ຂປລ
ກອງປະຊຸມ ສຸດຍອດ ສະຫະພາບ ເອີຣົບ (EU) ໄດ້ຈັດຂຶ້ນ ວັນທີ 19 ທັນວາຢູ່ ນະຄອນຫລວງ ບຣຸກແຊນ ຂອງ ແບນຊິກ, ບັນດາການນຳ EU ໄດ້ເຫັນດີ ເປັນເອກະພາບ ເພີ່ມທະວີ ການໜູນຊ່ວຍ ໃຫ້ແກ່ ອູແກຣນ.
ຂປລ.ວິທະຍຸ ກະຈາຍສຽງ ຫວຽນາມ. ກອງປະຊຸມ ສຸດຍອດ ສະຫະພາບ ເອີຣົບ (EU) ໄດ້ຈັດຂຶ້ນ ວັນທີ 19 ທັນວາຢູ່ ນະຄອນຫລວງ ບຣຸກແຊນ ຂອງ ແບນຊິກ, ບັນດາການນຳ EU ໄດ້ເຫັນດີ ເປັນເອກະພາບ ເພີ່ມທະວີ ການໜູນຊ່ວຍ ໃຫ້ແກ່ ອູແກຣນ. ປັດຈຸບັນ, ອີຢູ ໄດ້ໃຫ້ຄຳໝັ້ນ ສັນຍາ ໜູນຊ່ວຍ ອູແກຣນ ຈຳນວນເງິນ ຫລາຍກ່ວາ 130 ຕື້ ເອີໂຣ. ບ້ວງເງິນ ໜູນຊ່ວຍນີ້ ບໍ່ພຽງແຕ່ ແນໃສ່ ຮັກສາ ດ້ານການເງິນ ຂອງອູແກຣນ ໃຫ້ເປັນ ປົກກະຕິເທົ່ານັ້ນ ຫາກຍັງ ຊ່ວຍໃຫ້ປະເທດນີ້ ຊື້ວັດຖຸ ອຸປະກອນ ການທະຫານ ທີ່ຈຳເປັນອີກດ້ວຍ. ທ່ານ ອັນໂຕນີໂອ ໂຄສຕາ(Antonio Costa), ປະທານ ສະພາ ເອີຣົບ ເນັ້ນໜັກວ່າ: ອີຢູ ຈະສືບຕໍ່ຮຽງບ່າ ຮຽງໄຫລ່ກັບ ອູແກຣນ, ສະໜອງ ທຸກການໜູນຊ່ວຍ ທີ່ຈຳເປັນ ໃຫ້ແກ່ ປະເທດນີ້. ພ້ອມທັງ ສະແດງ ຄວາມປາດຖະໜາ ຢາກໃຫ້ ອູແກຣນ ຈະກາຍເປັນ ສະມາຊິກຂອງ ອີຢູ ໃນໄລຍະໃກ້ໆນີ້./.
(ບັນນາທິການຂ່າວ: ຕ່າງປະເທດ), ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
