ຈັດຂຶ້ນ ຢູ່ນະຄອນຄຸນໝິງ ແຂວງຢຸນນານ ຂອງ ສປ ຈີນ.
ຂປລ.ວິທະຍຸ-ໂທລະພາບ ສູນກາງຈີນ ຫລື CMG, ວັນທີ 6 ມັງກອນນີ້, ກິດຈະກຳ ແລກປ່ຽນ ສາກົນ ພາຍໃນ ຂອບການຮ່ວມມື ສອງຝ່າຍ ແລະ ຫລາຍຝ່າຍ ດ້ານການສຶກສາ ສິລະປະ ແລະ ພິທີສ້າງຕັ້ງພັນທະມິດ ການສຶກສາ ສິລະປະ ອາຊີໃຕ້ ແລະ ອາຊີ ຕາເວັນອອກ ສຽງໃຕ້ ທີ່ມະຫາວິທະຍາໄລ ສິລະປະ ແຂວງຢຸນນານ ເປັນເຈົ້າພາບ ໄດ້ຈັດຂຶ້ນ ຢູ່ນະຄອນຄຸນໝິງ ແຂວງຢຸນນານ ຂອງ ສປ ຈີນ. ຜູ້ຕາງໜ້າ ມະຫາວິທະຍາໄລ ສິລະປະ, ຜູ້ຊ່ຽວຊານ,ນັກວິຊາການ ແລະອື່ນໆ ທີ່ມາຈາກ ສປ ຈີນ, ກຳປູເຈຍ, ສປປ ລາວ, ມາເລເຊຍ, ສິງກະໂປ,ໄທ ແລະ ປະເທດອື່ນໆ ໄດ້ເຕົ້າໂຮມກັນ ເພື່ອແລກປ່ຽນ ແລະ ຄົ້ນຄວ້າ ປຶກສາຫາລື ກ່ຽວກັບ ການຮ່ວມມື ດ້ານການສຶກສາ ສິລະປະ ໃນລະດັບພາກພື້ນ.ພັນທະມິດດັ່ງກ່າວ ຈະຊຸກຍູ້ໃຫ້ດຳເນີນການຮ່ວມມື ຢ່າງເລິກເຊິ່ງ ລະຫວ່າງ ປະເທດສະມາຊິກ ໃນຂົງເຂດການສິດສອນ ແລະ ຄົ້ນຄວ້າ ວິທະຍາສາດ, ການແລກປ່ຽນ ດ້ານອາຈານ ເປັນຕົ້ນ ໂດຍປິ່ນອ້ອມທັງ 3 ດ້ານຄື: ການບົ່ມເພາະສ້າງ ບຸກຄະລາກອນ, ການຮ່ວມມື ດ້ານວິຊາການ ແລະ ການບໍລິການ ທາງສັງຄົມ ເພື່ອຮ່ວມກັນ ຍົກຄຸນນະພາບ ໂດຍລວມ ຂອງການສຶກສາ ສິລະປະ ໃນພາກພື້ນ ໃຫ້ສູງຂຶ້ນ./.
(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
