ຂປລ
ຂປລ. ທ່ານ ໄຊຊະນະ ໂຄດພູທອນ ກໍາມະການສູນກາງພັກ, ຫົວໜ້າອົງການໄອຍະການປະຊາຊົນສູງສຸດ ພົບປະໂອ້ລົມ ພະນັກງານຫລັກແຫລ່ງ ແລະ ວິຊາການ ອົງການໄອຍະການປະຊາຊົນແຂວງ ແລະ ອົງການໄອຍະການປະຊາຊົນເຂດ 1 ແຂວງບໍລິຄຳໄຊ ໃນວັນທີ 3 ກໍລະກົດ 2024 ທີ່ ແຂວງບໍລິຄຳໄຊ.
![](https://kpl.gov.la/Media/Upload/News/Thumb/2024/07/04/19.jpg)
ຂປລ. ທ່ານ ໄຊຊະນະ ໂຄດພູທອນ ກໍາມະການສູນກາງພັກ, ຫົວໜ້າອົງການໄອຍະການປະຊາຊົນສູງສຸດ ພົບປະໂອ້ລົມ ພະນັກງານຫລັກແຫລ່ງ ແລະ ວິຊາການ ອົງການໄອຍະການປະຊາຊົນແຂວງ ແລະ ອົງການໄອຍະການປະຊາຊົນເຂດ 1 ແຂວງບໍລິຄຳໄຊ ໃນວັນທີ 3 ກໍລະກົດ 2024 ທີ່ ແຂວງບໍລິຄຳໄຊ.
![](https://kpl.gov.la/Media/Upload/News/Thumb/2024/07/04/21.jpg)
ພາຍຫລັງໄດ້ຮັບຟັງການລາຍງານ ການຈັດຕັ້ງປະຕິບັດວຽກງານ 6 ເດືອນຕົ້ນປີ ແລະ ທິດທາງແຜນການວຽກງານ 6 ເດືອນ ທ້າຍປິ 2024 ຈາກຫົວໜ້າອົງການໄອຍະການປະຊາຊົນ ແຂວງບໍລິຄຳໄຊແລ້ວ, ທ່ານ ໄຊຊະນະ ໂຄດພູທອນ ກໍໄດ້ສະແດງ ຄວາມຍ້ອງຍໍຊົມເຊີຍ ຕໍ່ການນຳພາ-ຊີ້ນໍາການຈັດຕັ້ງວຽກງານ ໃນໄລຍະຜ່ານມາ ທີ່ແຂວງບໍລິຄຳໄຊ ສາມາດຍາດໄດ້ຜົນສໍາເລັດຫລາຍດ້ານ ທີ່ພົ້ນເດັ່ນ. ຄຽງຄູ່ກັບຜົນສໍາເລັດນັ້ນ ຍັງມີບາງປັດໄຈສໍາຄັນທີ່ຕ້ອງໄດ້ເອົາໃຈໃສ່ ເປັນຕົ້ນຄະນະພັກ, ສະມາຊິກພັກ, ພະນັກງານ-ລັດຖະກອນ ອົງການໄອຍະການປະຊາຊົນແຂວງ ແລະ ອົງການໄອຍະການປະຊາຊົນເຂດ 1 ແຂວງບໍລິຄຳໄຊ ຕ້ອງຖືສໍາຄັນວຽກງານ ການສຶກສາອົບຮົມ ການເມືອງ-ແນວຄິດ, ຈັນຍາບັນ, ຈັນຍາທໍາຂອງພະນັກງານ ໄອຍະການປະຊາຊົນ, ແບບແຜນວິທີ ການເຮັດວຽກ, ການກໍ່ສ້າງໜ່ວຍພັກປອດໃສ ເຂັ້ມແຂງ ໜັກແໜ້ນ ລວມໄປເຖິງການປັບປຸງກົງຈັກການຈັດຕັ້ງ, ການປະຕິບັດໜ້າທີ່ວິຊາສະເພາະ ເປັນຕົ້ນ ການຕິດຕາມກວດກາທົ່ວໄປ, ການຂຶ້ນຖະແຫລງໃນທີ່ປະຊຸມສານ, ການແຈ້ງຕອບປະຊາຊົນ, ການຕ້ອນຮັບ ປະຊາຊົນ, ການໃຫ້ຄຳປຶກສາ, ການຕິດຕາມກວດກາ ຄ້າຍຄຸມຂັງ-ດັດສ້າງ, ເພີ່ມທະວີວຽກງານກວດກາ ຢ່າງເປັນປົກກະຕິ ແລະ ອື່ນໆ.
![](https://kpl.gov.la/Media/Upload/News/Thumb/2024/07/04/23.jpg)
ໃນໂອກາດດຽວກັນ, ຄະນະດັ່ງກ່າວ ຍັງໄດ້ມອບຄອມພິວເຕີ, ເຄື່ອງປິ່ນເຕີ 3 ຊຸດ ແລະ ງົບປະມານຈຳນວນໜຶ່ງ ໃຫ້ອົງການໄອຍະການປະຊາຊົນແຂວງ ແລະ ອົງການໄອຍະການປະຊາຊົນເຂດ 1 ແຂວງບໍລິຄຳໄຊ ຕື່ມອີກ ເພື່ອນຳໃຊ້ ເຂົ້າໃນການປະຕິບັດ ໜ້າທີ່ວຽກງານຂອງຕົນ.
ຂ່າວ-ພາບ: ຈະເລີນສິນ
KPL