ຂປລ
ສສ ຫວຽດນາມ ຈັດພິທີ ໄຂງານແຂ່ງຂັນ ຊີງລາງວັນ Standard Chartered Marathon ມໍລະດົກ ຮ່າໂນ້ຍ 2024. ມີນັກກິລາ ກວ່າ 18.000 ຄົນ, ໃນນັ້ນ ມີນັກກິລາ ສາກົນ ເກືອບ 1.300 ຄົນ ທີ່ມາຈາກ 55 ປະເທດ
ຂປລ.ວິທະຍຸ ກະຈາຍສຽງ ຫວຽດນາມ, ສສ ຫວຽດນາມ ຈັດພິທີ ໄຂງານແຂ່ງຂັນ ຊີງລາງວັນ Standard Chartered Marathon ມໍລະດົກ ຮ່າໂນ້ຍ 2024. ມີນັກກິລາ ກວ່າ 18.000 ຄົນ, ໃນນັ້ນ ມີນັກກິລາ ສາກົນ ເກືອບ 1.300 ຄົນ ທີ່ມາຈາກ 55 ປະເທດ, ໄດ້ກຽມພ້ອມ ເຂົ້າຮ່ວມ ງານແຂ່ງຂັນນີ້ ໃນວັນທີ 3 ພະຈິກນີ້ ໂດຍມີ ຈຳນວນນັກກິລາ ເຂົ້າຮ່ວມງານແຂ່ງຂັນ Marathon ປີນີ້ ໄດ້ເພີ່ມຂຶ້ນ 150% ເມື່ອທຽບໃສ່ ງານແຂ່ງຂັນ ຄັ້ງກ່ອນ ແລະ ແມ່ນຕົວເລກສະຖິຕິ ໄດ້ຮັບຮູ້ ຢູ່ບັນດາງານແຂ່ງຂັນ Marathon ຂອງ ສສ ຫວຽດນາມ. Standard Chartered Marathon ມໍລະດົກ ຮ່າໂນ້ຍ 2024 ແມ່ນງານແຂ່ງຂັນ ແລ່ນທຳອິດ ຈັດຂຶ້ນຢູ່ ສສ ຫວຽດນາມ. ກາຍເປັນສ່ວນໜຶ່ງ ໃນລະບົບ ງານແຂ່ງຂັນ ແລ່ນທີ່ມີຊື່ສຽງ ສາກົນ, Standard Chartered Marathon ແມ່ນພື້ນຖານ ຢ່າງໝັ້ນແກ່ນ ເພື່ອຊ່ວຍໃຫ້ຄະນະຈັດຕັ້ງ ຫັນບັນດາຄວາມຝັນນຳ ປະເພດ ກິລາ Marathon ຂອງ ສສ ຫວຽດນາມ ເຂົ້າແຜນທີ່ໂລກ ໃຫ້ປະກົດຜົນເປັນຈິງ, ເພ່ືອໃຫ້ ສສ ຫວຽດນາມ ກາຍເປັນ ຈຸດນັດພົບ ມັກຮັກ ຂອງນັກກິລາ ສາກົນ, ປະກອບສ່ວນ ພັດທະນາ ການທ່ອງທ່ຽວ ຫວຽດນາມ ຕາມທິດ ຍືນຍົງ./.
(ບັນນາທິການຂ່າວ: ຕ່າງປະເທດ), ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
