ຊາວລາວນຳໃຊ້ລົດໄຟຟ້າເຖິງ 5 ພັນຄັນແລ້ວ

08/06/2024 07:34
Email Print 504
ຂປລ ໜຸ່ມນັກທຸລະກິດ ຜູ້ຮູ້ປັບໂຕຄິດໄວເຮັດໄວຢູ່ພາກເໜືອຂອງ ສປປ ລາວ ຫັນປ່ຽນວິກິດເປັນໂອກາດຈາກການລົງທຶນຊື້ລົດໃຊ້ນໍ້າມັນເຊື້ອໄຟແລ່ນໃຫ້ບໍລິການຂົນສົ່ງສິນຄ້າ, ຜູ້ໂດຍສານແລ້ວຕັດສິນໃຈມາຊື້ລົດໄຟຟ້າບໍລິການຜູ້ໂດຍສານຕາມສະຖານີລົດໄຟ ລາວ-ຈີນ.

    *ໜຸ່ມນັກທຸລະກິດ ຜູ້ຮູ້ປັບໂຕຄິດໄວເຮັດໄວຢູ່ພາກເໜືອຂອງ ສປປ ລາວ ຫັນປ່ຽນວິກິດເປັນໂອກາດຈາກການລົງທຶນຊື້ລົດໃຊ້ນໍ້າມັນເຊື້ອໄຟແລ່ນໃຫ້ບໍລິການຂົນສົ່ງສິນຄ້າ, ຜູ້ໂດຍສານແລ້ວຕັດສິນໃຈມາຊື້ລົດໄຟຟ້າບໍລິການຜູ້ໂດຍສານຕາມສະຖານີລົດໄຟ ລາວ-ຈີນ ເຊິ່ງໄດ້ສ້າງລາຍເປັນກອບເປັນກໍາສະເລ່ຍ ບໍ່ຕໍ່າກວ່າ 3-4 ແສນກີບຕໍ່ຄັນຕໍ່ມື້ ຂະນະທີ່ທ່າອ່ຽງລາຄານໍ້າມັນເຊື້ອໄຟໃນຕະຫລາດໂລກບໍ່ມີທ່າທີ ຈະຫລຸດຜ່ອນຢ່ອນຍານລົງ ແລະ ຍັງເພີ່ມພາລະໜັກໃຫ້ຜູ້ປະກອບການທຸລະກິດ ແລະ ປະຊາຊົນຫາເຊົ້າກິນຄໍ່າພົບອຸປະສັກຫຍຸ້ງຍາກ.

    ທ່ານ ດາວວຽງ ກິຕະດາວັນ ປະທານບໍລິສັດ ຈະເລີນຊັບຂົນສົ່ງໂດຍ ສານ ຈໍາກັດຜູ້ດຽວ, ຜູ້ມີຕົ້ນທຶນຊີວິດ ຈາກຄອບຄົວພໍ່ແມ່ເຮັດທຸລະກິດຄ້າຂາຍ ແລະ ຂົນສົ່ງ ໄດ້ໃຫ້ສໍາພາດຕໍ່ບັນດານັກຂ່າວທີ່ພວມນັກລໍຖ້າໃນຫ້ອງ ຜູ້ໂດຍສານຢູ່ສະຖານີລົດໄຟ ລາວ-ຈີນ ໃນແຂວງອຸດົມໄຊວ່າ: ເມື່ອກ່ອນພໍ່ແມ່ ແລະ ຕົນເອງກໍເຮັດທຸລະກິດຄ້າຂາຍ, ບໍລິການຂົນສົ່ງສິນຄ້າພາຍໃນແຂວງ ແລະ ຫວ່າງແຂວງຕໍ່ແຂວງ ເຊິ່ງໄດ້ສ້າງລາຍໄດ້ດີພໍສົມຄວນ ແລະ ບາງຄັ້ງ ກໍມີກໍາໄລພໍແຕ່ກຸ້ມທຶນຕໍ່ມາໃນຊຸມປີ 2018-2019 ເຫັນລາຄານໍ້າມັນໃນຕະຫລາດໂລກເລີ່ມເໜັງຕີງ ແລະ ຂຶ້ນເລື້ອຍໆ ອັນເນື່ອງຈາກສະພາບການຂອງໂລກມີການຜັນແປທ່ີກ່ຽວຂ້ອງກັບຂໍ້ຂັດແຍ່ງດ້ານການເມືອງ, ການຄ້າ ແລະ ເສດຖະກິດໃນບາງປະເທດໃນໂລກເຊ່ິງສົ່ງຜົນກະທົບຕໍ່ຜູ້ນໍາເຂົ້າສິນຄ້າປະເພດນໍ້າມັນຄືກັບເງົາຕາມໂຕ ແລະ ບໍ່ສາມາດປັດຕິເສດໄດ້. ບັນຫາດັ່ງກ່າວນັ້ນບໍ່ໄດ້ເປັນພຽງພາລະອັນໜັກໜ່ວງຕໍ່ຜູ້ປະກອບການ ແຕ່ຫາກຍັງເປັນໜັກໜ່ວງຕໍ່ຜູ້ໃຊ້ບໍລິການ ແລະ ຜູ້ບໍລິໂພກເຊັ່ນກັນເນື່ອງຈາກວ່າລາຄານໍ້າມັນຂຶ້ນກໍສົ່ງຜົນກະທົບຕໍ່ຂອດບໍລິການຕ່າງໆຂຶ້ນລາຄາໄປຕາມໆ ກັນເພາະທັງໝົດນັ້ນແມ່ນໃຊ້ລົດເປັນພາຫະນະຂົນສົ່ງສິນຄ້າຈາກແຫລ່ງຜະລິດວັດຖຸດິບສູ່ໂຮງງານຜະລິດ ແລະ ຈໍາໜ່າຍເປັນຕ່ອງໂສ້.ແນວໃດກໍດີມາຮອດທ້າຍປີ 2021, ຕົນເອງກໍໄດ້ຍິນຂ່າວວ່າໂຄງການເສັ້ນທາງລົດໄຟລາວ-ຈີນ ຈະເປີດໃຫ້ບໍລິຜູ້ໂດຍສານ ແລະ ຂົນສົ່ງສິນຄ້າຢ່າງເປັນທາງການ ທ່າມກາງກະແສຂ່າວການລະບາດຂອງພະຍາດໂຄວິດ ພວມຈາງຫາຍໄປ ແລະ ສປປ ລາວ ປະກາດເປີດປະເທດຄືນໃໝ່ໃນປີ 2022  ເຊິ່ງເປັນເວລາໄລ່ເລ່ຍກັນຈິ່ງໄດ້ຕັດ ສິນໃຈສຶກສາຄວາມເປັນໄປໄດ້ ແລະ ຮຽນຮູ້ຈາກສິ່ງອ້ອມຂ້າງ ໃນທີ່ສຸດກໍ ໄດ້ແນມເຫັນໂອກາດ ແລະ ທ່າແຮງ ບົ່ມຊ້ອນສອດຄ່ອງກັບແນວທາງນະ ໂຍບາຍຂອງພັກ-ລັດຖະບານຄື: ການ ພັດທະນາຍືນຍົງສີຂຽວ, ການຫັນ ເປັນອຸດສາຫະກໍາທັນສະໄໝ, ຫັນເປັນເສດຖະກິດຕະຫລາດທີ່ມີການດັດສົມ ແລະ ຫັນປະເທດໄປສູ່ການເຊື່ອມໂຍງເຊື່ອມຈອດກັບພາກພື້ນ-ສາກົນຮອບດ້ານ.

   

    ຈຸດນີ້ເອງໄດ້ມາສໍາຫລວດ ແລະ ຕີລາຄືນການດໍາເນີນທຸລະກິດກ່ຽວກັບການຂົນສົ່ງທີ່ມີການໃຊ້ຈ່າຍສູງ ແຕ່ຜົນກໍາໄລໜ້ອຍ ແລະ ບາງຄັ້ງກໍຂາດທຶນຄືດັ່ງທີ່ຮູ້ນໍາກັນຖ້າເຮັດທຸລະກິດຂາດທຶນບໍ່ມີໃຜຈະດໍາເນີນຕໍ່ ແລະ ສິ່ງສໍາຄັນຕ້ອງຮູ້ປັບໂຕໃຫ້ເຂົ້າກັບຍຸກກັບສະໄໝເພາະແຕ່ໄລຍະເງື່ອນໄຂບໍ່ຄືກັນ, ເວລາຕໍ່ມາຈິ່ງພົບເສັ້ນທາງສະຫວ່າງສະໄຫວ ແລະ ເປັນຊ່ອງທາງອັນດີຄື: ມີນັກລົງທຶນຈີນໄດ້ນໍາເຂົ້າລົດໄຟຟ້າມາຂາຍໃນ ສປປ ລາວ  ແລະ ກາຍເປັນທີ່ນິຍົມເພີ່ມຂຶ້ນຢ່າງຕໍ່ເນື່ອງໃນທຸກຊັ້ນຄົນເພາະຄົນສ່ວນໃຫຍ່ບໍ່ຢາກຈ່າຍຄ່ານໍ້າມັນທີ່ແພງ ແລະ ບາງຄັ້ງຊອກຊື້ຍາກອີກດ້ວຍ. ໃນທີ່ສຸດທ້າຍຕົນເອງກໍໄດ້ຕັດສິນໃຈນໍາເຂົ້າຈາກ ສປ ຈີນ ເພື່ອມາທົດລອງໃຊ້ 3 ຄັນ, ໃນໄລຍະ 3 ເດືອນ ເບື້ອງຕົ້ນເຫັນວ່າມວນຊົນໃນສັງຄົມ ໃຫ້ການຕອບຮັບເປັນຢ່າງດີ ແລະ ມີການເຕີບໃຫຍ່ຂະຫຍາຍຕົວເພີ່ມຂຶ້ນຢ່າງກວ້າງຂວາງ ເຊິ່ງສ່ວນໃຫຍ່ໄດ້ຮັບຄວາມນິຍົມ ແລະ ຜູ້ຄົນມັກມາໃຊ້ບໍລິການລົດໄຟຟ້າຂອງພວກເຮົາຍ້ອນວ່າໜຶ່ງ: ລາຄາຖືກປະຢັດ, ບໍ່ມີມົນລະພິດ, ສຽງບໍ່ລົບກວນເນືອງນັນ ແລະ ອື່ນໆ. ປັດຈຸບັນນີ້ ພວກເຮົາກໍໄດ້ກໍານົດ ລາຄາແຕກຕ່າງກັນເຊັ່ນ: ການບໍລິການ ແມ່ນໄດ້ແບ່ງເປັນ 3 ເຂດ ໃນແຕ່ລະ ເຂດລາຄາເລີ່ມຕົ້ນແມ່ນ 10.000 ກີບ ຖ້າຂ່ີກາຍເຂດທີ່ກໍານົດໄວ້ລາຄາຈະ ເພ່ີມຂ້ຶນ, ດຽວນີ້ບໍລິສັດຂອງພວກເຮົາ ມີລົດໄຟຟ້າໃຫ້ບໍລິການທັງໝົດ 20 ຄັນ ເຊິ່ງໄດ້ແລ່ນໃຫ້ບໍລິການຕາມສະຖານີລົດໄຟ ລາວ-ຈີນ ແລະ ໃນເທສະບານ ແຂວງອຸດົມໄຊ, ສະເລ່ຍລາຍຮັບປະມານ 3 ແສນ-4 ແສນກີບຕໍ່ຄັນໃນ ແຕ່ລະວັນ ແລະ ໄດ້ສ້າງວຽກເຮັດງານທໍາໃຫ້ພໍ່ແມ່ປະຊາຊົນບໍ່ໜ້ອຍເພາະໄດ້ຈ້າງລູກຫລານ ເຂົ້າມາເປັນຄົນຂັບລົດ ແລະ ນາຍຊ່າງສ້ອມແປງຄວບຄູ່ກັນ.

    ທ່ານ ດາວວຽງ ກິຕະດາວັນ ຍັງ ເວົ້າຕື່ມອີກວ່າ: ລົດໂດຍສານໄຟຟ້າຂອງພວກເຮົາທັງໝົດໄດ້ແລ່ນໃຫ້ການບໍລິການສະເພາະຢູ່ພາຍໃນ ເມືອງ ໄຊ ແລະ ປະຈໍາຢູ່ເປັນຈຸດເປັນຕົ້ນສະຖານີລົດໄຟ, ຄິວລົດສາທາລະນະ, ເຂດໂຮງໝໍ, ຕະຫລາດ ແລະ ເຂດອື່ນໆ. ໃນຕໍ່ໜ້າບໍລິສັດຈະຂະຫຍາຍສາຂາໄປ ແຂວງຫລວງພະບາງ, ຫລວງນໍ້າທາ ແລະ ບັນດາແຂວງອ້ອມຂ້າງ. ທ່ານ ສຸລິໂຍ ວົງດາລາ ອໍານວຍການບໍລິສັດໂລກ້າ (LOCA), ນັກທຸລະກິດໃຫ້ບໍລິການຂົນສົ່ງໂດຍສານຜ່ານລະບົບອອນລາຍໄດ້ເປີດເຜີຍວ່າ: ຊາວລາວເລີ່ມຕື່ນໂຕຫລາຍຂຶ້ນ ແລະ ພະຍາຍາມຈະຫັນທິດມາໃຊ້ລົດໄຟຟ້າເພ່ີມຂຶ້ນຢ່າງກ້າວກະໂດດເພື່ອຫລຸດຄ່າໃຊ້ຈ່າຍສໍາລັບນໍ້າມັນເຊື້ອໄຟ ນອກຈາກ ນັ້ນກໍເພື່ອປົດແອກອອກຈາກການນໍາເຂົ້ານໍ້າມັນ ຫລື ເປັນຜູ້ບໍລິໂພກນໍ້າມັນ 100% ຈາກຕ່າງປະເທດ ເຊິ່ງຈະຊ່ວຍ ໃຫ້ເສດຖະກິດດີຂຶ້ນ, ຫລຸດຜ່ອນເງິນ ເຟີ້, ຫລຸດຜ່ອນເງິນຮົ່ວໄຫລອອກນອກ ປະເທດ. ປັດຈຸບັນຄົນລາວໃຊ້ລົດໄຟ ຟ້າ  5.500 ຄັນແລ້ວ, ຄາດວ່າພາຍໃນ ຕົ້ນປີ 2025 ຕົວເລກຈະເພີ່ມຂຶ້ນເຖິງ 10.000 ຄັນ. ມັນເປັນໂອກາດດີ, ທີ່ໄດ້ຍິນຂ່າວ ສປປ ລາວ ປະກາດວ່າປະເທດເຮົາຈະເປັນໝ້ໍໄຟແຫ່ງອາຊຽນ ແລະ ປັດຈຸບັນນ້ີພວກເຮົາກໍມີເຂ່ືອນໄຟຟ້າພະລັງງານລົມ, ແສງຕາເວັນ ແລະ ຄວາມຮ້ອນບໍ່ຕໍ່າກວ່າ 80 ແຫ່ງ ເຊິ່ງທັງໝົດຈະກາຍເປັນໄມ້ງັດເສດຖະກິດແຫ່ງຊາດ ຢ່າງ ແຂງແຮງທັງຈະຊ່ວຍສ້າງວຽກເຮັດງານທໍາ ແລະ ແກ້ໄຂຄວາມທຸກຍາກຢ່າງສົມເຫດສົມຜົນ.

   ທ່ານ ສຸລິໂຍ ວົງດາລາ ຍັງອະທິບາຍວ່າ: ທຸລະກິດໃຫ້ບໍລິການຂົນສົ່ງ ໂດຍສານຜ່ານລະບົບອອນລາຍ ຫລື ແອບຟລິເຄຊັນພວມໄດ້ຮັບຄວາມນິຍົມຢ່າງກວ້າງທົ່ວໂລກ ຍ້ອນຄວາມສະດວກສະບາຍ, ວ່ອງໄວ, ປະຢັດເວລາ, ລາຄາຖືກກວ່າ, ມີຄວາມປອດໄພ, ແລະ ສັ່ງໄດ້ຕາມໃຈທີ່ລູກຄ້າຕ້ອງການ ຂະນະທີ່ບໍລິສັດໂລກ້າ (LOCA) ທຸລະກິດໃຫ້ບໍລິການຂົນສົ່ງໂດຍສານຜ່ານລະບົບອອນລາຍ ໂດຍເປັນຂອງຄົນລາວເຮົາເອງພວມໄດ້ຮັບສົນໃຈ ແລະ ເຊື່ອໝັ້ນຈາກຄົນລາວລວມທັງຊາວຕ່າງປະເທດຢ່າງຫລວງຫລາຍ. ປັດຈຸບັນ, ການບໍລິການຂົນສົ່ງໂດຍສານຢູ່ໃນຕົວເມືອງໃຫຍ່ ແມ່ນມີຫລາກຫລາຍຮູບແບບເຊັ່ນ: ລົດເມ, ຕັກຊີ, ຕຸກໆ, ຈໍາໂບ້, ລົດຈັກ ແລະ ອື່ນໆ ເຊິ່ງມີລັກສະນະສະເພາະໃນເປົ້າໝາຍ ລູກຄ້າທີ່ແຕກຕ່າງກັນ. ແນວໃດກໍດີ, ໃນໄລຍະ 5 ປີມານີ້ການບໍລິການຕັກຊີຂອງບໍລິສັດໂລກ້າ (LOCA) ໄດ້ເປັນ ທາງເລືອກໃໝ່ທີ່ຖືກຍອມຮັບຢ່າງກວ້າງຂວາງໃນສັງຄົມ. ພ້ອມດຽວກັນນີ້, ທ່ານ ສຸລິໂຍ ວົງດາລາ ຍັງແນມເບິ່ງອະນາຄົດຕໍ່ໜ້າ ວ່າ: ລົດຈີນອາດຈະອັ່ງຕະຫລາດ ແລະ ຈະເຮັດໃຫ້ລາຄາລົດຫລຸດລົງ ເຊິ່ງຄົນລາວເຮົາຈະໄດ້ຮັບອະນິສົງໄດ້ໃຊ້ລົດລາຄາຖືກລົງ, ຕອນນີ້ລົດໄຟຟ້າໃນລາວມີລວມກັນແລ້ວ 5.000 ກວ່າຄັນ ແລະ ຈະ ຮອດ 10.000 ຄັນພາຍໃນປີ 2025, ສະຖານີສາກລົດໄຟຟ້າໂລກ້າຈະມີ 40 ສະຖານີພາຍໃນ 2024 ແລະ ຈະມີ 80 ສະຖານີພາຍໃນປີ 2025 ແລະ 120 ສະຖານີພາຍໃນ ປີ 2026 ເວລານັ້ນ ບໍ່ແມ່ນຜູ້ໃດຜູ້ໜຶ່ງແຕ່ຫາກແມ່ນພວກເຮົາເຈົ້າລະມາຊ່ວຍປະເທດຊາດ ຫລຸດການເພີ່ງພານໍ້າມັນຈາກຕ່າງປະເທດ ແລະ ຈະຊ່ວຍໃຫ້ປະເທດຊາດຈະເລີນຮັ່ງມີເຂັ້ມແຂງ.

ໂດຍ: ເກີດຂວັນໃຈ ມາລີຈັນສີ


KPL

ຂ່າວອື່ນໆ

    • ລາວ-ຈີນ ຮ່ວມກັນ ສົ່ງເສີມການທ່ອງທ່ຽວອາຊຽນ ASEAN

      ລາວ-ຈີນ ຮ່ວມກັນ ສົ່ງເສີມການທ່ອງທ່ຽວ

      6/12/2024 1:00:52 PM

      ໃນປິ 2024 ນີ້, ເພື່ອສົ່່ງເສີມປີທ່ອງທ່ຽວລາວ 2024 ແລະ ຈັດຕັ້ງຜັນຂະຫຍາຍແຜນແມ່ບົດວ່າດ້ວຍການສ້າງຄູ່ຮ່ວມຊາຕາກຳຈີນ-ລາວ ສະບັບໃໝ່ ທີ່ສອງຊາດໄດ້ລົງ ນາມຮ່ວມກັນ ເມື່ອເດືອນ ຕຸລາ 2023 ໃຫ້ເປັນຮູບປະທຳມີຜົນສຳເລັດຕົວຈິງໃນທຸກຂົງເຂດວຽກງານ ແລະ ກາຍເປັນເຂັມຊີ້ທິດເຍືອງທາງ ແລະ ການວາງແຜນໃໝ່ ໃຫ້ແກ່ການຮ່ວມມືຍຸດ ທະສາດຮອບດ້ານ ລະຫວ່າງ ລາວ-ຈີນ ໃນຍຸກສະໄໝໃໝ່.

    • ປະເທດ ບຣາຊິນອາຊຽນ ASEAN

      ປະເທດ ບຣາຊິນ

      6/12/2024 11:16:13 AM

      ປະເທດ ບຣາຊິນ ຫລືຊື່ທາງການວ່າ: ສະຫະພັນ ສາທາລະນະລັດ ບຣາຊິນ (Federal Republic of Brazil) , ມີນະຄອນຫລວງ ຊື່ວ່າ: ບຼາຊີເລັຍ; ເປັນປະເທດ ທີ່ໃຫຍ່ທີ່ສຸດ ທັງໃນທະວີບ ອາເມລິກາໃຕ້ ແລະ ພາກພື້ນ ອາເມລິກາ ລາຕິນ, ດ້ວຍເນື້ອທີ່ 8,5 ລ້ານກິໂລຕາແມັດ; ມີອານາເຂດ ທິດເໜືອຕິດກັບ ເວເນຊູເອລາ; ທິດຕາເວັນຕົກ ຕິດກັບ ໂບລີວີ ແລະ ເປຣູ; ທິດຕາເວັນອອກຕິດກັບ ມະຫາສະໝຸດ ອັດລັງຕິກເໜືອ ແລະ ມະຫາສະໝຸດ ອັດລັງຕິກໃຕ້;

    • ເກືອບ 70% ຂອງນັກທ່ອງທ່ຽວມາລາວ ໃຊ້ລົດໄຟລາວ-ຈີນອາຊຽນ ASEAN

      ເກືອບ 70% ຂອງນັກທ່ອງທ່ຽວມາລາວ ໃຊ້ລົດໄຟລາວ-ຈີນ

      6/12/2024 10:38:43 AM

      ຕາມແຫລ່ງຂ່າວສະຖິຕິໃໝ່ຈາກຜູ້ປະກອບການທຸລະກິດຂົນສົ່ງໂດຍສານ ແລະ ບຸກຄົນໃຫ້ເປີດເຜີຍໃນຕົ້ນເດືອນມິຖຸນາ 2024 ນີ້ວ່ານັກທ່ອງທ່ຽວສ່ວນໃຫຍ່ສະເລ່ຍເກືອບ 70% ເລືອກຈະເດີນທາງຜ່ານລົດ ໄຟລາວ-ຈີ.

    • ສາກົນໃຫ້ເຫດຜົນຂະແໜງທ່ອງທ່ຽວ ຊ່ວຍໃຫ້ເສດຖະກິດລາວຄ່ອຍໆພື້ນຕົວອາຊຽນ ASEAN

      ສາກົນໃຫ້ເຫດຜົນຂະແໜງທ່ອງທ່ຽວ ຊ່ວຍໃຫ້ເສດຖະກິດລາວຄ່ອຍໆພື້ນຕົວ

      6/12/2024 10:33:08 AM

      ສປປ ລາວ ແມ່ນໜຶ່ງໃນບັນດາ10 ປະເທດສະມາຊິກອາຊຽນ ຍັງເພີ່ງພາອາໃສພາກອຸດສາຫະກໍາທ່ອງທ່ຽວ ເປັນບຸລິມະສິດສໍາຄັນອັນດັບຕົ້ນໆຂອງປະເທດ ເພື່ອຂັບເຄື່ອນການພັດທະນາເສດຖະກິດ-ສັງຄົມ, ສ້າງວຽກເຮັດງານທໍາ ແລະ ຫລຸດຜ່ອນຄວາມທຸກຍາກ ຕາມແຜນລວມຂອງພາກລັດຕັ້ງເປົ້າໝາຍໄວ້ວ່າໝົດປີ 2024 ຈະສູ້ຊົນດຶງດູດນັກທ່ອງທ່ຽວໃຫ້ໄດ້ຢ່າງໜ້ອຍ 3 ລ້ານກວ່າຄົນຂຶ້ນໄປ, ສ້າງລາຍຮັບໃຫ້ ໄດ້ 500 ລ້ານໂດລາສະຫະລັດ.

    • ລາວ ເປັນເຈົ້າພາບ ຈັດກອງປະຊຸມເຈົ້າໜ້າທີ່ອາວຸໂສອາຊຽນອາຊຽນ ASEAN

      ລາວ ເປັນເຈົ້າພາບ ຈັດກອງປະຊຸມເຈົ້າໜ້າທີ່ອາວຸໂສອາຊຽນ

      6/6/2024 8:17:15 PM

      ຂປລ. ໃນວັນທີ 6 ມິຖຸນາ 2024 ນີ້, ສປປ ລາວ ໄດ້ເປັນເຈົ້າພາບ ຈັດກອງປະຊຸມ ເຈົ້າໜ້າທີ່ອາວຸໂສອາ ຊຽນ ແລະ ກອງປະຊຸມຄະນະບໍລິຫານງານຂອງ ຄະນະກຳມະການເຂດປອດອາວຸດນິວເຄລຍ ອາຊີຕາເວັນອອກສຽງໃຕ້ ພາຍໃຕ້ຄໍາຂວັນ “ເພີ່ມທະວີການ ເຊື່ອມຈອດ ແລະ ຄວາມເຂັ້ມແຂງອາຊຽນ” ໂດຍການເປັນປະທານ ຂອງ ທ່ານ ທອງຜ່ານ ສະຫວັນເພັດ ຮອງລັດຖະມົນຕີກະຊວງການຕ່າງປະເທດ, ເຈົ້າໜ້າທີ່ອາວຸໂສອາຊຽນຂອງ ສປປ ລາວ

ads
ads

Top