ຂປລ
ທະນາຄານໂລກ ປະກາດ ໃນບົດລາຍງານ ສະບັບໃໝ່ ຫລ້າສຸດວ່າ: ປະເທດ ທຸກຍາກ ທີ່ສຸດໃນໂລກ 26 ປະເທດ ພວມຜະເຊີນ ພາລະໜີ້ສິນ ສູງທີ່ສຸດ ໃນຮອບ 18ປີ
ຂປລ.ສຳນັກຂ່າວ ເອເອຟພີ,ວັນທີ14ຕຸລານີ້, ທະນາຄານໂລກ ປະກາດ ໃນບົດລາຍງານ ສະບັບໃໝ່ ຫລ້າສຸດວ່າ: ປະເທດ ທຸກຍາກ ທີ່ສຸດໃນໂລກ 26 ປະເທດ ພວມຜະເຊີນ ພາລະໜີ້ສິນ ສູງທີ່ສຸດ ໃນຮອບ 18ປີ ຊຶ່ງປະເທດ ເຫລົ່ານີ້ ມີປະຊາກອນ ລວມກັນ ປະມານ 40% ຂອງປະຊາກອນໂລກ ຢູ່ລະດັບ ສະເລ່ຍ 72% ຂອງລວມຍອດ ຜະລິດ ຕະພັນ ພາຍໃນປະເທດ(ຈີດີພີ) ຊຶ່ງຖືວ່າ ເປັນຕົວເລກສູງສຸດ ໃນຮອບ ຫລາຍປີຜ່ານມາ.ຂະນະດຽວກັນ ຈຳນວນເງິນ ຊ່ວຍເຫລືອ ສາກົນ ທີ່ປະເທດ ເຫລົ່ານີ້ ໄດ້ຮັບການຊ່ວຍເຫລືອ ຫລຸດລົງ ສູ່ລະດັບ ຕ່ຳສຸດ ໃນຮອບ 20ປີ ຜ່ານມາ ເຊັ່ນກັນ ເນື່ອງຈາກ ປະເທດ ລາຍໄດ້ຕ່ຳ ກູ້ຢືມເງິນ ຈຳນວນຫລາຍ ໃນໄລຍະ ການແພ່ລະບາດ ໂຄວິດ-19 ສົ່ງຜົນໃຫ້ຂາດດຸນ ການເງິນ ເພີ່ມຂຶ້ນເປັນ 3ເທົ່າ ແລະ ຫລາຍປະເທດ ຍັງບໍ່ສາມາດ ແກ້ໄຂ ບັນຫາ ການຂາດດຸນ ດ້ານການເງິນ ໄດ້ ຢ່າງເຕັມສ່ວນ ຈຶ່ງເຮັດໃຫ້ເກີດວິກິດ ໃນຫລາຍປະເທດ ທົ່ວໂລກ./.
(ບັນນາທິການຂ່າວ: ຕ່າງປະເທດ), ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
