ຂປລ.ວິທະຍຸ ກະຈາຍສຽງ ຫວຽດນາມ, ກອງປະຊຸມ ຄັັ້ງທີ 16 ບັນດາຝ່າຍ ເຂົ້າຮ່ວມ ສົນທິສັນຍາ ສະຫະ ປະຊາຊາດ ກ່ຽວກັບ ການຕ້ານການ ກາຍເປັນ ທະເລຊາຍ(COP16) ໄດ້ໄຂຂຶ້້ນ ຢູ່ ນະຄອນຫລວງ ຣີຢັດ ຂອງ ອາຣັບບີ ຊາອຸດິດ ໄດ້ຮຽກຮ້ອງ ບັນດາ ຄວາມານະ ພະຍາຍາມ ທົ່ວໂລກ ເພື່ອແນໃສ່ ເພີ່ມທະວີ ຄວາມສາມາດ ຟື້ນຟູ ພາຍຫລັງ ໄພແຫ້ງແລ້ງ. ກອງປະຊຸມ ຈະດຳເນີນ ໃນເວລາ 2 ອາທິດ ຈົນຮອດ ວັນທີ13 ທັນວານີ້ ພາຍໃຕ້ ດ້ວຍຫົວຂໍ້ “ທີ່ດິນຂອງພວກເຮົາ.  ອະນາຄົດ ຂອງພວກເຮົາ”, ເຫດການນີ້ ເປັນຂີດໝາຍ ສະເຫລີມ ສະຫລອງ 30 ປີ ຂອງສົນທິ ສັນຍາ ສປຊ ກ່ຽວກັບ ການຕ້ານ ການກາຍເປັນ ທະເລຊາຍ (UNCCD) ກໍ່ແມ່ນ ກອງປະຊຸມ ສຸມໃສ່ ກ່ຽວກັບ ທີ່ດິນໃຫຍ່ສຸດ ຂອງສະຫະ ປະຊາຊາດ ນັບແຕ່ກ່ອນ ມາຮອດ ປະຈຸບັນ ແລະ ແມ່ນກອງປະຊຸມ COP ຄັ້ງທຳອິດ ຂອງ UNCCD ຊື່ງດຳເນີນຢູ່ເຂດ ຕາເວັນອອກກາງ ແລະ ອາຟຣິກາເໜືອ.ຈາກນັ້ນ ທ່ານ ອິບຣາຮິມ ທີອໍ(Ibrahim Thiaw) ເລຂາທິການ ຝ່າຍບໍລິຫານ UNCCD ໄດ້ກ່າວເນັ້ນໜັກເຖິງ ຄວາມສຳຄັນ ຂອງການຟື້ນຟູທີ່ດິນ ແລະ  ນີ້ແມ່ນໜຶ່ງ ໃນບັນດາເຄື່ອງມື ທີ່ມີປະສິດທິຜົນທີ່ສຸດ ເພື່ອແກ້ໄຂ ບາງສິ່ງທ້າທາຍ ໃຫຍ່ສຸດ ຂອງຍຸກສະໄໝຄື: ການປ່ຽນແປງ ຂອງດິນຟ້າອາກາດ, ສະພາບ ຂາດແຄນ ສະບຽງອາຫານ, ຄວາມບໍ່ສະເໝີພາບ ດ້ານເສດຖະກິດ, ການອົບພະຍົບ ແບບບັງຄັບ ແລະ ຄວາມຂາດ ສະຖຽນລະພາບ ທົ່ວໂລກ.” ນັບແຕ່ນີ້ ຮອດປີ 2050 ມີປະຊາກອນ 7,5 ຕື້ຄົນ ຈະຖືກຜົນກະທົບ ຈາກໄພແຫ້ງແລ້ງ ພ້ອມທັງ ຮຽກຮ້ອງ ຕ້ອງມີການກະທຳ ຢ່າງທັນທີ.ໃນກອງປະຊຸມ COP16 ຄັ້ງນີ້, ບັນດາຜູ້ແທນຄາດວ່າ: ຈະຕົກລົງ ບັນດາ ການກະທຳລວມໝູ່ ເພື່ອຍູ້ໄວ ບັນດາ ຄວາມມານະ ພະຍາຍາມ ຟື້ນຟູທີ່ດິນ, ເພີ່ມທະວີ ຄວາມສາມາດ ຟື້ນຟູ ຕໍ່ສະພາບແຫ້ງແລ້ງ ແລະ ພາຍຸຂີ້ຊາຍ, ຟື້ນຟູ ຄຸນນະພາບທີ່ດິນ ແລະ ເປີດກວ້າງ ຂອບຂະໜາດ ການຜະລິດ ສະບຽງອາຫານ ຢ່າງຕັ້ງໜ້າ ຕໍ່ກັບ ທຳມະຊາດ ໃນປີ 2030./.

(ບັນນາທິການຂ່າວ: ຕ່າງປະເທດ), ຮຽບຮຽງ ຂ່າວໂດຍ: ສະໄຫວ ລາດປາກດີ

KPL