ຂປລ
ສປຈີນ ສ້າງຄວາມກ້າວໜ້າ ດ້ານເຕັກໂນໂລຊີ ໃນການຜະລິດໄຮໂດຣເຈນ ຈາກນໍ້າທະເລ, ໂດຍອາໄສການໃຊ້ໄຟຟ້າ ຈາກແຫລ່ງພະລັງງານ ໝູນວຽນທາງທະເລ.
ຂປລ.ສຳນັກຂ່າວ ຊິນຮວາຂອງ ສປຈີນ, ສປຈີນ ສ້າງຄວາມກ້າວໜ້າ ດ້ານເຕັກໂນໂລຊີ ໃນການຜະລິດໄຮໂດຣເຈນ ຈາກນໍ້າທະເລ, ໂດຍອາໄສການໃຊ້ໄຟຟ້າ ຈາກແຫລ່ງພະລັງງານ ໝູນວຽນທາງທະເລ. ໂດຍ ຊີເນີຣເທດ (CenerTech) ໃນເຄື່ອບໍລິສັດນໍ້າມັນ ນອກແຄມຝັ່ງ ແຫ່ງຊາດ ສປຈີນ (CNOOC) ປະກາດວ່າ ໂຮງງານທົດລອງ ການແຍກນໍ້າທະເລ ດ້ວຍໄຟຟ້າ ລະດັບເມກາວັດ ໄດ້ສຳເລັດ ການດຳເນີນງານໃນໄລຍະທົດລອງ ແລະ ຈ່າຍພະລັງງານ ໄຮໂດຣເຈນ ທີ່ມີຄວາມບໍລິສຸດເກືອບ 100%.
ໂຮງງານເບື້ອງຕົ້ນ ມີອັດຕາການຜະລິດໄຮໂດຣເຈນ ມາດຕະຖານ 200 ແມັດກ້ອນຕໍ່ຊົ່ວໂມງ ແລະ ປະສົມປະສານ ການດຳເນີນງານຫລັກເຊັ່ນ: ການປະມວນກະແສໄຟຟ້າ, ການແຍກນໍ້າທະເລ ດ້ວຍໄຟຟ້າ ແລະ ການເຮັດໃຫ້ ໄຮໂດຣເຈນ ບໍລິສຸດທິ ໃນ 5 ຕູ້ ຄອນເທັນເນີ ຊຶ່ງຖືເປັນໂຄງສ້າງ ທີ່ກະທັດຮັດ ແລະ ເຄື່ອນຍ້າຍໄດ້ ອັນເໝາະສົມ ກັບແທ່ນນອກແຄມຝັ່ງ.
ຊີເນີຣເທດອອກແບບໂຮງງານນໍາຮ່ອງນີ້ ໃຫ້ສາມາດ ຮັບຮອງຄວາມປ່ຽນແປງ ແລະ ຄວາມບໍ່ສະໝໍາສະເໝີໂດຍທຳມະຊາດ ຂອງພະລັງງານລົມ ແລະ ພະລັງງານ ແສງຕາເວັນນອກແຄມຝັ່ງ ຊຶ່ງກາຍເປັນແນວທາງແກ້ໄຂບັນຫາ ອັນມີປະສິດທິພາບ ສຳລັບການໃຊ້ປະໂຫຍດ ຈາກແຫລ່ງຊັບພະຍາກອນ ພະລັງງານໝູນວຽນ ໃນພື້ນທີ່.
ໃນຂະນະທີ່ ນໍ້າທະເລ ເປັນແຫລ່ງຊັບພະຍາກອນ ການຜະລິດໄຮໂດຣເຈນ, ການແຍກນໍ້າທະເລ ດ້ວຍໄຟຟ້າ ຊ່ວຍໃຫ້ໄຟຟ້າ ອັນເປັນມິດຕໍ່ ສິ່ງແວດລ້ອມ ທີ່ບໍ່ສະຖຽນ ກາຍເປັນໄຮໂດຣເຈນ ອັນເປັນມິດຕໍ່ສິ່ງແວດລ້ອມ ທີ່ກັກເກັບ ແລະ ຂົນສົ່ງງ່າຍກວ່າ./.
KPL
