ຂປລ
ການສົ່ງອອກ ສິນໃນນ້ຳຂອງ ຫວຽດນາມ ໃນປີ 2024 ບັນລຸ 10 ຕື້ ໂດລາສະຫະລັດ. ຕາມຂໍ້ມູນໂດຍ ສະຫະ ສະມາຄົມ ປຸງແຕ່ງ ແລະ ສົ່ງອອກ ສິນໃນນ້ຳ ຫວຽດນາມ ປະກາດ ເມື່ອບໍ່ດົນມານີ້
ຂປລ.ວິທະຍຸ ກະຈາຍສຽງ ຫວຽດນາມ, ການສົ່ງອອກ ສິນໃນນ້ຳຂອງ ຫວຽດນາມ ໃນປີ 2024 ບັນລຸ 10 ຕື້ ໂດລາສະຫະລັດ. ຕາມຂໍ້ມູນໂດຍ ສະຫະ ສະມາຄົມ ປຸງແຕ່ງ ແລະ ສົ່ງອອກ ສິນໃນນ້ຳ ຫວຽດນາມ ປະກາດ ເມື່ອບໍ່ດົນມານີ້ ຢູ່ ນະຄອນ ໂຮ່ຈີມິນ, ກຸ້ງ ແລະ ປາຈາ ແມ່ນສິນຄ້າ ສອງຊະນິດ ຫລັກແຫລ່ງ ປະກອບເຖິງ 60% ເຂົ້າໃນວົງເງິນ ສົ່ງອອກ; ໃນນັ້ນ, ການສົ່ງອອກກຸ້ງ ບັນລຸ 4 ຕື້ໂດລາ ສະຫະລັດ ເພີ່ມຂຶ້ນ 16,7%; ປາຈາ ບັນລຸ 2 ຕື້ໂດລາ ສະຫະລັດ, ເພີ່ມຂຶ້ນ 8,9% ເມື່ອທຽບໃສ່ປີກາຍ. ທ່ານ ນາງ ຫງວຽນ ທິທູຊັກ, ປະທານ Vasepໃຫ້ຮູ້ວ່າ: ໃນແຜນທີ່ສົ່ງອອກ ສິນໃນນ້ຳໂລກ, ປັດຈຸບັນ ສສ ຫວຽດນາມ ແມ່ນປະເທດ ສົ່ງອອກໃຫຍ່ ອັນດັບທີ 3, ຖັດຈາກ ສປ ຈີນ ແລະ ນອກແວ. ນີ້ແມ່ນຫລັກຖານ ທີ່ສະແດງ ໃຫ້ເຫັນວ່າ ຂະແໜງ ສິນໃນນ້ຳ ພວມໄປຖືກທິດ ໃນການຍົກສູງ ມູນຄ່າເພີ່ມ ຂອງຜະລິດຕະພັນ. ແຫລ່ງວັດຖຸດິບ ໄດ້ຮັບການປັບປຸງ, ຕະຫລາດ ສົ່ງອອກ ສືບຕໍ່ ໄດ້ຮັບການເປີດກວ້າງ, ບັນດາວິສາຫະກິດ ສິນໃນນ້ຳ ຫວຽດນາມ ນັບມື້ ນັບສະແດງ ໃຫ້ເຫັນຢ່າງຈະແຈ້ງວ່າ ຄວາມສາມາດ, ລະດັບປຸງແຕ່ງ ລົງເລິກ ແລະ ຜະລິດຕະພັນ ທີ່ມີຄຸນນະພາບສູງ ແມ່ນພື້ນຖານ ຊ່ວຍໃຫ້ຂະແໜງ ສິນໃນນ້ຳ ຫວຽດນາມ ສາມາດ ບັນລຸ ຫລາຍກວ່າ ລະດັບ 10 ຕື້ໂດລາສະຫະລັດ ໃນປີ 2025, ມຸ່ງໄປເຖິງ ບັນລຸ ເປົ້າໝາຍ 11 ຕື້ໂດລາ ສະຫະລັດ./.
(ບັນນາທິການຂ່າວ: ຕ່າງປະເທດ), ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
