ຂປລ
ພັກເຈມິນ ທີ່ເປັນພັກກຳອຳນາດຂອງຍີ່ປຸ່ນ ໄດ້ຈັດການນັບບັດເລືອກຕັ້ງ ປະທານພັກຕົນ. ໃນການປ່ອນບັດ ຮອບທີ 2, ທ່ານ ນາງ ຕະກະອິຈິ ຊະນະເອະ ອະດີດ ລັດຖະມົນຕີ ກະຊວງຮັບປະກັນຄວາມໝັ້ນຄົງ ດ້ານເສດຖະກິດ ໄດ້ຮັບບັດ ສ່ວນຫລາຍ ແລະ ໄດ້ຮັບເລືອກຕັ້ງ ເປັນປະທານພັກ ເຈມິນຊຸດທີ 29
ຂປລ.ວິທະຍຸ-ໂທລະພາບ ສູນກາງຈີນ, ເມື່ອບໍ່ດົນມານີ້, ພັກເຈມິນ ທີ່ເປັນພັກກຳອຳນາດຂອງຍີ່ປຸ່ນ ໄດ້ຈັດການນັບບັດເລືອກຕັ້ງ ປະທານພັກຕົນ. ໃນການປ່ອນບັດ ຮອບທີ 2, ທ່ານ ນາງ ຕະກະອິຈິ ຊະນະເອະ ອະດີດ ລັດຖະມົນຕີ ກະຊວງຮັບປະກັນຄວາມໝັ້ນຄົງ ດ້ານເສດຖະກິດ ໄດ້ຮັບບັດ ສ່ວນຫລາຍ ແລະ ໄດ້ຮັບເລືອກຕັ້ງ ເປັນປະທານພັກ ເຈມິນຊຸດທີ 29, ມີຄວາມອາດ ເປັນໄປໄດ້ ຢ່າງສູງ ທີ່ຈະກາຍເປັນ ນາຍົກລັດຖະມົນຕີຍີ່ປຸ່ນ ຄົນໃໝ່. ກ່ຽວກັບ ຜົນການເລືອກຕັ້ງ ປະທານພັກເຈມິນ ຂອງຍີ່ປຸ່ນ, ໂຄສົກກະຊວງການຕ່າງປະເທດຈີນ ໄດ້ຕອບຄຳຖາມຂອງນັກຂ່າວຕ່າງປະເທດວ່າ: ຈີນໄດ້ໃສ່ໃຈຕໍ່ຜົນການເລືອກຕັ້ງທີ່ກ່ຽວຂ້ອງ, ນີ້ແມ່ນວຽກງານພາຍໃນຂອງຍີ່ປຸ່ນ. ຫວັງວ່າ ຍີ່ປຸ່ນ ຈະສາມາດປະຕິບັດ ຕາມຫລັກການ ແລະ ຄວາມເຫັນ ທີ່ເປັນເອກະພາບກັນ ທຸກປະການ ໃນເອກະສານ ການເມືອງ 4 ສະບັບລະຫວ່າງ ສປ ຈີນ-ຍີ່ປຸ່ນ, ປະຕິບັດ ຕາມຄຳໝັ້ນສັນຍາ ດ້ານການເມືອງ ຂອງຕົນກ່ຽວກັບ ບັນຫາປະຫວັດສາດ, ບັນຫາໄຕ້ຫວັນ ແລະ ບັນຫາສຳຄັນອື່ນໆ, ປະຕິບັດນະໂຍບາຍຕໍ່ ສປ ຈີນ ທີ່ສ້າງສັນ ແລະ ມີເຫດຜົນ ພ້ອມທັງ ຊຸກຍູ້ໃຫ້ການພົວພັນ ຍຸດທະສາດ ແລະ ຕ່າງຝ່າຍຕ່າງ ໄດ້ຮັບຜົນປະໂຫຍດ ລະຫວ່າງ ສປ ຈີນ-ຍີ່ປຸ່ນ ໄດ້ຮັບການຈັດຕັ້ງປະຕິບັດ ຢ່າງແທ້ຈິງ./.
(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
