ຂປລ
ຂປລ. ໃນໄລຍະ 10 ເດືອນຜ່ານມາ ທົ່ວປະເທດ ສາມາດແກ້ໄຂບັນຫາຢາເສບຕິດ ແລະ ມ້າງລາຍຄະດີຢາເສບຕິດ ໄດ້ທັງໝົດ 3.395 ເລື່ອງ, ຈັບຜູ້ຖືກຫາໄດ້ 5.168 ຄົນ ຍິງ 505 ຄົນ, ຕ່າງປະເທດ 199 ຄົນ ຍິງ 19 ຄົນ, ຢຶດເຮໂຣອິນໄດ້ 380,96 ກິໂລກຣາມ, ຢາບ້າ 81 ລ້ານກວ່າເມັດ ນໍ້າໜັກ 8.103 ກວ່າກິໂລກຣາມ, ຢາໄອສ໌ 4.816 ກວ່າກິໂລກຣາມ, ຢາຝິ່ນ 84,86 ກິໂລກຣາມ, ກັນຊາ 3.583 ກວ່າກິໂລກຣາມ, ເຄຕາມິນ 33,14 ກິໂລກຣາມ, ຢາອີ 2.584 ເມັດ ກັບ 61,44 ກິໂລກຣາມ, ໂຄເຄນ 0,99 ກິໂລກຣາມ, ແປ້ງຝຸ່ນ 10.092,84 ກິໂລກຣາມ, ສານເຄມີ 101 ຖັງ, ລົດໃຫ່ຍ 77 ຄັນ, ລົດ ຈັກ 480 ຄັນ, ປືນ 10 ກະບອກ ແລະ ລູກປືນ 1.677 ລູກ.
ຂປລ. ໃນໄລຍະ 10 ເດືອນຜ່ານມາ ທົ່ວປະເທດ ສາມາດແກ້ໄຂບັນຫາຢາເສບຕິດ ແລະ ມ້າງລາຍຄະດີຢາເສບຕິດ ໄດ້ທັງໝົດ 3.395 ເລື່ອງ, ຈັບຜູ້ຖືກຫາໄດ້ 5.168 ຄົນ ຍິງ 505 ຄົນ, ຕ່າງປະເທດ 199 ຄົນ ຍິງ 19 ຄົນ, ຢຶດເຮໂຣອິນໄດ້ 380,96 ກິໂລກຣາມ, ຢາບ້າ 81 ລ້ານກວ່າເມັດ ນໍ້າໜັກ 8.103 ກວ່າກິໂລກຣາມ, ຢາໄອສ໌ 4.816 ກວ່າກິໂລກຣາມ, ຢາຝິ່ນ 84,86 ກິໂລກຣາມ, ກັນຊາ 3.583 ກວ່າກິໂລກຣາມ, ເຄຕາມິນ 33,14 ກິໂລກຣາມ, ຢາອີ 2.584 ເມັດ ກັບ 61,44 ກິໂລກຣາມ, ໂຄເຄນ 0,99 ກິໂລກຣາມ, ແປ້ງຝຸ່ນ 10.092,84 ກິໂລກຣາມ, ສານເຄມີ 101 ຖັງ, ລົດໃຫ່ຍ 77 ຄັນ, ລົດ ຈັກ 480 ຄັນ, ປືນ 10 ກະບອກ ແລະ ລູກປືນ 1.677 ລູກ.
ທ່ານ ພົນເອກ ວິໄລ ຫລ້າຄໍາຟອງ ຮອງນາຍົກລັດຖະມົນຕີ, ລັດຖະມົນຕີກະຊວງປ້ອງກັນຄວາມສະຫງົບ ໄດ້ລາຍງານຜົນການຈັດຕັ້ງປະຕິບັດວາລະແຫ່ງຊາດ ວ່າດ້ວຍການແກ້ໄຂບັນຫາຢາເສບຕິດ ໄລຍະແຕ່ເດືອນມັງກອນ ຫາເດືອນຕຸລາ 2024 ໃນກອງປະຊຸມສະໄໝສາມັນ ເທື່ອທີ 8 ສະພາແຫ່ງຊາດ ຊຸດທີ IX ໃນວັນທີ 20 ພະຈິກ 2024 ນີ້ວ່າ: ໃນໄລຍະຜ່ານມາ, ເຖິງວ່າລັດຖະບານ ຈະປະສົບຄວາມຫຍຸ້ງຍາກ ແລະ ສິ່ງທ້າທາຍຫລາຍປະການ ແຕ່ດ້ວຍຄວາມຮັບຜິດຊອບການເມືອງ ທີ່ໄດ້ຮັບມອບໝາຍ ເຈົ້າໜ້າທີ່ ທີ່ກ່ຽວຂ້ອງ, ອົງການປົກຄອງທ້ອງຖິ່ນແຕ່ລະຂັ້ນ ແມ່ນໄດ້ສຸມໃສ່ການຈັດຕັ້ງ ປະຕິບັດວຽກງານ ສະກັດກັ້ນແກ້ໄຂບັນຫາ ຢາເສບຕິດ ຕາມມະຕິ 110/ສພຊ, ລົງວັນທີ 21 ພະຈິກ 2023 ແລະ ຕາມ 06 ວຽກຈຸດສຸມຢ່າງຕໍ່ເນື່ອງ ແລະ ມີຜົນສໍາເລັດໃນຫລາຍລະດັບທີ່ແຕກຕ່າງກັນ. ນອກຈາກນີ້, ໄດ້ລົງສຳຫລວດເນື້ອທີ່ລັກລອບປູກຝິ່ນ ໃນປີ 2024 ຢູ່ 9 ແຂວງພາກ ເໜືອ ແລະ ພາກກາງ, ຊຶ່ງກວດພົບເນື້ອທີ່ລັກລອບປູກຝິ່ນ 5.831 ເຮັກຕາ, ທໍາລາຍໄດ້ 126 ເຮັກຕ ພ້ອມນີ້, ໄດ້ລົງກວດກາ ແລະ ທໍາລາຍການລັກລອບປູກຕົ້ນກະທ່ອມ ຢູ່ເມືອງສັງທອງ, ນະຄອນຫລວງວຽງຈັນ 123 ຕົ້ນ ແລະ ໄດ້ທໍາລາຍສານເຄມີຕັ້ງຕົ້ນທີ່ເຈົ້າໜ້າທີ່ຢຶດໄດ້ 126 ໂຕນຢູ່ 3 ແຂວງພາກເໜືອ ຄື: ແຂວງບໍ່ແກ້ວ, ຫລວງພະບາງ ແລະ ແຂວງຫລວງນ້ຳທາ.
ທ່ານ ພົນເອກ ວິໄລ ຫລ້າຄໍາຟອງ ໃຫ້ຮູ້ຕື່ມວ່າ: ຕໍ່ເປົ້າໝາຍຜູ້ເສບຢາເສບຕິດ (ຜູ້ຖືກເຄາະຮ້າຍ), ຊຶ່ງ ປກສ ໄດ້ນໍາເຂົ້າສູນບໍາບັດ-ປິ່ນປົວ, ຟື້ນຟູສຸຂະພາບ ທີ່ມີໃນທົ່ວປະເທດ 14 ສູນ, ມີ 5.132 ຄົນ ຍິງ 209 ຄົນ ໃນນີ້, ປິ່ນປົວດີແລ້ວກັບຄືນບ້ານ 2.513 ຄົນ ຍິງ 112 ຄົນ, ສືບຕໍ່ປິ່ນປົວ 2.619 ຄົນ ຍິງ 97 ຄົນ.
ຂ່າວ: ສົມຫວັງ, ພາບ: ເກດສະໜາ
KPL
