ຂປລ
ທ່ານໂຣເບີດ ຟີໂກ(Robert Fico), ນາຍົກ ລັດຖະມົນຕີ ສະໂລວາກີ ໄດ້ເດີນທາງມາ ຢ້ຽມຢາມ ຣັດເຊຍ ແລະ ພົບປະ ເຈລະຈາກັບ ທ່ານ ວາລາດີເມຍ ປູຕິນ(Vladimir Putin), ປະທານາທາບໍດີ ຣັດເຊຍ ເພື່ອປຶກສາຫາລື ຫລາຍບັນຫາ ກ່ຽວກັບ ສະພາບການ ສາກົນ, ພາກພື້ນ ທີ່ຕ່າງຝ່າຍ ຕ່າງມີຄວາມສົນໃຈ, ກໍ່ຄືບັນດາບັນຫາ ຮ່ວມມື ທາງດ້ານພະລັງງານ.
ຂປລ.ວິທະຍຸ ກະຈາຍສຽງ ຫວຽດນາມ, ເມື່ອບໍ່ດົນມານີ້, ທ່ານໂຣເບີດ ຟີໂກ(Robert Fico), ນາຍົກ ລັດຖະມົນຕີ ສະໂລວາກີ ໄດ້ເດີນທາງມາ ຢ້ຽມຢາມ ຣັດເຊຍ ແລະ ພົບປະ ເຈລະຈາກັບ ທ່ານ ວາລາດີເມຍ ປູຕິນ(Vladimir Putin), ປະທານາທາບໍດີ ຣັດເຊຍ ເພື່ອປຶກສາຫາລື ຫລາຍບັນຫາ ກ່ຽວກັບ ສະພາບການ ສາກົນ, ພາກພື້ນ ທີ່ຕ່າງຝ່າຍ ຕ່າງມີຄວາມສົນໃຈ, ກໍ່ຄືບັນດາບັນຫາ ຮ່ວມມື ທາງດ້ານພະລັງງານ, ເປັນຕົ້ນແມ່ນ ການສະໜອງ ອາຍແກັສ ທຳມະຊາດ ຂອງຣັດເຊຍ.ຈາກນັ້ນ ທ່ານ Robert Fico ກ່າວໃນສະພາບການ ທີ່ອູແກຣນ ເດັດດ່ຽວ ບໍ່ຕໍ່ກຳນົດ ເວລາ ສັນຍາ ຂົນສົ່ງອາຍແກັສ, ຄາດວ່າ ຈະໝົດອາຍຸ ໃນວັນທີ 1 ມັງກອນປີໜ້າ ເຊິ່ງນາບຂູ່ ຢ່າງຮ້າຍແຮງ ເຖິງຄວາມໝັ້ນຄົງ ດ້ານພະລັງງານຂອງ ສະໂລວາກີ. ດັ່ງນັ້ນ, ການຢ້ຽມຢາມ ຄັ້ງນີ້ ແມ່ນໜຶ່ງ ໃນບັນດາ ຄວາມມານະ ພະຍາຍາມຂອງ ສະໂລວາກີ ເພື່ອແນໃສ່ ຮັບປະກັນ ສືບຕໍ່ໄດ້ຮັບແຫລ່ງ ສະໜອງ ອາຍແກັສ ຈາກຣັດເຊຍ./.
(ບັນນາທິການຂ່າວ: ຕ່າງປະເທດ), ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
