ຂປລ
ຖໍ້ານາງຟ້າ ແມ່ນສະຖານທີ່ທ່ອງທ່ຽວທີ່ມີຊື່ສຽງຂອງເມືອງວັງວຽງ ແຂວງວຽງຈັນ ທີ່ເຮັດໃຫ້ຄົນຢາກຢາກເຂົ້າມາສໍາຜັດທິວທັດທໍາມະຊາດທີ່ສວຍງາມ ແລະ ມີກິດຈະກໍາທີ່ໜ້າຕື່ນຕາຕື່ນໃຈ ອັນໄດ້ຮັບຄວາມຍອດນິຍົມຂອງນັກທ່ອງທ່ຽວ ທັງພາຍໃນ ແລະ ຕ່າງປະເທດ.
*ຖໍ້ານາງຟ້າ ແມ່ນສະຖານທີ່ທ່ອງທ່ຽວທີ່ມີຊື່ສຽງຂອງເມືອງວັງວຽງ ແຂວງວຽງຈັນ ທີ່ເຮັດໃຫ້ຄົນຢາກຢາກເຂົ້າມາສໍາຜັດທິວທັດທໍາມະຊາດທີ່ສວຍງາມ ແລະ ມີກິດຈະກໍາທີ່ໜ້າຕື່ນຕາຕື່ນໃຈ ອັນໄດ້ຮັບຄວາມຍອດນິຍົມຂອງນັກທ່ອງທ່ຽວ ທັງພາຍໃນ ແລະ ຕ່າງປະເທດ ນັ້ນກໍຄືການຂີ່ສະລິ້ງ, ການລ່ອງເຮືອກາຍັກ, ທ່ຽວຊົມຖໍ້ານາງຟ້າ, ຖໍ້ານອນ ແລະ ນັ່ງກິນອາຫານແຊບໆ ຊົມທໍາມະຊາດງາມຕາມແຄາມນໍ້າຫລີກເຊິ່ງເປັນມ່ວນ ແລະ ອອນຊອນຫລາຍທີ່ໄດ້ໂດຍສິ່ງຕ່າງໆທີ່ເວົ້າມານີ້ລ້ວນແຕ່ມີຜົນດີຫລາຍຢ່າງ ເພາະນອກຈາກຈະເຮັດວຽກວານທ່ອງທ່ຽວ ມີຄວາມຄືກຄື້ນແລ້ວຍັງສົ່ງຜົນດີໃຫ້ປະຊາຊົນພາຍໃນເມືອງວັງວຽງ ມີວຽກເຮັດງາມທໍາ ແລະ ມີລາຍຮັບເພີ່ມຄວາມເມື່ອກ່ອນຫລາຍ.
ທ່ານ ທ່ານ ບຸນພັນ ວົງສໍາພັນ ປະທານບໍລິສັດທ່ອງທ່ຽວວັນເດີຟູນລາວ ຈໍາກັດຜູ້ດຽວ, ຜູ້ພັດທະນາສະຖານທ່ອງທ່ຽວຖໍ້ານອນ ແລະ ຖໍ້ານາງຟ້າເມືອງວັງວຽງໃຫ້ຮູ້ວ່າ: ບໍລິສັດທ່ອງທ່ຽວວັນເດີຟູນລາວ ຈຳກັດຜູ້ດຽວ ໄດ້ເລີ່ມເຂົ້າມາພັດທະນາສະຖານທ່ອງທ່ຽວຖໍ້ານອນ ແລະ ຖໍ້ານາງຟ້າວັງວຽງ ໃນປີ 2014 ຊຶ່ງໃນເບື້ອງຕົ້ນໄດ້ເຮັດກິດຈະກຳຂີ່ສະລິ້ງໃຫ້ແກ່ນັກທ່ອງທ່ຽວຕໍ່ມາກໍ່ໄດ້ຊີ້ດິນ ແລະ ມີການພັດທະນາຢູ່ຕະຫລອດຈົນເປັນທ່ອງທ່ຽວຖໍ້ານາງຟ້າຄືດັ່ງປັດຈຸບັນນີ້ ທີ່ີມີນັກທ່ອງທ່ຽວຫລັງໄຫລເຂົ້າມາບໍ່ຂາດສາຍ ຈຸດນີ້ຮູ້ສຶກດີໃຈຫລາຍ ເພາະຈຸດນີ້ແມ່ນແຫ່ງລາຍຮັບທີ່ສໍາຄັນ ຂອງແຕ່ລະສະຖານທີ່ທ່ອງທ່ຽວ ແລະ ປະຊາຊົນພາຍໃນເມືອງວັງວຽງລວມເຖິງປະຊາຊົນ ທີ່ເຮັດວຽກໃນສະຖານທີ່ທ່ອງທ່ຽວແຫ່ງນີ້ກໍມີຫລາຍກວ່າ 400 ກວ່າຄົນ ໃນນີ້ ບໍ່ລວມນັກຮຽນທີ່ມາເຮັດວຽກເສີມໃນໄລຍະວັນເສົາອາທິດ ຈຸດນີ້ກໍເປັນອີກຈຸດໜຶ່ງໃນການສ້າງສະຖານແຫ່ງທ່ອງທ່ຽວ ເພື່ອສ້າງວຽກເຮັດງານທໍາໃຫ້ປະຊາຊົນພາຍໃນເມືອງວັງວຽງໄປມີວຽກເຮັດງານທໍາ, ມີລາຍຮັບເພີ່ມຂຶ້ນ.
ນາງ ຕານຸ້ຍ ປະຊາຊົນ ບ້ານ ນາທ່ອງ ເມືອງ ວັງວຽງ ພະນັກງານຖໍ້ານາງຟ້າເວົ້າສູ່ຟັງວ່າ: ຕົນເອງເຮັດວຽກຢູ່ນີ້ໄດ້ 4 ປີ ແຕ່ກ່ອນເຮັດເປັນພະນັກງານເສີບຈົນມີຄວາມຊໍານານຮູ້ຈັກໜ້າວຽກ ທາງຫົວໜ້າເພີ່ນໄວ້ເນື້ອເຊື້ອໃຈ ຈຶ່ງໃຫ້ເປັນຫົວໜ້າພະນັກງານເສີບ ເພື່ອເບິ່ງວຽກງານກ່ຽວກັບອາຫານໃຫ້ແຂກທີ່ມາໃຊ້ບໍລິການ, ໂດຍອາຫານພາຍໃນຮ້ານກໍຈະມີອາຫານລາວ ແລະ ອາຫານຕ່າງປະເທດ ແລະ ເຄື່ອງດື່ມປະເພດຕ່າງໆໄວ້ບໍລິການລູກຄ້າ. ສໍາລັບການເຮັດວຽກໃນຖໍ້ານາງຟ້າ ກໍຖືວ່າດີຫລາຍ ຫົວໜ້າກໍເບິ່ງແຍງເອົາໃຈໃສ່ຍາມເຈັບເປັນ ກໍໃຫ້ຄວາມຊ່ວຍເຫລືອເຮັດວຽກຄືຄອບຄົວເຮັດໃຫ້ພະນັກງານທີ່ເຮັດວຽກມີຄວາມສະບາຍໃຈເຮັດໄດ້ດົນ ເພາະຄິດວ່າບາງທີໄປເຮັດບ່ອນອື່ນການເຮັດວຽກອາດບໍ່ສະບາຍໃຈເທົ່າບ່ອນນີ້ ແລະ ຕົນເອງກໍຄິດວ່າຈະເຮັດວຽກບ່ອນນີ້ໄປເລື້ອຍໆ.
ບົດໂດຍ: ມາລີດາ
KPL
