ຂປລ
ໃນ 3 ໄຕມາດຜ່ານມາຂອງປີນີ້, ການຄ້າຂາເຂົ້າ-ຂາອອກຂອງ ສປ ຈີນ ກັບບັນດາປະເທດ ຄູ່ຮ່ວມມື “ໜຶ່ງແລວ ໜຶ່ງເສັ້ນທາງ” ໄດ້ບັນລຸມູນຄ່າເຖິງ 17.370 ຕື້ຢວນ,ເພີ່ມຂຶ້ນ 6,2% ເມື່ອທຽບໃສ່ ໄລຍະດຽວກັນ ຂອງປີກາຍ.
ຂປລ.ວິທະຍຸ-ໂທລະພາບ ສູນກາງຈີນ, ເມື່ອບໍ່ດົນມານີ້, ຫ້ອງການ ຖະແຫລງຂ່າວ ຂອງຄະນະ ລັດຖະບານຈີນ ໄດ້ຈັດກອງປະຊຸມ ຖະແຫລງຂ່າວ ໂດຍໄດ້ແຈ້ງ ສະພາບການຄ້າ ຂາເຂົ້າ-ຂາອອກ ຂອງ ສປ ຈີນ ໃນ 3 ໄຕມາດຜ່ານມາ ຂອງປີນີ້ວ່າ: ໃນ 3 ໄຕມາດຜ່ານມາຂອງປີນີ້, ການຄ້າຂາເຂົ້າ-ຂາອອກຂອງ ສປ ຈີນ ກັບບັນດາປະເທດ ຄູ່ຮ່ວມມື “ໜຶ່ງແລວ ໜຶ່ງເສັ້ນທາງ” ໄດ້ບັນລຸມູນຄ່າເຖິງ 17.370 ຕື້ຢວນ,ເພີ່ມຂຶ້ນ 6,2% ເມື່ອທຽບໃສ່ ໄລຍະດຽວກັນ ຂອງປີກາຍ.ໃນດ້ານການນຳເຂົ້າ,ເຫັນວ່າ ໃນສິນຄ້ານຳເຂົ້າປະເພດຕ່າງໆ ລາຍໃຫຍ່ຂອງ ສປ ຈີນ ປະລິມານ ທີ່ນຳເຂົ້າຈາກ ປະເທດ ຄູ່ຮ່ວມມື “ໜຶ່ງແລວ ໜຶ່ງເສັ້ນທາງ” ກວມ 64,6%; ມູນຄ່າການນຳເຂົ້າຜະລິດຕະພັນກະສິກຳ ຂອງ ສປ ຈີນ,ຈາກປະເທດ ຄູ່ຮ່ວມມື “ໜຶ່ງແລວ ໜຶ່ງເສັ້ນທາງ” ກວມ 69,1%. ສ່ວນດ້ານການສົ່ງອອກ: ການສົ່ງອອກ ຜະລິດຕະພັນ ຂໍ້ມູນຂ່າວສານ ເອເລັກໂຕຣນິກຂອງ ສປ ຈີນ ຕໍ່ປະເທດ ຄູ່ຮ່ວມມື “ໜຶ່ງແລວ ໜຶ່ງເສັ້ນທາງ” ໄດ້ເພີ່ມຂຶ້ນ 16,6%, ອຸປະກອນເຕັກໂນໂລຊີ ທັນສະໄໝ ເພີ່ມຂຶ້ນ 37%, ຫົວຈັກ ຜະລິດໄຟຟ້າ ດ້ວຍລົມເພີ່ມຂຶ້ນ 58%./.
(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
