ຂປລ
ຂປລ. ສະຖາບັນພັດທະນາ ຊັບພະຍາກອນມະນຸດ ລາວ-ຍີ່ປຸ່ນ (ສລຍ) ມະຫາວິທະຍາໄລແຫ່ງຊາດ (ມຊ) ຈັດພິທີສະຫລຸບສົກສຶກສາ 2023-2024 ແລະ ເປີດສົກຮຽນໃໝ່ 2024-2025 ໃນວັນທີ 28 ຕຸລາ 2024 ໂດຍການເປັນປະທານຂອງ ທ່ານ ເດຊານຸລາດ ແສນດວງເດດ ວ່າການອະທິການບໍດີ ມຊ, ມີຜູ້ອຳນວຍການສະຖາບັນ, ຮອງຜູ້ອຳນວຍການ, ຮອງຄະນະບໍດີ, ຫົວໜ້າ-ຮອງຫົວໜ້າພາກວິຊາ, ພະນັກງານ, ຄູ-ອາຈານ ແລະ ນັກສຶກສາ ເຂົ້າຮ່ວມ.
ຂປລ. ສະຖາບັນພັດທະນາ ຊັບພະຍາກອນມະນຸດ ລາວ-ຍີ່ປຸ່ນ (ສລຍ) ມະຫາວິທະຍາໄລແຫ່ງຊາດ (ມຊ) ຈັດພິທີສະຫລຸບສົກສຶກສາ 2023-2024 ແລະ ເປີດສົກຮຽນໃໝ່ 2024-2025 ໃນວັນທີ 28 ຕຸລາ 2024 ໂດຍການເປັນປະທານຂອງ ທ່ານ ເດຊານຸລາດ ແສນດວງເດດ ວ່າການອະທິການບໍດີ ມຊ, ມີຜູ້ອຳນວຍການສະຖາບັນ, ຮອງຜູ້ອຳນວຍການ, ຮອງຄະນະບໍດີ, ຫົວໜ້າ-ຮອງຫົວໜ້າພາກວິຊາ, ພະນັກງານ, ຄູ-ອາຈານ ແລະ ນັກສຶກສາ ເຂົ້າຮ່ວມ.
ໃນພິທີ ທ່ານ ພອນແກ້ວ ຈັນທະມາລີ ຜູ້ອຳນວຍການ ສລຍ ໄດ້ໃຫ້ຮູ້ວ່າ: ໃນເບື້ອງຕົ້ນ ສລຍ ແມ່ນເປັນສູນຮ່ວມມືລາວ-ຍີ່ປຸ່ນ ແນໃສ່ການພັດທະນາຊັບພະຍາກອນມະນຸດ ເປັນຫລັກ, ຈາກນັ້ນ ກໍໄດ້ມີການຈັດການຮຽນ-ການສອນ ໃນລະດັບປະລິນຍາໂທ ໃນສາຂາ ການບໍລິຫານທຸລະກິດ ເຊິ່ງໃນສົກສຶກສາ 2023-2024 ມີຜູ້ສຳເລັດການສຶກສາທັງໝົດ 21 ຄົນ ຍິງ 10 ຄົນ. ພ້ອມນີ້, ໃນສົກສຶກສາທີ່ຜ່ານມາ ສລຍ ຍັງດໍາເນີນການຝຶກອົບຮົມຢູ່ຫລາຍປະເພດ ເປັນຕົ້ໜ ຫລັກສູດເພື່ອແກ້ໄຂຕາມບັນຫາຕົວຈິງ ເອີ້ນວ່າ Tailor made course, ຫລັກສູດຝຶກອົບຮົມທົ່ວໄປ ແລະ ຫລັກສູດຝຶກອົບຮົມ ຄວາມເປັນມືອາຊີບທາງທຸລະກິດ ສໍາລັບນັກທຸລະກິດ ແລະ ເປັນກອງເລຂາໃນການຈັດຕັ້ງໂຄງການລາງວັນ Honda YES Award, ສາມາດປະຕິບັດໄດ້ຕາມແຜນເວລາ ແລະ ທັນກັບທຸກຂັ້ນຕອນການເຄື່ອນໄຫວ.
ສະຖາບັນພັດທະນາ ຊັບພະຍາກອນມະນຸດ ລາວ-ຍີ່ປຸ່ນ ເຄື່ອນໄຫວບົນພື້ນຖານການຮ່ວມມື ລະຫວ່າງລັດຖະບານລາວ ແລະ ຍີ່ປຸ່ນ. ໃນນັ້ນ, ຕາງໜ້າຝ່າຍລາວ ແມ່ນມະຫາວິ ທະຍາໄລແຫ່ງຊາດ ແລະ ຝ່າຍຍີ່ປຸ່ນແມ່ນອົງການ JICA ປະຈຳ ສປປ ລາວ, ເຮັດວຽກແລກປ່ຽນວັດທະນະທຳ ແລະ ວິຊາການໂດຍກົງກັບສາກົນ ໂດຍສະເພາະແມ່ນຍີ່ປຸ່ນ ແລະປະເທດ ອື່ນໆ. ທັງໄດ້ສອນພາສາຍີ່ປຸ່ນ ເປັນຫລັກສູດຝຶກອົບຮົມປົກກະຕິ ໃຫ້ກັບຜູ້ສົນໃຈຮຽນທົ່ວໄປ ແລະ ສອນພິເສດຕາມຄວາມຕ້ອງການ ໃຫ້ກັບອົງກອນພາຍນອກ ເພື່ອສົ່ງຄົນລາວໄປຝຶກອົບ ຮົມທັກສະ ສະເພາະຢູ່ປະເທດຍີ່ປຸ່ນ, ພ້ອມທັງດຳເນີນວຽກງານຄົ້ນຄວ້າ ພາຍໃຕ້ການຈັດຫາແຫລ່ງທຶນຕ່າງຫາກ.ໂອກາດນີ້, ທ່ານ ເດຊານຸລາດ ແສນດວງເດດ ກໍໄດ້ມີຄໍາເຫັນໂອ້ລົມ ໂດຍເນັ້ນໃຫ້ສະຖາບັນພັດທະນາຊັບພະຍາກອນມະນຸດ ລາວ-ຍີ່ປຸ່ນ ເປັນເຈົ້າການໃນການຈັດຕັ້ງວຽກງານການ ເຄື່ອນໄຫວຕ່າງໆທີ່ກ່ຽວຂ້ອງ, ຍົກສູງການຮ່ວມມືລະຫວ່າງສອງປະເທດ ລາວ-ຍີ່ປຸ່ນ, ສືບຕໍ່ດຳເນີນວຽກ ງານຕ່າງໆ ໃຫ້ສຳເລັດຜົນຕາມຄາດໝາຍທີ່ວາງໄວ້.ຂໍ້ມຸນ-ພາບ: ກະດານຂ່າວ ມຊ
KPL
