ຂປລ
ການກໍ່ສ້າງ ທາງລົດໄຟຂອງ ສປ ຈີນ ໄດ້ຮັບການຊຸກຍູ້ ຢ່າງມີຄຸນນະພາບ ແລະ ປະສິດທິພາບສູງ. ກຸ່ມບໍລິສັດ ທາງລົດໄຟ ແຫ່ງຊາດຈີນ ໄດ້ແຈ້ງໃຫ້ນັກຂ່າວຮູ້ວ່າ: ນັບແຕ່ເດືອນມັງກອນຫາ ເດືອນພຶດສະພາ ຂອງປີນີ້ ໄດ້ສຳເລັດ ການລົງທຶນ ດ້ານຊັບສິນຄົງທີ່ ຕໍ່ທາງລົດໄຟ 242 ຕື້ກວ່າຢວນ, ເພີ່ມຂຶ້ນ 5,9% ເມື່ອທຽບໃສ່ໄລຍະດຽວກັນຂອງປີກາຍ
ຂປລ.ວິທະຍຸສາກົນແຫ່ງ ສປ ຈີນ, ການກໍ່ສ້າງ ທາງລົດໄຟຂອງ ສປ ຈີນ ໄດ້ຮັບການຊຸກຍູ້ ຢ່າງມີຄຸນນະພາບ ແລະ ປະສິດທິພາບສູງ. ກຸ່ມບໍລິສັດ ທາງລົດໄຟ ແຫ່ງຊາດຈີນ ໄດ້ແຈ້ງໃຫ້ນັກຂ່າວຮູ້ວ່າ: ນັບແຕ່ເດືອນມັງກອນຫາ ເດືອນພຶດສະພາ ຂອງປີນີ້ ໄດ້ສຳເລັດ ການລົງທຶນ ດ້ານຊັບສິນຄົງທີ່ ຕໍ່ທາງລົດໄຟ 242 ຕື້ກວ່າຢວນ, ເພີ່ມຂຶ້ນ 5,9% ເມື່ອທຽບໃສ່ໄລຍະດຽວກັນຂອງປີກາຍ, ໄດ້ເສີມຂະຫຍາຍ ບົດບາດ ຊຸກຍູ້ ການລົງທຶນ ຢ່າງມີປະສິດທິຜົນ ແລະ ເພີ່ມພະລັງແຮງໃໝ່ ເຂົ້າໃນການພັດທະນາ ເສດຖະກິດສັງຄົມ. ຜູ້ຮັບຜິດຊອບ ທີ່ກ່ຽວຂ້ອງ ຂອງພາກສ່ວນ ພັດທະນາ ແລະ ປະຕິຮູບ ຂອງກຸ່ມບໍລິສັດ ທາງລົດໄຟແຫ່ງຊາດຈີນ ກ່າວວ່າ: ໃນໄລຍະ 5 ເດືອນຕົ້ນປີນີ້, ພາກສ່ວນ ທາງລົດໄຟຂອງ ສປ ຈີນ ໄດ້ປະສານງານ ແລະ ນຳໃຊ້ກຳລັງ ແລະ ຊັບພະຍາກອນ ດ້ານຕ່າງໆ, ເລັ່ງລັດ ຊຸກຍູ້ ການກໍ່ສ້າງ ທາງລົດໄຟ, ລົງເລິກດຳເນີນການຄົ້ນຄວ້າ ທາງດ້ານວິທະຍາສາດ, ເພີ່ມທະວີ ການຄວບຄຸມ ດ້ານຄວາມປອດໄພ, ຄຸນນະພາບ, ການລົງທຶນ ແລະ ການອະນຸລັກ ສິ່ງແວດລ້ອມ.ການກໍ່ສ້າງໂຄງການ ທີ່ສຳຄັນ ໄດ້ຮັບການຊຸກຍູ້ ຢ່າງໝັ້ນທ່ຽງ ເປັນກ້າວໆ ເຊິ່ງໄດ້ສ້າງພື້ນຖານ ທີ່ໝັ້ນຄົງໃຫ້ແກ່ ການສຳເລັດ ການປະຕິບັດ ແຜນພັດທະນາ ເສດຖະກິດ-ສັງຄົມ 5 ປີຄັ້ງທີ 14 ຢ່າງຈົບງາມ./.
(ບັນນາທິການຂ່າວ: ຕ່າງປະເທດ), ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
