ຂປລ
ຂປລ. ວັນທີ 20 ທັນວາ 2024 ຜ່ານມາ, ທ່ານ ບຸນທອງ ຈິດມະນີ ກຳມະການກົມການເມືອງສູນກາງພັກ, ຜູ້ປະຈຳການຄະນະເລຂາທິການສູນການພັກ, ຮອງປະທານປະເທດ ໄດ້ລົງເຄື່ອນໄຫວ ເຮັດວຽກຢູ່ເມືອງ ປາກກະດິງ ແຂວງບໍລິຄໍາໄຊ
ຂປລ. ວັນທີ 20 ທັນວາ 2024 ຜ່ານມາ, ທ່ານ ບຸນທອງ ຈິດມະນີ ກຳມະການກົມການເມືອງສູນກາງພັກ, ຜູ້ປະຈຳການຄະນະເລຂາທິການສູນການພັກ, ຮອງປະທານປະເທດ ໄດ້ລົງເຄື່ອນໄຫວ ເຮັດວຽກຢູ່ເມືອງ ປາກກະດິງ ແຂວງບໍລິຄໍາໄຊ ໂດຍການຕ້ອນຮັບຂອງ ທ່ານ ສອນທະນູ ທໍາມະວົງ ກຳມະການສູນການພັກ, ເລຂາພັກແຂວງ, ເຈົ້າແຂວງບໍລິຄໍາໄຊ, ທ່ານ ບຸນຄົບ ຈັນທະວົງ ເລຂາພັກເມືອງ, ເຈົ້າເມືອງ ປາກກະດິງ, ມີຄະນະປະຈຳພັກເມືອງ, ກຳມະການພັກເມືອງ, ຫົວໜ້າຫ້ອງການ ເຂົ້າຮ່ວມ.
ໃນການລົງຢ້ຽມຢາມໃນຄັ້ງນີ້, ທ່ານ ບຸນຄົບ ຈັນທະວົງ ໄດ້ລາຍງານໂດຍຫຍໍ້ກ່ຽວກັບສະພາບ ລວມຂອງເມືອງ, ທ່າແຮງບົ່ມຊ້ອນ ແລະ ການຕີລາຄາຜົນສຳເລັດ ໃນການຈັດຕັ້ງປະຕິບັດ ແຜນພັດທະ ນາເສດຖະກິດ-ສັງຄົມ, ວຽກງານປ້ອງກັນຊາດ-ປ້ອງກັນຄວາມສະຫງົບ, ການຈັດເກັບລາຍຮັບງົບປະ ມານປະຈຳປີ 2024 ແລະ ການກະກຽມດຳເນີນກອງປະຊຸມໃຫຍ່ ຄັ້ງທີ VIII ຂອງອົງຄະນະພັກເມືອງ.
ໂອກາດນີ້, ທ່ານ ບຸນທອງ ຈິດມະນີ ກໍໄດ້ສະແດງຄວາມຍ້ອງຍໍຊົມເຊີຍ ຕໍ່ຜົນງານພົ້ນເດັ່ນ ທີ່ຄະນະພັກ-ອຳນາດການປົກຄອງເມືອງຍາດມາໄດ້ ໃນໄລຍະຜ່ານມາ, ພ້ອມທັງໄດ້ເນັ້ນ ໃຫ້ສືບຕໍ່ເອົາໃຈ ໃສ່ວຽກງານປ້ອງກັນຊາດ-ປ້ອງກັນຄວາມສະຫງົບ ໃຫ້ມີການເຄື່ອນໄຫວ ຈັດຕັ້ງປະຕິບັດຢ່າງເປັນປົກກະຕິ, ຕໍ່ເນື່ອງ ແລະ ດ້ານວຽກງານພັກ ແມ່ນສຸມໃສ່ ການກະກຽມ ກອງປະຊຸມໃຫຍ່ ອົງຄະນະພັກເມືອງຂອງຕົນ ໂດຍໃຫ້ເນັ້ນໃສ່ດ້ານເນື້ອໃນ ໃຫ້ມີຄວາມຖືກຕ້ອງ, ຄົບຖ້ວນ ແລະ ແທດເໝາະກັບສະພາບຕົວຈິງ, ໃຫ້ມີການຕີລາຄາ ດ້ານດີ-ດ້ານອ່ອນ ຂອງບຸກຄົນ ເພື່ອເລືອກເຟັ້ນ ກັ່ນຕອງເອົາບຸກຄະ ລາກອນທີ່ມີມາດຖານ, ເງື່ອນໄຂຄົບຖ້ວນເຂົ້າໃນຄະນະພັກເມືອງຊຸດໃໝ່ ແລະ ຍັງໄດ້ໃຫ້ທິດຊີ້ນຳ ວຽກງານຫລາຍດ້ານ ເພື່ອເປັນທິດທາງ ໃນການພັດທະນາ ເສດຖະກິດ-ສັງຄົມ ຂອງເມືອງຕື່ມອີກ.
ຂ່າວ: ວີຄຳ
KPL
