*ແ ​ນັ້ນ​ກໍ່​ຄື​ການ​ນໍາ​ໃຊ້ຜັກ​ສົດ​ ເປັນ​ວັດຖຸ​ດິບ​ຫລັກ​ ຈຶ່ງ​ຖືກ​ໃຈ​ຄົນ​ລາວເນື່ອງ​ຈາກ​ວ່າ​ຄົນ​ລາວ​ມີ​ຈຸດ​ພິ​ເສດການ​ມັກ​ກິນ​ຜັກ ສະ​ນັ້ນ, ຈຶ່ງ​​ເຮັດ​ໃຫ້​ອາຫານ​ຫວຽດນາມ​ ​ເຕີ​ບ​ໃຫຍ່​ຂະຫຍາຍຕົວ​ຢ່າງ​ວ່ອງ​ໄວ​​ໃນ​ຫລາຍ​ປີ​ທີ່​ຜ່ານ​ມາ ​​ເນື່ອງ​ຈາກ​ວ່າ​ທຸກ​ມື້​ນີ້​ສັງຄົມ ມີ​ການ​ເຊື່ອມ​ໂຍງກັນ​ຫລາຍ​ຂຶ້ນ​ຈຶ່ງ​ເຮັດ​ໃຫ້ວັດທະນາ​ທໍາ​ຫລາຍໆດ້ານ​ໂດຍ​ສະ​ເພາະ ດ້ານ​ອາຫານ, ການ​ກິນຂະຫຍາຍຕົວຫລາຍ​ໃນ​ສັງຄົມ​ລາວ ​ເຊິ່ງຈຸດ​ນີ້ມັນ​ໄດ້​ສ້າງ​ເງື່ອນ​ໄຂ​ໃຫ້​ບັນດາ​ຜູ້​ປະກອບ​ການທີ່​ມີ​ແນວ​ຄິດ​ສ້າງ​ສັນ ໝູນ​ໃຊ້​​ໃຫ້​ເກີດ​ເປັນ​ທຸລະ​ກິດ​ທີ່​ຄົນ​ລາວ​ນິຍົມ​ຊົມ​ຊອບ.

        ທ່ານ ຕິ່ງ ວິໄລ ເຈົ້າຂອງໂຮງແຮມ ແລະ ຮ້ານເຝີຮວ່າງກິມ ໃຫ້ຮູ້ວ່າ: ຈຸດເລີ່ມຕົ້ນທີ່ໄດ້ມາເຮັດອາຊີບນີ້ ຕ້ອງຍ້ອນກັບຄືນຕອນຢູ່ ຫວຽດນາມ ກໍໄດ້ເຮັດ ອາຊີບຂາຍຮ້ານເຝີ 10 ປາຍ​ປີ ຫລັງ​ຈາກ​ນັ້ນ, ກໍ​ໄດ້​ມາ​ຢູ່​ລາວ ​​ໂດຍ​ອາຊີບ​ທໍາ​ອິດ​ທີ່​ເຮັດ ​ແມ່ນ​ການ​ຂາຍ​ອາຫານ​ຕາມ​ສັ່ງ, ຕໍ່ມາ​ກໍ່​ເປີດ​ໂຮງ​ແຮມ ຊື່ວ່າ ຮວ່າງກິມ ຕັ້ງຢູ່​ບ້ານ​ຊຽງຍືນ​ໃກ້​ກັບ​ທາດ​ດໍາ ​ເປັນ​ເວລາ​ຫລາຍ​ປີ ຈົນມາ​ຮອດ​ປີ 2024 ກໍ​ໄດ້​ເປິ​ດຂາຍເຝີ​​ເຊິ່ງ​ເປັນ​ສູດ​ຕົ້ນຕໍາ​ລັບ​ຈາກ​ປະ​ເທດ​ຫວຽດນາມ​ເລີຍບອກ​ເລີຍ​ວ່າ​ສູດ​ນີ້​ແຊບນົວ ​ແບບ​ບໍ່​ໃສ່​ແປ້ງ​ນົວ​​ເພາະ​ນໍ້າ​​ແກງ​ຈະ​ເນັ້ນ ກະດູກ​ຂາ​ຕັ້ງ​ງົວ ​ແລະ ວັດຖຸ​ດິບຕ່າງໆ ມາ​ຕົ້ມ​ຂ້ຽວ​ໃຫ້​ເຂັ້ມ​ຂຸນ​ແຊບນົວ​ຖືກ​ໃນ​ລູກ​ຄ້າ ທີ່​ຫລັງ​ໄຫລ​ເຂົ້າ​ມາ​ຢ່າງ​ຫລວງຫລາຍ​ໃນ​ແຕ່​ລະ​ມື້ ​ຈົນ​ຮັບ​ນໍາ​ກໍ່​ບໍ່​ທັນ​ເພາະລູກ​ຄ້າ​ເຂົ້າມາ​ພ້ອມ ກັນ​ໃນ​ໄລຍະຕອນ​ທ່ຽງ ດັ່ງ​ນັ້ນ, ຈຶ່ງ​ມີ​​ການ​ຂະຫຍາຍ​ສາຂາ ​ເພີ່ມ​ອີກ 3 ສາຂາ ​​ເພື່ອ​ຮອງຮັບ​ລູກ​ຄ້າ ​ໂດຍ​ສາ​ທີ 1 ​ແມ່ນຕັ້ງ​ຢູ່​ບ້ານ ຊຽງຍືນ ​ໃກ້​ກັບທາດ​ດໍາ,  ສາຂາ​ທີ 2 ​ໃກ້​ກັບສວນນໍ້າພຸບ້ານ​ຊຽງຍືນ​ຄື​ກັນ ກໍາລັງ​ປັບບໍ່​ທັນ​ເປີດ , ສາຂາ ທີ 3 ​ແມ່ນ ຢູ່ບ້ານ​ວັງຊາ​ຍ​ແຖວສະໜາມມ້າ, ສາຂາ​ທີ 4 ​ແມ່ນ​ຢູ່ ​ບ້ານ ​ຫັດສະດີ ຕໍ່ໜ້າສູນອີ​ທີ​ເອວ​.

    ສໍາ​ລັບ ຈຸດ​ພິ​ເສດ​ຂອງ​ຮ້ານ​ທີ່​​ເຮັດ​​ໃຫ້ລູກ​ຄ້າ​ຕິດ​ອົກ​ຕິດ​ໃຈ​ແມ່ນ ວັດຖຸ​ດິບ​ທີ່​ສົດ​​ໃໝ່​ ​ໂດຍ​ຊີ້ນທີ່​ໃຊ້​ແມ່ນ ຊີ້​ນຕິດ​ມັນ (​ເສືອ​ຮ້ອງ​​​ໃຫ້), ຊີ້​ນຂາລາຍ​ງາງາມໆ, ຜັກ​ກັບກໍ​​ເຮັດ​ເປັນ​ແບບ​ບຸບ​ເຟ້ລູກ​ຄ້າ​ສາມາດ​ຈັບ​ໄດ້​ຕາມ​ສະບາຍ. ນອກຈາກ​ເຝີ​​ແຊບແລ້ວ ທາງ​ຮ້ານ​ກໍ​ມີ​ບໍລິການອື່ນໆອີກ ​ເຊັ່ນ ອາຫານ​ຕາມ​ສັ່ງ, ​ເຂົ້າປຸ້ນ​ຫວຽດນາມ, ຍໍ​ຈີືນ ​ແລະ ອື່ນໆອີກຫລາຍ​ຢ່າງ​ລວມທັງ​ເຄື່ອງ​ດື່ມ, ນໍ້າ​ປັ່ນ​ແຊບ​ໄວ້​ບໍລິການ​ລູກ​ຄ້າ ທັງ​ພາຍ​ໃນ ​ແລະ ຕ່າງປະ​ເທດ . ສໍາລັບ ລາຄາ​ຂາຍຂອງ​ເຝີ​ແມ່ນ​ເລີ່​ມຕົ້ນ 40 ຫາ 99  ພັນກີບ ​ແລ້ວ​ແຕ່​ຂະໜາດນ້ອຍ, ກາງ,​ ໃຫຍ່ ແຕ່​ສໍາລັບ ລູກຄ້າ​ທ່ານ​ໃດ​ຢາ​ກ​ໄດ້​ຊີ້ນລວກ​ຕື່ມ​ອີກ​ຮ້ານ​ເຮົາ​ກໍ່​ມີ​ຂາຍ​ເຊັ່ນ​ດຽວກັນ.

     ທ່ານ ຕິ່ງ ​ເວົ້າ​ຕື່ມ​ວ່າ : ພາຍຫລັງ​ທີ່​ເປີດ​ຮ້ານ​ຂາຍ​ເຝີມາ ​ເຫັນ​ວ່າ​ຜົນ​ຕອບ​ຮັບ​ດີ​ຫລາຍໃນ​ແຕ່​ລະ​ມື້  ​ແຕ່​ລະ​ສາຂາ​ແມ່ນ​ລູກ​ຄ້າ​ເຕັມ​ທຸກ​ມື້ ​ໂດຍ​ສະ​ເລ່ຍ​ແລ້ວ ຂາຍ​ໄດ້ 600-800 ຖ້ວຍ​ ​ໃນ​ແຕ່​ລະ​ສາຂາ. ສະນັ້ນ ​ເພື່ອ​ເຮັດ​ໃຫ້​ລູກ​ຄ້າ​ທີ່​ມາ​ກິນ​ຮູ້ສຶກ​ປະ​ທັບ​ໃຈ​ມາ​ແລ້ວ​ຢາກ​ມາ​ອີກ ການ​ບໍລິການ​ຕ້ອງ​ດີ, ອາຫານ​ຕ້ອງ​ແຊບ, ສະອາ​ດ ທີ່​ສໍາຄັ​ນຕ້ອງ​ວ່ອງ​ໄວ​ທັນ​ໃຈ ທີ່​ເຮັດ​ໃຫ້​ຮ້ານ​ຄອງ​ໃຈ​ລູກ​ຄ້າ​ຍາວ​ນານ. ສໍາລັບ ​ແຜນ​ໃນຕໍ່ໜ້າກໍ​ຢາກ​ຂະ​ຫຍາ​ຍສາຂາ​ຕາມ​ຈຸດໆ​ໃນ​ນະຄອນຫລວງ​ວຽງຈັນ.

    ນາງ ນ້ອຍ ປະຊາຊົນບ້ານ ດົງປາລານ   ​ໃຫ້​ຮູ້​ວ່າ:  ຕົນ​ເອງ​ມາ​ກິນຮ້ານ​ນີ້​ເປັນ​ເທື່ອ​ທໍາ​ອິ​ດ ຮູ້ສຶກ​ປະ​ທັບ​ໃຈ​ໃນ​ການ​ບໍລິການ,​ ເຝີ​ກໍ​ແຊບ​ຖືກ​ໃຈ​ຫລາຍ ​ໂດຍ​ສະ​ເພາະ​ແມ່ນ​ຊີ້ນ​ເປື້ອຍ, ຊີ້ນ​ຕິດ​ມັນ ທີ່​ສໍາຄັນແມ່ນ​ນໍ້າ​ຊຸບ​ແຊບ ກິນ​ແບບ​ບໍ່​ປຸງ​ກໍ່​ແຊບແລ້ວ​ແຕ່​ຄວາມ​ມັກ​ຂອງ​ໃຜລາວ ​ແຕ່​ສໍາຄັນ ຕົນ​ເອງ​ແມ່ນຕື່ມ​ນໍ້າຕານກັບໝາກ​ເຜັດ​ແຈວກໍ່​​ແຊບ​ແລ້ວ  ອີກ​ຢ່າງໜຶ່ງຄືມັກ​ທີ່​ເພີ່ນ​ຈັ​ດຜັກ​ແບບ​ບຸບ​ເຟ້ ​ເພາະວ່າ​ມັກ​ກິນ​ຜັກຈຶ່ງ​ຕອບ​ໂຈດ​ເລີຍ.

    ​ເອົາ​ເປັນ​ວ່າ​ທ່ານ​ໃດ ທີ່​ມັກ​ກິນ​ອາຫານ​ປະ​ເພດ​ເສັ້ນ ຢາກແນະ​ນໍາ​ ຮ້ານ​ເຝີ ຮວ່າງ​ກິມ ​ໃນ​ສາ​ຕ່າງໆບອກ​ເລີຍ​ວ່າ​ແຊບ​ແບບ​ມີ​ເອກະລັກ​ຈາກ​ປະ​ເທດ​ຫວຽດນາມຖ້າທ່ານ​ຈະ​ບໍ​ຜິດ​ຫວັງ​ແນ່ນອນ ສໍາລັບ​ທ່ານ​ໃດ​ທີ່​ຢາກ​ລອງ​ຊີມ ກໍ​ສາດ​ສັ່ງ​ໄດ້​ທີ່​ແອັບ​ຟູ​ດ​ແພນ​ດ້າ ຊື້ ຮ້ານ​ເຝີ​ຮວ່າງ​ກີ​ມ ( ສະໜາມມ້າ  ​​) ຫລື ທ່ານ​ໃດ​ ສະດວກກໍມາກິນຮ້ອນໆຢູ່ຮ້ານໄດ້ເລີຍ.
ໂດຍ: ມາລີ​ດາ