ຂປລ
ຂປລ. ໃນໂອກາດທີ່ເດີນທາງ ມາວາງພວງມາລາໄວ້ອາໄລເຖິງ ສະຫາຍ ຫງວຽນ ຝູ໋ ຈ້ອງ ເລຂາທິການໃຫຍ່ຄະນະບໍລິຫານງານ ສູນກາງພັກກອມມູນິດຫວຽດນາມ, ສະຫາຍ ພົນເອກ ຈັນສະໝອນ ຈັນຍາລາດ ຮອງນາຍົກລັດ ຖະມົນຕີ, ລັດຖະມົນຕີກະຊວງປ້ອງກັນປະເທດ ແຫ່ງ ສປປ ລາວ ພ້ອມຄະນະ ໄດ້ເຂົ້າຢ້ຽມພົບປະ ສະຫາຍ ຟາມ ມິງ ຈິງ ນາຍົກລັດຖະມົນຕີແຫ່ງ ສສ ຫວຽດນາມ ໃນວັນທີ 25 ກໍລະກົດ 2024 ທີ່ນະຄອນຫລວງຮ່າໂນ້ຍ ສສ ຫວຽດນາມ.
ຂປລ. ໃນໂອກາດທີ່ເດີນທາງ ມາວາງພວງມາລາໄວ້ອາໄລເຖິງ ສະຫາຍ ຫງວຽນ ຝູ໋ ຈ້ອງ ເລຂາທິການໃຫຍ່ຄະນະບໍລິຫານງານ ສູນກາງພັກກອມມູນິດຫວຽດນາມ, ສະຫາຍ ພົນເອກ ຈັນສະໝອນ ຈັນຍາລາດ ຮອງນາຍົກລັດ ຖະມົນຕີ, ລັດຖະມົນຕີກະຊວງປ້ອງກັນປະເທດ ແຫ່ງ ສປປ ລາວ ພ້ອມຄະນະ ໄດ້ເຂົ້າຢ້ຽມພົບປະ ສະຫາຍ ຟາມ ມິງ ຈິງ ນາຍົກລັດຖະມົນຕີແຫ່ງ ສສ ຫວຽດນາມ ໃນວັນທີ 25 ກໍລະກົດ 2024 ທີ່ນະຄອນຫລວງຮ່າໂນ້ຍ ສສ ຫວຽດນາມ.
ໂອກາດນີ້, ສະຫາຍຮອງນາຍົກລັດຖະມົນຕີ, ລັດຖະມົນຕີກະຊວງປ້ອງກັນປະເທດ ແຫ່ງ ສປປ ລາວ ໄດ້ສະແດງຄວາມຂອບອົກຂອບໃຈ ຕໍ່ສະຫາຍ ຟາມມິງຈິງ ນາຍົກລັດຖະມົນຕີແຫ່ງ ສສ ຫວຽດນາມ ພ້ອມຄະນະ ທີ່ໃຫ້ກຽດຕ້ອນຮັບຢ່າງອົບອຸ່ນ ແລະ ສະໜິດສະໜົມ ເຕັມໄປດ້ວຍ ໄມຕີຈິດມິດຕະພາບອັນດູດດື່ມ ແລະ ແໜ້ນແຟ້ນເປັນການປະກອບສ່ວນສຳຄັນເຂົ້າໃນ ການເສີມຂະຫຍາຍສາຍພົວພັນມມິດຕະພາບ, ຄວາມສາມັດຄີພິເສດ ແລະ ການຮ່ວມມືຮອບດ້ານ ລະຫວ່າງສອງພັກ, ສອງລັດ ແລະ ປະຊາຊົນສອງຊາດ ລາວ-ຫວຽດນາມ, ຫວຽດນາມ- ລາວ ທີ່ມີມູນເຊື້ອມາແຕ່ຍາວນານ ໃຫ້ຈະເລີນງອກງາມ ແລະ ເພີ່ມພູນຄູນສ້າງຍິ່ງໆຂຶ້ນ.
ພ້ອມກັນນີ້, ສະຫາຍ ພົນເອກ ຈັນສະໝອນ ຈັນຍາລາດ ຍັງໄດ້ສະແດງຄວາມຮູ້ສຶກເສຍໃຈ ແລະ ອາໄລຕໍ່ການຈາກໄປຂອງ ສະຫາຍ ຫງວຽນ ຝູ໋ ຈ້ອງ ເລຂາທິການໃຫຍ່ຄະນະບໍລິຫານງານ ສູນກາງພັກກອມມູນິດຫວຽດ ນາມ ເຊິ່ງພວກເຮົາຈະຈື່ຈຳຜົນງານທີ່ດີເດັ່ນຂອງ ສະຫາຍ ຫງວຽນ ຝູ໋ ຈ້ອງ ຕະຫລອດໄປ ແລະ ເຊື່ອໝັ້ນວ່າພາຍໃຕ້ ການນຳພາອັນເດັດດ່ຽວໜຽວແໜ້ນ ຂອງສູນກາງພັກກອມມູນິດ ແລະ ປະຊາຊົນຫວຽດນາມ ຈະສືບຕໍ່ນຳພາລະກິດການປົກປັກຮັກສາ ແລະ ພັດທະນາປະເທດຊາດຫວຽດນາມ ອ້າຍນ້ອງ ໄດ້ຮັບຜົນສຳເລັດໃໝ່ຢ່າງໃຫຍ່ຫລວງກວ່າເກົ່າ.
ພາບ-ຂ່າວ: ຮ້ອຍເອກ ທອງມາ ໄຊຍະເພັງສາ
KPL
