ຂປລ
ງານແລ່ນ ມາລາທອນ ຈີນ-ອາຊຽນ 2024 ໄດ້ຈັດຂຶ້ນ ຢູ່ນະຄອນຟາງເຊີງກາງ ເຂດກວາງຊີຈີນເມື່ອບໍ່ດົນມານີ້ ໂດຍມີ ນັກກິລາ 20.000 ກວ່າຄົນ ທີ່ມາຈາກ 14 ປະເທດ ແລະ ຫລາຍເຂດແຄວ້ນ ເຂົ້າຮ່ວມ ງານດັ່ງກ່າວ.
ຂປລ.ວິທະຍຸ ສາກົນ ແຫ່ງ ສປ ຈີນ, ງານແລ່ນ ມາລາທອນ ຈີນ-ອາຊຽນ 2024 ໄດ້ຈັດຂຶ້ນ ຢູ່ນະຄອນຟາງເຊີງກາງ ເຂດກວາງຊີຈີນເມື່ອບໍ່ດົນມານີ້ ໂດຍມີ ນັກກິລາ 20.000 ກວ່າຄົນ ທີ່ມາຈາກ 14 ປະເທດ ແລະ ຫລາຍເຂດແຄວ້ນ ເຂົ້າຮ່ວມ ງານດັ່ງກ່າວ. ງານແຂ່ງຂັນຄັ້ງນີ້ ມີ 4 ລາຍການຄື: ແລ່ນມາລາທອນ ໄລຍະໄກ, ແລ່ນມາລາທອນ ເຄິ່ງໄລຍະກາງ, ແລ່ນມິນິມາລາທອນ 10 ກິໂລແມັດ ແລະ 5 ກິໂລແມັດ, ເສັ້ນທາງແລ່ນ ໄດ້ຕັດຜ່ານທັງທິວທັດ ຕົວເມືອງ ແລະ ທິວທັດແຄມທະເລ ທີ່ສວຍງາມ. ຫລັງຈາກ ຜ່ານການແຂ່ງຂັນກັນ ທີ່ທໍລະຫົດອົດທົນ, ທ່ານ ເອລີເຈນ ກິບຄົສເກ ຈາກເກນຢາ ຄວ້າໄຊ ໃນລາຍການແລ່ນມາລາທອນໄລຍະໄກ ປະເພດ ທີມຊາຍ, ທ່ານ ນາງ ລີເດຍ ເຊັບໂດ ຈາກເກນຢາ ຄວ້າໄຊໃນລາຍການ ແລ່ນມາລາທອນ ໄລຍະໄກ ປະເພດທີມຍິງ./.
(ບັນນາທິການຂ່າວ: ຕ່າງປະເທດ), ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
