ຂປລ
ຂປລ. ກອງປະຊຸມຮຽບຮຽງເນື້ອໃນ ກົດໝາຍວ່າດ້ວຍສະຫະພັນແມ່ຍິງລາວ, ກົດໝາຍວ່າດ້ວຍການພັດ ທະນາ ແລະ ປົກປ້ອງແມ່ຍິງ ຈັດຂຶ້ນໃນວັນທີ 28-29 ທັນວາ 2024 ຢູ່ແຂວງວຽງຈັນ ໂດຍການເປັນປະທານຂອງທ່ານ ນາງ ສູນທອນ ໄຊຍະຈັກ ຮອງປະທານສະພາແຫ່ງຊາດ (ສພຊ), ມີທ່ານ ນາງ ອາລີ ວົງໜໍ່ບຸນທໍາ ປະທານຄະນະບໍລິຫານງານ ສູນກາງສະຫະພັນແມ່ຍິງລາວ (ສສຍລ), ມີປະທານ ແລະ ຮອງປະທານກໍາມາທິການທີ່ກ່ຽວຂ້ອງ ຂອງ ສພຊ, ຮອງລັດຖະມົນຕີກະຊວງຍຸຕິທໍາ
ຂປລ. ກອງປະຊຸມຮຽບຮຽງເນື້ອໃນ ກົດໝາຍວ່າດ້ວຍສະຫະພັນແມ່ຍິງລາວ, ກົດໝາຍວ່າດ້ວຍການພັດ ທະນາ ແລະ ປົກປ້ອງແມ່ຍິງ ຈັດຂຶ້ນໃນວັນທີ 28-29 ທັນວາ 2024 ຢູ່ແຂວງວຽງຈັນ ໂດຍການເປັນປະທານຂອງທ່ານ ນາງ ສູນທອນ ໄຊຍະຈັກ ຮອງປະທານສະພາແຫ່ງຊາດ (ສພຊ), ມີທ່ານ ນາງ ອາລີ ວົງໜໍ່ບຸນທໍາ ປະທານຄະນະບໍລິຫານງານ ສູນກາງສະຫະພັນແມ່ຍິງລາວ (ສສຍລ), ມີປະທານ ແລະ ຮອງປະທານກໍາມາທິການທີ່ກ່ຽວຂ້ອງ ຂອງ ສພຊ, ຮອງລັດຖະມົນຕີກະຊວງຍຸຕິທໍາ, ຮອງຫົວໜ້າຫ້ອງວ່າການ ສໍານັກງານປະທານປະເທດ, ຮອງຫົວໜ້າຫ້ອງວ່າການ ສຳນັກງານນາຍົກລັດຖະມົນຕີ, ຮອງປະທານຄະນະບໍລິຫານງານ ສສຍລ ແລະ ພາກສ່ວນກ່ຽວຂ້ອງ ເຂົ້າຮ່ວມ.
ທ່ານ ນາງ ສູນທອນ ໄຊຍະຈັກ ໄດ້ໃຫ້ຮູ້ວ່າ: ກອງປະຊຸມຄັ້ງນີ້, ແມ່ນການພິຈາລະນາຄືນບັນດາ ຄໍາເຫັນຂອງສະມາຊິກສະພາແຫ່ງຊາດ ໃນກອງປະຊຸມສະໄໝສາມັນ ເທື່ອທີ 8 ຂອງສະພາແຫ່ງຊາດຊຸດທີ IX ທີ່ຄະນະຮັບຜິດຊອບເຫັນດີ ຫລື ບໍ່ປັບປຸງຕາມການສະເໜີ ແລະ ບັນຫາອື່ນໆທີ່ສະມາຊິກ ສະພາແຫ່ງຊາດ ບໍ່ໄດ້ຍົກຂຶ້ນ, ແຕ່ຫາກຍັງເຫັນວ່າຍັງບໍ່ສອດຄ່ອງ, ບໍ່ຄົບຖ້ວນ ຫລື ການຂຽນຍັງບໍ່ຖືກຕ້ອງ ກໍຈະໄດ້ປັບປຸງ ແລະ ຮຽບຮຽງຄືນ ເພື່ອໃຫ້ເນື້ອໃນກົດໝາຍສອງສະບັບປັບປຸງນີ້ ມີຄວາມຈະແຈ້ງ, ຮັດກຸມ ໃຫ້ຖືກຕ້ອງຕາມເປົ້າໝາຍ, ເປັນລະບົບ ແລະ ສອດຄ່ອງກັບສະພາບການ ຂະຫຍາຍຕົວທາງ ດ້ານເສດຖະກິດ-ສັງຄົມ ກ່ອນລາຍງານຕໍ່ກອງປະຊຸມ ຄະນະປະຈຳສະພາແຫ່ງຊາດ ແລະ ນຳສະເໜີທ່ານປະທານສະພາແຫ່ງຊາດ ພິຈາລະນາລົງລາຍເຊັນ.
ໂອກາດນີ້, ຜູ້ເຂົ້າຮ່ວມໄດ້ພ້ອມກັນຄົ້ນຄວ້າ, ສົນທະນາແລກປ່ຽນຕໍ່ຄໍາເຫັນ ຂອງສະມາຊິກສະພາແຫ່ງຊາດ ແລະ ບັນຫາອື່ນໆທີ່ກອງປະຊຸມບັນຫາຕັ້ງຂຶ້ນ. ພ້ອມກັນນັ້ນ, ຄະນະຮັບຜິດຊອບ ກໍຄື ສູນກາງສະຫະພັນແມ່ຍິງລາວ ໄດ້ອະທິບາຍ, ຊີ້ແຈງຕໍ່ທຸກບັນຫາຢ່າງເລິກເຊິ່ງ, ຮອບດ້ານ ແລະ ຮັດກຸມທີ່ສຸດ.
ຂ່າວ: ສພຊ
KPL
