ຂປລ
ຂປລ. ກອງປະຊຸມສະຫລຸບຖອດຖອນບົດຮຽນ ການປຸກລະດົມ ການປະຕິບັດໂຄງການຮ່ວມມື ລະຫວ່າງສູນກາງແນວລາວສ້າງຊາດ (ສນຊ) ແລະ ກະຊວງການເງິນ ໃນວຽກງານໂຄສະນາປຸກລະດົມຊຸກຍູ້ ການປະຕິບັດພັນທະເສຍພາສີ-ອາກອນໃຫ້ລັດ ປະຈຳປີ 2024 ຈັດຂຶ້ນໃນວັນທີ 14 ມັງກອນ 2025 ໂດຍການເປັນທານຮ່ວມຂອງທ່ານ ຄຳໄຫລ ສີປະເສີດ ຮອງປະທານ ສນຊ, ມີທ່ານ ສຸລິວັດ ສຸວັນນະຈູມຄຳ ຮອງລັດຖະມົນຕີ ກະຊວງການເງິນ ພ້ອມດ້ວຍປະທານ ແນວລາວສ້າງຊາດແຂວງ, ນະຄອນຫລວງວຽງຈັນ ແລະ ຫົວໜ້າ-ຮອງຫົວໜ້າພະແນກການເງິນແຂວງເຂົ້າຮ່ວມ.
ຂປລ. ກອງປະຊຸມສະຫລຸບຖອດຖອນບົດຮຽນ ການປຸກລະດົມ ການປະຕິບັດໂຄງການຮ່ວມມື ລະຫວ່າງສູນກາງແນວລາວສ້າງຊາດ (ສນຊ) ແລະ ກະຊວງການເງິນ ໃນວຽກງານໂຄສະນາປຸກລະດົມຊຸກຍູ້ ການປະຕິບັດພັນທະເສຍພາສີ-ອາກອນໃຫ້ລັດ ປະຈຳປີ 2024 ຈັດຂຶ້ນໃນວັນທີ 14 ມັງກອນ 2025 ໂດຍການເປັນທານຮ່ວມຂອງທ່ານ ຄຳໄຫລ ສີປະເສີດ ຮອງປະທານ ສນຊ, ມີທ່ານ ສຸລິວັດ ສຸວັນນະຈູມຄຳ ຮອງລັດຖະມົນຕີ ກະຊວງການເງິນ ພ້ອມດ້ວຍປະທານ ແນວລາວສ້າງຊາດແຂວງ, ນະຄອນຫລວງວຽງຈັນ ແລະ ຫົວໜ້າ-ຮອງຫົວໜ້າພະແນກການເງິນແຂວງເຂົ້າຮ່ວມ.
ທ່ານ ຄຳໄຫລ ສີປະເສີດ ກ່າວວ່າ: ກອງປະຊຸມຄັ້ງນີ້ ບໍ່ພຽງແຕ່ສະແດງໃຫ້ເຫັນເຖິງໝາກຜົນສໍາເລັດ ໃນການຈັດຕັ້ງປະຕິບັດໂຄງການຮ່ວມມື ລະຫວ່າງຄະນະພັກ ສນຊ ແລະ ຄະນະພັກກະຊວງການເງິນ ທີ່ໄດ້ຕົກລົງຮ່ວມກັນ ໃນໄລຍະຜ່ານມາເທົ່ານັ້ນ, ແຕ່ຍັງເປັນການປະກອບສ່ວນສໍາຄັນ ເຂົ້າໃນການປະຕິບັດ ວາລະແຫ່ງຊາດ ໃນການແກ້ໄຂຄວາມຫຍຸ້ງຍາກ ທາງດ້ານເສດຖະກິດ-ການເງິນ ຂອງປະເທດ ທັງເປັນການສ້າງເງື່ອນໄຂ ແກ່ແນວລາວສ້າງຊາດແຕ່ລະຂັ້ນ ໄດ້ເຄື່ອນໄຫວລົງເຖິງຮາກຖານປະຊາຊົນອີກດ້ວຍ.
ຜ່ານການເຄື່ອນໄຫວວຽກງານດັ່ງກ່າວ ໃນຂອບເຂດທົ່ວປະເທດ, ກະຊວງການເງິນໄດ້ອຳນວຍຄວາມສະດວກ ແລະ ສະໜອງງົບປະມານຮັບໃຊ້ໃຫ້ຢ່າງເໝາະສົມ, ເຊິ່ງຂັ້ນທ້ອງຖິ່ນໄດ້ໃຫ້ຄວາມເອົາໃຈໃສ່ຈັດຕັ້ງປະຕິບັດ ແລະ ເຂົ້າຮ່ວມຢ່າງເປັນຂະບວນຟົດຟື້ນ. ນອກຈາກນັ້ນຍັງໄດ້ລົງຊຸກຍູ້ຕົວຈິງ ຢູ່ບັນດາຫົວໜ່ວຍ ທຸລະກິດ, ຜູ້ປະກອບການທັງພາຍໃນ ແລະ ຕ່າງປະເທດ, ຍ້ອນການເຄື່ອນໄຫວວິຊາສະເພາະທີ່ເຂັ້ມແຂງ ຂອງຂະແໜງການເງິນ ແລະ ມີການປະສານສົມທົບໂຄສະນາປຸກລະດົມ ຂອງອົງການແນວລາວສ້າງຊາດແຕ່ລະຂັ້ນ ຈຶ່ງເຮັດໃຫ້ປີ 2024 ທຸກແຂວງສາມາດເກັບລາຍຮັບໄດ້ ເກີນແຜນໃນທົ່ວປະເທດ.
ທ່ານ ຄຳໄຫລ ສີປະເສີດ ກ່າວຕື່ມວ່າ: ສໍາລັບກອງປະຊຸມຄັ້ງນີ້ ເປັນກອງປະຊຸມສະຫລຸບ ຖອດຖອນບົດຮຽນ ດ້ານພຶດຕິກໍາ ໃນການໂຄສະນາປຸກລະດົມຊຸກຍູ້ ການປະຕິບັດພັນທະເສຍພາສີ-ອາກອນໃຫ້ລັດ ໂດຍສະເພາະ ບົດຮຽນໃນການເຄື່ອນໄຫວ ຂອງແນວລາວສ້າງຊາດຢູ່ແຕ່ລະແຂວງ ຖືເປັນກອງປະຊຸມ ທີ່ມີຄວາມ ສໍາຄັນ ຫລາຍ ເຊິ່ງເນື້ອໃນການຖອດຖອນບົດຮຽນ ຈະກາຍເປັນແນວທາງ ວິທີປະຕິບັດທີ່ສໍາຄັນໜຶ່ງ ແກ່ການປຸກລະດົມຊຸກຍູ້ວຽກງານ ຂະແໜງພາສີ-ອາກອນ ກໍຄືການຮ່ວມມືຂອງສອງຄະນະພັກ ໃນຕໍ່ໜ້າ.
ພາບ: ບຸນອູ້ມ
KPL
