ຂປລ
ທ່ານ ແສງອາລຸນ ສຸລິຍະວົງ ຫົວໜ້າພະແນກກະສິກໍາ ແລະ ປ່າໄມ້ ນະຄອນຫລວງວຽງຈັນໄດ້ໃຫ້ຮູ້ກ່ຽວກັບຜົນການຈັດຕັ້ງປະຕິບັດບັນດາຄາດໝາຍການພັດທະນາຊົນນະບົດ ແລະ ແກ້ໄຂຄວາມທຸກຍາກ ປະຈຳປີ 2024.
*ທ່ານ ແສງອາລຸນ ສຸລິຍະວົງ ຫົວໜ້າພະແນກກະສິກໍາ ແລະ ປ່າໄມ້ ນະຄອນຫລວງວຽງຈັນໄດ້ໃຫ້ຮູ້ກ່ຽວກັບຜົນການຈັດຕັ້ງປະຕິບັດບັນດາຄາດໝາຍການພັດທະນາຊົນນະບົດ ແລະ ແກ້ໄຂຄວາມທຸກຍາກ ປະຈຳປີ 2024 ໃນໂອກາດລາຍງານຕໍ່ກອງປະຊຸມສະໄໝສາມັນເທື່ອທີ 8 ຂອງສະພາປະຊາຊົນນະຄອນຫລວງວຽງຈັນ ຊຸດທີ II ໃນວັນທີ 18 ທັນວາ 2024 ວ່າ: ນະຄອນຫລວງວຽງຈັນ ປະກອບມີ 9 ເມືອງ, 481 ບ້ານ, 13.137 ໜ່ວຍ, ມີທັງໝົດ 156.392 ຄອບຄົວ, ພົນລະເມືອງທັງໝົດ 752.387 ຄົນ, ຍິງ 387.755 ຄົນ, ໃນນີ້ມີຄອບຄົວພົ້ນທຸກ 155.493 ຄອບຄົວ, ເທົ່າກັບ 99,43%, ຄອບຄົວທຸກຍາກຍັງເຫລືອ 899 ຄອບຄົວ, ເທົ່າກັບ 0,57%, ມີຄອບຄົວພັດທະນາ 142.698 ຄອບຄົວ, ເທົ່າກັບ 91,24 %, ຄອບຄົວບໍ່ພັດທະນາ 10.268 ຄອບຄົວ, ເທົ່າກັບ 6,57%, ບ້ານພັດທະນາ 379 ບ້ານ, ເທົ່າກັບ 78,79% , ຍັງບໍ່ທັນບັນລຸ 102 ບ້ານ, ເທົ່າກັບ 21,21%.
ໃນຈໍານວນ 481 ບ້ານທີ່ມີທັງໝົດໃນນະຄອນຫລວງວຽງຈັນ ແມ່ນພົ້ນທຸກແລ້ວ 100%, ສ່ວນບ້ານພັດທະນາສ້າງໄດ້ 379 ບ້ານ, ເທົ່າກັບ 78,79%. ນອກຈາກນີ້, ຍັງສາມາດສ້າງບ້ານໃຫຍ່ເປັນຕົວເມືອງ ນ້ອຍໃນຊົນນະບົດ ບັນລຸ 16 ມາດຕະຖານ ຈໍານວນ 2 ບ້ານຢູ່ ເມືອງສັງທອງ ຄື: ບ້ານໃຫຍ່ນາຈະເລີນ ແລະ ບ້ານຊໍ້, ເມືອງພົ້ນທຸກໄດ້ຮັບໃບຢັ້ງຢືນຈາກລັດຖະບານ ຈຳນວນ 9 ເມືອງ, ເມືອງເຂັ້ມແຂງຮອບດ້ານ ບັນລຸ 7 ເມືອງ,ໄດ້ຮັບໃບຢັ້ງຢືນຈາກລັດຖະບານ ຈຳນວນ 5 ເມືອງ, ຍັງຢູ່ໃນຂັ້ນຕອນນຳສະເໜີ 2 ເມືອງ ແລະ ຍັງບໍ່ບັນລຸ 2 ເມືອງຄື: ເມືອງໄຊທານີ ແລະ ເມືອງປາກງື່ມ.
(ຂໍ້ມູນຈາກ. ວສລ)
KPL
