ຂປລ
ເອຢິບ ຈະຈັດ ກອງປະຊຸມ ສຸດຍອດ ບັນດາປະເທດ ເຂດລຸ່ມ ແມ່ນ້ຳໄນ(Nile) ໃນປີ 2025. ກອງປະຊຸມ ສຸດຍອດນີ້ ໄດ້ຮັບຖືວ່າ ແມ່ນມີຄວາມສຳຄັນຍິ່ງ ໃນການແກ້ໄຂ ບັນດາບັນຫາ ການເມືອງ ແລະ ສົມທົບກັນ ຄຸ້ມຄອງ ບັນດາແຫລ່ງ ຊັບພະຍາກອນນ້ຳ ຢູ່ເຂດລຸ່ມແມ່ນ້ຳ Nile ຢ່າງມີປະສິດທິຜົນ.
ຂປລ.ວິທະຍຸ ກະຈາຍສຽງ ຫວຽດນາມ, ວັນທີ3ພະຈິກນີ້, ເອຢິບ ຈະຈັດ ກອງປະຊຸມ ສຸດຍອດ ບັນດາປະເທດ ເຂດລຸ່ມ ແມ່ນ້ຳໄນ(Nile) ໃນປີ 2025. ກອງປະຊຸມ ສຸດຍອດນີ້ ໄດ້ຮັບຖືວ່າ ແມ່ນມີຄວາມສຳຄັນຍິ່ງ ໃນການແກ້ໄຂ ບັນດາບັນຫາ ການເມືອງ ແລະ ສົມທົບກັນ ຄຸ້ມຄອງ ບັນດາແຫລ່ງ ຊັບພະຍາກອນນ້ຳ ຢູ່ເຂດລຸ່ມແມ່ນ້ຳ Nile ຢ່າງມີປະສິດທິຜົນ. ຄາດວ່າ ຈະມີປະມຸກລັດ ຈາກ 11 ປະເທດ ເຂດລຸ່ມແມ່ນ້ຳ Nile ເຂົ້າຮ່ວມ, ລວມມີ: ເອຢິບ, ເອທີໂອເປຍ, ຊູດັງ, ຊູດັງໃຕ້,ເຄນຢາ, ອຸການາ, ເອຣີເຈຍ, ຕານຢານີ, ບູຣູນດີ ແລະ ກົງໂກ.ກ່ອນໜ້ານັ້ນ, ທ່ານ ລັດຖະມົນຕີ ກະຊວງການຕ່າງປະເທດ ເອຢິບ ໄດ້ຖະແຫລ່ງວ່າ ນີ້ແມ່ນຈຸດ ເວລາເໝາະສົມ ເພື່ອຈັດກອງປະຊຸມ ສຸດຍອດ ບັນດາປະເທດ ເຂດລຸ່ມແມ່ນ້ຳ Nile ເພື່ອແນໃສ່ ເພີ່ມທະວີ ການຮ່ວມມື ກ່ຽວກັບ ການແບ່ງປັນແຫລ່ງນ້ຳ./.
(ບັນນາທິການຂ່າວ: ຕ່າງປະເທດ), ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
