ຂປລ
ທ່ານ ນາງ ເນຕຸມໂບ ນັນດີ ໄນວາ( Netumbo Nandi-Ndaitwa), ຮອງປະທານາທິບໍດີ ຄົນປັດຈຸບັນ ໄດ້ຮັບ ຄະແນນສຽງ ນິຍົມ 57% ໃນການເລືອກຕັ້ງ ທົ່ວໄປ ໃນວັນທີ27 ພະຈິກ ຜ່ານມາ
ຂປລ.ສຳນັກຂ່າວ ເອເອຟພີ,ວັນທີ4 ທັນວານີ້, ທ່ານ ນາງເນຕຸມໂບ ນັນດີ ໄນວາ( Netumbo Nandi-Ndaitwa), ຮອງປະທານາທິບໍດີ ຄົນປັດຈຸບັນໄດ້ຮັບ ຄະແນນສຽງ ນິຍົມ 57%ໃນການເລືອກຕັ້ງ ທົ່ວໄປ ໃນວັນທີ27 ພະຈິກ ຜ່ານມາ ເອົາຊະນະ ທ່ານ ປັນ ດູເລນີ ອີຕູລາ( Panduleni Itula), ຜູ້ຕາງໜ້າ ຂອງພັກຝ່າຍຄ້ານ ແຫ່ງຊາດ ເສລີ ເພື່ອການປ່ຽນແປງ (IPC)ແລະ ໄດ້ຮັບຄະແນນສຽງພຽງ 25,5%ເຮັດໃຫ້ ພັກອົງການປະຊາຊົນ ອາຟຣິກາ ຕາເວັນຕົກ ສຽງໃຕ້ (Swapo) ເປັນພັກ ປົກຄອງ ຂອງປະເທດ ນາມິບີ.ຖະແຫລງການ ໄຊຊະນະ ຂອງການເລືອກຕັ້ງແມ່ນໄດ້ສ້າງປະຫວັດສາດ ໃຫ້ແກ່ ຜູ້ສະໝັກຂອງພັກກາຍເປັນ ປະທານາທິບໍດີຍິງ ຄົນທຳອິດ ຂອງປະເທດ ຖືວ່າ ເປັນພັກ ກຳອຳນາດ ຍາວນານ ຕະຫລອດ 34ປີ ຂອງພັກປະຊາຊົນ ຫລັງຈາກໄດ້ຮັບການສະໜັບ ສະໜູນ ຈາກຄົນຮຸ້ນໃໝ່ ທີ່ເປັນຫວ່ງ ກ່ຽວກັບ ບັນຫາ ການຫວ່າງງານ ແລະ ຄວາມບໍ່ສະເໜີພາບ./.
(ບັນນາທິການຂ່າວ: ຕ່າງປະເທດ), ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
