ຂປລ
ມາເລເຊຍ ໄດ້ຮັບເງິນທຶນລວມ 54 ຕື້ຣິງກິດ (13 ຕື້ໂດລາສະຫະລັດ) ໃນໄລຍະໄຕມາດ 3 ປີ 2025 ພາຍໃຕ້ໂຄງການສົ່ງເສີມ ເສດຖະກິດດິຈິຕອນ (Malaysia Digital), ຊຶ່ງຊ່ວຍສ້າງຕໍາແໜ່ງງານ ຄຸນນະພາບສູງກວ່າ 21.815 ຕຳແໜ່ງ ໃຫ້ບໍລິສັດ ດິຈິຕອນລວມ 402 ແຫ່ງ.
ຂປລ. ສຳນັກຂ່າວ ອິນໂຟເຄວສ: ມາເລເຊຍ ໄດ້ຮັບເງິນທຶນລວມ 54 ຕື້ຣິງກິດ (13 ຕື້ໂດລາສະຫະລັດ) ໃນໄລຍະໄຕມາດ 3 ປີ 2025 ພາຍໃຕ້ໂຄງການສົ່ງເສີມ ເສດຖະກິດດິຈິ ຕອນ (Malaysia Digital), ຊຶ່ງຊ່ວຍສ້າງຕໍາແໜ່ງງານ ຄຸນນະພາບສູງກວ່າ 21.815 ຕຳແໜ່ງ ໃຫ້ບໍລິສັດ ດິຈິຕອນລວມ 402 ແຫ່ງ.
ສຳນັກງານສົ່ງເສີມ ເສດຖະກິດດິຈິຕອນ ມາເລເຊຍ (MDEC) ຖະແຫລງວ່າ: ບ້ວງເງິນລົງທຶນ ທີ່ໄດ້ຮັບ ເນັ້ນໜັກວ່າ ນັກລົງທຶນມີຄວາມເຊື່ອໝັ້ນ ໃນລະບົບນິເວດດິຈິຕອນ ຂອງມາເລເຊຍ ແລະ ສະທ້ອນເຖິງເສັ້ນທາງ ການເຕີບໂຕ ໄລຍະຍາວທີ່ຂັບເຄື່ອນ ດ້ວຍປັນຍາປະດິດ (ເອໄອ) ຂອງມາເລເຊຍ.
ຖະແຫລງການລະບຸວ່າ: ນັກລົງທຶນຈາກ ສິງກະໂປ ຜ່ານການອະນຸມັດ ຫລາຍທີ່ສຸດ ພາຍໃຕ້ໂຄງການ Malaysia Digital ດ້ວຍມູນຄ່າ ການລົງທຶນລວມຫຼາຍກວ່າ 25 ຕື້ຣິງກິດ, ຖັດມາແມ່ນນັກລົງທຶນ ມາເລເຊຍ 17,2 ຕື້ຣິງກິດ; ນັກລົງທຶນສ.ອາເມລິກາ 6,4 ຕື້ຣິງກິດ ແລະ ນັກລົງທຶນຈີນ 3 ຕື້ຣິງກິດ.
KPL
