ຂປລ
ເປີຣຕາມິນາລັດວິສາຫະກິດ ດ້ານນໍ້າມັນຂອງ ອິນໂດເນເຊຍມີແຜນການປຸງແຕ່ງ ນໍ້າມັນປຸງອາຫານ ທີ່ໃຊ້ແລ້ວ ໃຫ້ກາຍເປັນ ນ້ຳມັນເຊື້ອໄຟສຳລັບ ເຮືອບີນທີ່ເປັນມິດກັບ ສິ່ງແວດລ້ອມຊຶ່ງເປັນສ່ວນໜຶ່ງ ຂອງແຜນງານ ດ້ານພະລັງງານສີຂຽວ.
ຂປລ.ສຳນັກຂ່າວຊິນຮວາ ຂອງສປຈີນ, ເປີຣຕາມິນາລັດວິສາຫະກິດ ດ້ານນໍ້າມັນຂອງ ອິນໂດເນເຊຍມີແຜນການປຸງແຕ່ງ ນໍ້າມັນປຸງອາຫານທີ່ໃຊ້ແລ້ວ ໃຫ້ກາຍເປັນ ນ້ຳມັນເຊື້ອໄຟສຳລັບ ເຮືອບີນທີ່ເປັນມິດກັບ ສິ່ງແວດລ້ອມຊຶ່ງເປັນສ່ວນໜຶ່ງ ຂອງແຜນງານ ດ້ານພະລັງງານສີຂຽວ.
ແຜນການດັ່ງກ່າວ ຈະດຳເນີນການ ໂດຍບໍລິສັດພີທີກິລາງ ເປີຣຕາມິນາອິນເຕີເນຊັນແນລ ຊຶ່ງເປັນບໍລິສັດໃນເຄືອ ຂອງເປີຣຕາມິນາພາຍໃຕ້ ໂຄງການກຣິນຣີໄຟເນີຣີຊີລາແຄບ ທີ່ຮ່ວມມືກັບ ພີທີກາປູຣາມາສ ເລສທາຣີຊຶ່ງເປັນບໍລິສັດ ສົ່ງອກນໍ້າມັນປຸງອາຫານ ທີ່ໃຊ້ແລ້ວ.
ຂະນະທີ່ ມີການຄາດການວ່າ ໂຄງການນີ້ ຈະປຸງແຕ່ງວັດຖຸ ດ້ວຍກຳລັງການຜະລິດ 6.000 ຖັງຕໍ່ວັນ ເພື່ອຜະລິດນໍ້າມັນພືດ ທີ່ຜ່ານການ ໄຮໂດຣທຣີດ ແລະ ຜະລິດນ້ຳມັນເຊື້ອໄຟ ສຳລັບເຮືອບິນ ແບບຍືນຍົງ, ໂດຍເປີຣຕາມິນາ ປະເມີນວ່າ ຜົນຜະລິດ ປະມານ 300.000 ກິໂລລິດຕໍ່ປີ.
ຖະແຫລງການຂອງ ພີທີ ເປີຣຕາມິນາ ລະບຸວ່າ: ການປຸງແຕ່ງ ນໍ້າມັນດັ່ງກ່າວ ເປັນວັດຕະກຳຈາກ ເປີຣຕາມິນາ ໃນການຜະລິດເຊື້ອໄຟ ແບບຍືນຍົງ ແລະ ປະສິດທິພາບ ຫລາຍຂຶ້ນ ພ້ອມທັງ ພັດທະນາ ພະລັງງານ ໝູນວຽນ ໂດຍນຳໃຊ້ແຫລ່ງ ພະລັງງານ ທີ່ມີຢູ່ໃນປະເທດ./.
KPL
