ຂປລ
ທະນາຄານກາງ ສະຫະລັດ ອາເມລິກາ (FED) ໄດ້ຕັດສິນໃຈ ປັບຫລຸດ ອັດຕາ ດອກເບ້ຍ ອອກ 0,25%, ນຳດອກເບ້ຍ ຢູ່ປະເທດນີ້ລົງ ໃນຂອບເຂດ 4,25–4,50%. ນີ້ແມ່ນຄັ້ງທີ 3 ຢ່າງລຽນຕິດທີ່ FED ຜ່ອນຜັນ ນະໂຍບາຍ ເງິນຕາ ໃນປີນີ້,
ຂປລ.ວິທະຍຸ ກະຈາຍສຽງ ຫວຽດນາມ, ທະນາຄານກາງ ສະຫະລັດ ອາເມລິກາ (FED) ໄດ້ຕັດສິນໃຈ ປັບຫລຸດ ອັດຕາ ດອກເບ້ຍ ອອກ 0,25%, ນຳດອກເບ້ຍ ຢູ່ປະເທດນີ້ລົງ ໃນຂອບເຂດ 4,25–4,50%. ນີ້ແມ່ນຄັ້ງທີ 3 ຢ່າງລຽນຕິດທີ່ FED ຜ່ອນຜັນ ນະໂຍບາຍ ເງິນຕາ ໃນປີນີ້, ຍົກຍອດ ລະດັບ ການຫລຸດ ອັດຕາດອກເບ້ຍ ນັບແຕ່ ເດືອນກັນຍາ ມາຮອດ ປັດຈຸບັນ ຂຶ້ນເປັນ 1%.ໃນຖະແຫລງ ການນະໂຍບາຍ, FED ໄດ້ຕີລາຄາວ່າ ບັນດາການເຄື່ອນໄຫວ ດ້ານເສດຖະກິດ ຂອງ ສ.ອາເມລິກາ ສືບຕໍ່ເປີດກວ້າງ ດ້ວຍຄວາມໄວ ທີ່ໝັ້ນແກ່ນ, ຂະນະທີ່ ອັດຕາ ຜູ້ວ່າງງານ ຢູ່ລະດັບຕ່ຳ ແລະ ໄພເງິນເຟີ້ ຍັງຢູ່ລະດັບ ສູງກ່ວາ ເປົ້າໝາຍ 2%. ພ້ອມທັງ, ອອກສັນຍານ ກ່ຽວກັບ ຄວາມສາມາດ ໃນການຫລຸດ ອັດຕາ ດອກເບ້ຍ ໃນປີ 2025 ຈະຊັກຊ້າລົງ. ມີບາງທະນາຄານ ຢູ່ບັນດາປະເທດ ໄດ້ມີບັນດາ ປະຕິກິລິຍາ ກ່ຽວກັບ ການຕັດສິນຂອງ FED. ອົງການເງິນຕາ ຮົງກົງ (ຈີນ) ໄດ້ຫລຸດ ອັດຕາດອກເບ້ຍ ພື້ນຖານລົງຕື່ມ 0,25%, ເຫລືອ 4,75%. ຕາມບັນດາ ນັກຊ່ຽວຊານແລ້ວ, ສິ່ງນີ້ແມ່ນຍ້ອນນະໂຍບາຍ ເງິນຕາຂອງ ຮົງກົງ(ຈີນ) ຍາມໃດກໍຮ່ວມ ເດີນທາງກັບ ສ.ອາເມລິກາ. ໃນຂະນະນັ້ນ, ທະນາຄານ ສູນກາງ ຍີ່ປຸ່ນ (BOJ) ໄດ້ຕັດສິນ ດອກເບ້ຍ ສຸດທ້າຍໃນປີ 2024 ແມ່ນຮັກສາຢູ່ລະດັບ 0, 25%./.
(ບັນນາທິການຂ່າວ: ຕ່າງປະເທດ), ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
