ຂປລ
ຂປລ. ກອງປະຊຸມຄົ້ນຄວ້າ ແລະ ຮຽບຮຽງເນື້ອໃນປະຫວັດ ຂອງສະພາແຫ່ງຊາດ ຈັດຂຶ້ນໃນວັນທີ 3-4 ມັງກອນ 2025 ຜ່ານມາ ຢູ່ເມືອງແກ້ວອຸດົມ ແຂວງວຽງຈັນ ໂດຍການເປັນປະທານຂອງ ທ່ານ ສຸບັນ ສະວະບຸດ ຮອງຫົວໜ້າຄະນະຮັບຜິດຊອບຄົ້ນຄວ້າ ແລະ ຮຽບຮຽງປະຫວັດ ຂອງສະພາແຫ່ງຊາດ, ປະທານກຳມາທິການ ວຽກງານສະມາຊິກສະພາແຫ່ງຊາດ, ມີຄະນະຮັບຜິດຊອບຈາກກຳມາທິການ, ຄະນະເລຂາທິການ, ສະຖາບັນຄົ້ນຄວ້ານິຕິກຳ(ສພຊ), ສະຖາບັນຄົ້ນຄວ້າປະຫວັດສາດ ແລະ ບູຮານວິທະຍາ (ສວສຊ), ສະຖາບັນການເມືອງ ແລະ ການປົກຄອງແຫ່ງຊາດ(ສມປຊ) ແລະ ພາກ ສ່ວນກ່ຽວຂ້ອງ ເຂົ້າຮ່ວມ.
ຂປລ. ກອງປະຊຸມຄົ້ນຄວ້າ ແລະ ຮຽບຮຽງເນື້ອໃນປະຫວັດ ຂອງສະພາແຫ່ງຊາດ ຈັດຂຶ້ນໃນວັນທີ 3-4 ມັງກອນ 2025 ຜ່ານມາ ຢູ່ເມືອງແກ້ວອຸດົມ ແຂວງວຽງຈັນ ໂດຍການເປັນປະທານຂອງ ທ່ານ ສຸບັນ ສະວະບຸດ ຮອງຫົວໜ້າຄະນະຮັບຜິດຊອບຄົ້ນຄວ້າ ແລະ ຮຽບຮຽງປະຫວັດ ຂອງສະພາແຫ່ງຊາດ, ປະທານກຳມາທິການ ວຽກງານສະມາຊິກສະພາແຫ່ງຊາດ, ມີຄະນະຮັບຜິດຊອບຈາກກຳມາທິການ, ຄະນະເລຂາທິການ, ສະຖາບັນຄົ້ນຄວ້ານິຕິກຳ(ສພຊ), ສະຖາບັນຄົ້ນຄວ້າປະຫວັດສາດ ແລະ ບູຮານວິທະຍາ (ສວສຊ), ສະຖາບັນການເມືອງ ແລະ ການປົກຄອງແຫ່ງຊາດ(ສມປຊ) ແລະ ພາກ ສ່ວນກ່ຽວຂ້ອງ ເຂົ້າຮ່ວມ.
ທ່ານ ສຸບັນ ສະວະບຸດ ໄດ້ໃຫ້ຮູ້ວ່າ: ການຈັດກອງປະຊຸມໃນຄັ້ງນີ້, ເປັນການທົບທວນຄືນ ຕໍ່ບັນດາຄຳຄິດເຫັນ ຂອງຜູ້ເຂົ້າຮ່ວມກອງປະຊຸມ ແລະ ທິດຊີ້ນໍາຂອງຫົວໜ້າຄະນະຮັບຜິດຊອບ ຕາມການຕີລາຄາຕໍ່ໂຄງຮ່າງ ແລະ ເນື້ອໃນແລ້ວ ພວກເຮົາຈະຕ້ອງໄດ້ປັບປຸງ ແລະ ຮຽບຮຽງຄືນ ເພື່ອໃຫ້ຮ່າງໂຄງບົດ ແລະ ເນື້ອໃນ ຂອງຮ່າງບົດປະຫວັດນັ້ນ ມີຄວາມຈະແຈ້ງ, ຮັດກຸມ ແລະ ເປັນລະບົບ.
ກອງປະຊຸມ ໄດ້ສຸມໃສ່ ຄົ້ນຄວ້າ ແລະ ຮຽບຮຽງ ບັນດາເນື້ອໃນ ຂອງ ພາກທີ I ຂະບວນວິວັດການກຳເນີດສະພາປະຊາຊົນສູງສຸດ, ພາກທີ II ສະພາປະຊາຊົນສູງສຸດ ໃນພາລະກິດການປະຕິບັດ ສອງໜ້າທີ່ຍຸດທະສາດ ແລະ ແນວທາງປ່ຽນແປງໃໝ່ ຂອງການປະຕິວັດລາວ (1975-1992), ພາກທີ III ສະພາແຫ່ງຊາດ ໃນຖານະອົງການນິຕິບັນຍັດ ທີ່ປະຕິບັດພາລະບົດບາດອັນຄົບຖ້ວນ ຕາມທີ່ກຳນົດໄວ້ໃນລັດຖະທໍາມະນູນ ສປປ ລາວ ແລະ ພາກທີ IV ສະຫລຸບສັງລວມ ຂອງຮ່າງປື້ມ 50 ປີ ແຫ່ງການກຳເນີດ ແລະ ເຕີບໃຫຍ່ຂະຫຍາຍ ຂອງສະພາແຫ່ງຊາດ ແຫ່ງ ສປປ ລາວ (2 ທັນວາ 1975-2 ທັນວາ 2025) ເພື່ອເຮັດໃຫ້ໂຄງຮ່າງ ແລະ ເນື້ອໃນຂອງບົດດັ່ງກ່າວ, ມີຄວາມອຸດົມສົມບູນຄົບຖ້ວນ ທາງດ້ານເນື້ອໃນ ແລະ ຮູບການ, ຖືກຕ້ອງຕາມສະພາບຄວາມເປັນຈິງ ແລະ ສອດຄ່ອງກັບຂໍ້ມູນຫລັກຖານກ່ຽວຂ້ອງ ເພື່ອກຽມນໍາເຂົ້າລາຍງານ ຕໍ່ຫົວໜ້າຄະນະຮັບຜິດຊອບຄົ້ນຄວ້າ ແລະ ຮຽບຮຽງປະຫວັດຂອງສະພາແຫ່ງຊາດ ໄດ້ພິຈາລະນາ ແລະ ມີຄໍາເຫັນ ຕໍ່ການຈັດຕັ້ງປະຕິບັດວຽກງານຈຸດສຸມ ປີ 2025 ໃນຂັ້ນຕໍ່ໄປ ໃຫ້ທັນຕາມແຜນການ ທີ່ວາງໄວ້.
ຂ່າວ: ຄໍາສິງ ທາດາສະຫວັນ
KPL
