ຂປລ
ຂປລ. ກົມສື່ມວນຊົນ ຄະນະເລຂາທິການສະພາແຫ່ງຊາດ ຈັດຊຸດຝຶກອົບຮົມວຽກງານສື່ມວນຊົນ ໃນຫົວຂໍ້: “ສ້າງຄວາມຊຳນານງານ ໃນການດຳເນີນລາຍການໂທລະພາບ ແລະ ການຕັດຕໍ່ ພາບແບບມືອາຊີບ” ໃຫ້ແກ່ລັດຖະກອນ ຂອງຄະນະເລຂາທິການ ສະພາປະຊາຊົນຂັ້ນແຂວງ ໃນຂອບເຂດທົ່ວປະເທດ
ຂປລ. ກົມສື່ມວນຊົນ ຄະນະເລຂາທິການສະພາແຫ່ງຊາດ ຈັດຊຸດຝຶກອົບຮົມວຽກງານສື່ມວນຊົນ ໃນຫົວຂໍ້: “ສ້າງຄວາມຊຳນານງານ ໃນການດຳເນີນລາຍການໂທລະພາບ ແລະ ການຕັດຕໍ່ ພາບແບບມືອາຊີບ” ໃຫ້ແກ່ລັດຖະກອນ ຂອງຄະນະເລຂາທິການ ສະພາປະຊາຊົນຂັ້ນແຂວງ ໃນຂອບເຂດທົ່ວປະເທດ ໃນວັນທີ 4 ມັງກອນ 2024 ທີ່ເມືອງວັງວຽງ, ແຂວງວຽງຈັນ ພາຍໃຕ້ການເປັນປະທານ ຂອງ ທ່ານ ນາງ ອໍາໄພວອນ ລ້ອມບຸນແພງ ເລຂາທິການສະພາແຫ່ງຊາດ, ມີສໍາມະນາກອນຈາກທົ່ວປະເທດເຂົ້າຮ່ວມ.
ການຝຶກອົບຮົມໃນຄັ້ງນີ້, ສຳມະນາກອນ ຈະໄດ້ຮຽນຮູ້ກ່ຽວກັບ ຮູບແບບຂອງກັນນຳສະເໜີຂ່າວ-ບົດ ທີມີມາດຕະຖານ; ເຕັກນິກໃນການປະຕິບັດໜ້າທີ່ ເປັນພິທີກອນແບບມືອາຊີບ; ລົງເລິກການຕັດຕໍ່ກ່ຽວກັບ ວິດີໂອແບບມືອາຊີບ; ລົງເລິກການຕັດຕໍ່ກ່ຽວກັບສຽງ ແລະ ພາບແບບມືອາຊີບ ແລະ ອື່ນໆ. ແນໃສ່ເພື່ອສ້າງຄວາມເຂັ້ມແຂງ, ຍົກລະດັບຄວາມຮູ້, ຄວາມສາມາດ ໃນການຜະລິດຂ່າວ-ບົດ, ສ້າງຄອນເທັນ, ຂຽນສະຄລິບ, ການຖ່າຍທຳ ແລະ ການຕັດຕໍ່ ໃຫ້ນັກຈັດລາຍການ.
ທ່ານ ນາງ ອໍາໄພວອນ ລ້ອມບຸນພງ ໄດ້ກ່າວວ່າ: ການຈັດຊຸດຝຶກອົບຮົມຄັ້ງນີ້, ມີຄວາມໝາຍສໍາຄັນຫລາຍ ເພື່ອເຮັດໃຫ້ວຽກງານຂອງກົມສື່ມວນຊົນ ຄະນະເລຂາທິການສະພາແຫ່ງຊາດ ກໍຄື ສື່ມວນຊົນຂອງສະພາປະຊາຊົນຂັ້ນແຂວງ ມີຄວາມເຂັ້ມແຂງ ແລະ ສື່ອ້ອມຂ້າງ ໃນການຕິດຕາມ ແລະ ອອກຂ່າວຜ່ານສື່ຕ່າງໆ ໃຫ້ມີຄວາມວ່ອງໄວ, ທັນເຫດການ, ມີຄຸນນະພາບ, ພ້ອມນີ້, ຍັງ ຮຽກຮ້ອງໃຫ້ສຳມະນາກອນ ສຸມທຸກສະຕິປັນຍາ, ແລກປ່ຽນບົດຮຽນ, ປະສົບການ ແລະ ເກັບກຽວຄວາມຮູ້ ເພື່ອນຳໄປຈັດຕັ້ງປະຕິບັດ ໃນວຽກງານຕົວຈິງ ໃຫ້ເກີດ ຜົນປະໂຫຍດ ສູງສຸດ.
ຂ່າວ: ກິດຕາ
KPL
