ຂປລ
ທ່ານ ຫລານໂຝອັນ ລັດຖະມົນຕີ, ກະຊວງການເງິນຂອງ ສປຈີນ ເປີດເຜີຍວ່າ: ສປຈີນ ໄດ້ເພີ່ມການ ສະໜັບສະໜູນ ທາງການເງິນສຳລັບການຄວບຄຸມ ໄພພິບັດ ແລະ ການບໍລິຫານ ຈັດການເຫດສຸກເສີນ.
ຂປລ.ສຳນັກຂ່າວ ຊິນຮວາຂອງສປຈີນ, ທ່ານ ຫລານໂຝອັນ ລັດຖະມົນຕີ, ກະຊວງການເງິນຂອງ ສປຈີນ ເປີດເຜີຍວ່າ: ສປຈີນ ໄດ້ເພີ່ມການ ສະໜັບສະໜູນ ທາງການເງິນສຳລັບການຄວບຄຸມ ໄພພິບັດ ແລະ ການບໍລິຫານ ຈັດການເຫດສຸກເສີນ. ຂະນະທີ່ ສະເໜີລາຍງານ ການໃຊ້ຈ່າຍ ເພື່ອປ້ອງກັນ ແລະ ຫລຸດຜ່ອນ ໄພພິບັດຕໍ່ກອງປະຊຸມ ຄະນະກຳມະການຖາວອນປະຈຳສະພາ ຜູ້ແທນປະຊາຊົນແຫ່ງຊາດສປຈີນ(NPC) ລະບຸວ່າ ການໃຊ້ຈ່າຍງົບປະມານ ເພື່ອປ້ອງກັນໄພ ແລະ ຫລຸດຜ່ອນໄພພິບັດ ແລະ ການຈັດການເຫດສຸກເສີນລະຫວ່າງປີ 2019-2023 ສູງກວ່າ 3,05 ພັນຕື້ຢວນ,ໂດຍມີອັດຕາການເພີ່ມຂຶ້ນ ສະເລ່ຍ 8,85%ຕໍ່ປີ.
ໃນເບື້ອງຕົ້ນລັດຖະບານ ທ້ອງຖິ່ນ ແລະ ລັດຖະບານກາງ ໄດ້ພະຍາຍາມ ໃຫ້ການສະໜັບສະໜູນ ທາງການເງິນ ແກ່ພາກສ່ວນດັ່ງກ່າວ ຢ່າງຕໍ່ເນື່ອງ , ໂດຍໃນປີ 2024 ລັດຖະບານກາງ ໄດ້ຈັດສັນງົບປະມານ ສຳລັບຮັບມືກັບໄພພິບັດ ແລະ ເຫດສຸກເສີນ ປະມານ 334 ຕື້ຢວນ./.
KPL
