ແນວຄິດຊີ້ນຳ ປະທານ ຄຳໄຕ ສີພັນດອນ ໃນການຜະລິດກະສິກຳເປັນສິນຄ້າ

07/02/2024 05:58
Email Print 782
ຂປລ ປະທານ ຄໍາໄຕ ສີພັນດອນ ບໍ່ພຽງແຕ່ເປັນຜູ້ນໍາທີ່ມີຄວາມສາມາດສູງສົ່ງຮອບດ້ານ, ມີທັດສະນະ ແລະ ວິໄສທັດກວ້າງຂວາງ, ເລິກເຊິ່ງ ແລະ ຍາວໄກເປັນຜູ້ໃຫ້ທິດຊ້ີນໍາທາງຍຸດທະສາດ, ແນວທາງນະໂຍບາຍໃຫຍ່ໆຂອງພັກ ແລະ ຂອງຊາດເທົ່ານັ້ນແຕ່ເພິ່ນຍັງລົງເລິກຊີ້ນໍາບັນຫາລະອຽດ ແລະ ເຮັດຕົວຈິງກ່ຽວກັບການຄົ້ນຄວ້າທົດລອງບັນຫາຕ່າງໆ.

    *ປະທານ ຄໍາໄຕ ສີພັນດອນ ບໍ່ພຽງແຕ່ເປັນຜູ້ນໍາທີ່ມີຄວາມສາມາດສູງສົ່ງຮອບດ້ານ, ມີທັດສະນະ ແລະ ວິໄສທັດກວ້າງຂວາງ, ເລິກເຊິ່ງ ແລະ ຍາວໄກເປັນຜູ້ໃຫ້ທິດຊ້ີນໍາທາງຍຸດທະສາດ, ແນວທາງນະໂຍບາຍໃຫຍ່ໆຂອງພັກ ແລະ ຂອງຊາດເທົ່ານັ້ນແຕ່ເພິ່ນຍັງລົງເລິກຊີ້ນໍາບັນຫາລະອຽດ ແລະ ເຮັດຕົວຈິງກ່ຽວກັບການຄົ້ນຄວ້າທົດລອງບັນຫາຕ່າງໆ ເປັນຕົ້ນແມ່ນການປູກຝັງ ແລະ ລ້ຽງສັດ, ການປະມົງ ແລະ ປ່າໄມ້, ການອອກແບບ, ການກໍ່ສ້າງ, ການບໍລິການ ແລະ ອື່ນໆດ້ວຍສີມືຂອງເພິ່ນເອງ.ຕາມການບອກເລົ່າຜ່ານບົດຂຽນຂອງ ທ່ານ ຄຳພັນ ເຜີຍຍະວົງ ຄະນະເລຂາທິການສູນກາງພັກ, ຫົວໜ້າຄະນະໂຄສະນາອົບຮົມສູນກາງພັກໃນປຶ້ມ “ປະທານ ຄຳໄຕ ສີພັນດອນ ໃນຄວາມຊົງຈຳຂອງຜູ້ໃກ້ສິດ” ໂດຍປະທານເຄີຍເນັ້ນເລື້ອຍໆວ່າ: ປະເທດເຮົາມີທ່າແຮງທາງດ້ານຊັບພະຍາກອນທໍາມະຊາດອັນອຸດົມສົມບູນ ແລະ ຮັ່ງມ ເຊັ່ນ: ດິນ, ນໍ້າ, ປ່າໄມ້ ແລະ ແຮ່ ທາດ... ການຂຸດຄົ້ນແຮ່ທາດມັນມີມື້ໝົດໄດ້, ສ່ວນການນໍາໃຊ້ດິນ, ນໍ້າ ແລະ ປ່າໄມ້ ຖ້າຮູ້ໃຊ້ມັນຈະບ່ໍມີມ້ືໝົດຈັກເທື່ອ.

    ໃນຮຸ້ນປັດຈຸບັນຄວນນໍາໃຊ້ຊັບພະຍາກອນອັນອຸດົມຮັ່ງມີເທິງໜ້າດິນນີ້ກ່ອນ ເພື່ອສ້າງຮັ່ງຄູນມີໃຫ້ປະເທດຊາດ, ສ່ວນແຮ່ທາດຢູ່ໃຕ້ດິນຄວນຮັກສາໃຫ້ຮຸ້ນລູກ, ຮຸ້ນຫລານ, ຮຸ້ນເຫລນຕໍ່ໆໄປໃຊ້ຕາມຫລັງ. ໃນໂອກາດໂອ້ລົມຕໍ່ຄະນະພັກແຂວງຈໍາປາສັກປີ 2000 ປະ ທານເນ້ັນວ່າ: ແຂວງຈໍາປາສັກ ເປັນແຂວງທີ່ອຸດົມສົມບູນ ໄປດ້ວຍຊັບພະຍາກອນທໍາມະຊາດ, ດິນ, ນໍ້າ ແລະ ປ່າໄມ້ ໂດຍສະເພາະເມືອງ ປາກຊ່ອງ ເຊິ່ງມີຊື່ສຽງມາແຕ່ບູຮານນະການວ່າເປັນເມືອງແຜ່ນດິນຄໍາ, ແຕ່ເປັນຫຍັງຫລາຍທົດສະວັດມາແລ້ວ, ປະຊາຊົນປາກຊ່ອງຍັງທຸກຍາກ. ແຂວງຕ້ອງເອົາໃຈໃສ່ຂຸດຄົ້ນທ່າແຮງດັ່ງກ່າວ ເພື່ອສ້າງຄວາມຢູ່ດີກິນດີ ແລະ ຮັ່ງມີໃຫ້ປະຊາຊົນ. ປະທານ ຄຳໄຕ ສີພັນດອນ ບໍ່ພຽງແຕ່ເປັນຜູ້ຊີ້ນໍາເທົ່ານັ້ນ, ແຕ່ເພິ່ນຍັງເປັນຜູ້ພາເຮັດຕົວຈິງໃນຫລາຍໆກິດຈະການທີ່ກາຍເປັນໜ່ໍ ແໜງຕົວແບບ. ໃນແຕ່ລະຕົວແບບ ແມ່ນຕິດພັນກັບເງື່ອນໄຂທ່າແຮງ ແລະ ມູນເຊື້ອທີ່ປະຊາຊົນເຄີຍເຮັດ. ແຕ່ໃນນັ້ນ ເພິ່ນໄດ້ເອົາໃຈໃສ່ການນໍາໃຊ້ວິທະຍາສາດ-ເຕັກນິກ ເພື່ອເຮັດໃຫ້ການຜະລິດມີປະສິດທິພາບສູງ.ນອກຈາກກິດຈະກໍາປູກຝັງ ແລະ ລ້ຽງສັດ ການກໍ່ສ້າງພື້ນຖານ ກິດຈະກໍາໂຄງລ່າງ, ເປັນຕົ້ນແມ່ນ: ໂຮງຮຽນ, ໂຮງໝໍ, ກິດຈະກໍາອື່ນໆ ເພື່ອຊ່ວຍເມືອງ ແລະ ບ້ານທຸກຍາກ, ເຂດຫ່າງໄກສອກຫລີກ, ປະທານ ຄຳໄຕ ສີພັນດອນ ຍັງຊ່ວຍສ້າງ ຫລາຍກິດຈະກໍາ ດ້ານການບໍລິການ ຢູ່ແຂວງຈໍາປາສັກ ເປັນຕົ້ນແມ່ນການອອກແບບ ແລະ ຕໍ່ເຮືອໃຫຍ ສາມາດບັນທຸກຄົນໂດຍສານເຖິງ 500 ຄົນ, ການອອກແບບ ແລະ ກໍ່ສ້າງເຮືອນຊານ, ເສັ້ນທາງ ແລະ ຊົນລະປະທານຫລາຍແຫ່ງ. ໃນໄລຍະພັກຜ່ອນບໍານານ ຢູ່ເມືອງໂຂງ ແລະ ເມືອງປາກຊ່ອງ ເຖິງອາຍຸສູງ ແຕ່ປະທານຍາມໃດກໍ່ເສຍສະລະທຸກສິ່ງທຸກຢ່າງ, ອຸທິດສະຕິປັນຍາ ແລະ ກໍາລັງວັງຊາຢ່າງບໍ່ຮູ້ອິດຮູ້ເມື່ອຍສ້າງຫລາຍກິດຈະກໍາທີ່ສໍາຄັນທີ່ເປັນໜໍ່ແໜງໃຫ້ແຂວງຈໍາປາສັກກໍ່ຄືທົ່ວປະເທດໄດ້ໄປຖອດຖອນບົດຮຽນ ແລະ ເພື່ອໄປສືບຕໍ່ຂະຫຍາຍກວ້າງຂວາງອອກໃນທົ່ວປະເທດ.

KPL

ຂ່າວອື່ນໆ

    • ປະທານສຸພານຸວົງ ຍືນຍົງໃນພາລະກິດປະຕິວັດ ຂອງຊາດລາວຕະຫລອດໄປບົດ-ສາລະຄະດີ

      ປະທານສຸພານຸວົງ ຍືນຍົງໃນພາລະກິດປະຕິວັດ ຂອງຊາດລາວຕະຫລອດໄປ

      7/12/2024 5:43:00 PM

      * ມື້ນີ້, ວັນທີ 13 ກໍລະກົດ 2024, ພໍດີ ຄົບຮອບ 115 ປີ (13/7/1909-13/7/2024) ວັນວັນເກີດ ຂອງປະທານ ສຸພານຸວົງ ຜູ້ນໍາທີ່ດີເດັ່ນ ແລະ ເຄົາລົບຮັກຂອງປະຊາ ຊົນລາວບັນດາ ເຜົ່າ; ຕະ ຫລອດຊີວິດຂອງເພິ່ນ ໄດ້ອຸທິດໃຫ້ແກ່ການປະຕິວັດ ຕໍ່ສູ້ປົດປ່ອຍຊາດ ຍາດເອົາເອກະລາດ ມາໃຫ້ແກ່ປວງຊົນລາວ ຈາກການເປັນຂ້ອຍຂ້າມ້າໃຊ້ຂອງຈັກ ກະພັດລ່າເມືອງຂຶ້ນ.

    • ສ້າງຄວາມ​ເຂັ້ມ​ແຂງສະຕິຊາດ ສ້າງ​ເສດຖະກິດ​ ​ເອກະລາດເປັນ​ເຈົ້າ​ຕົນ​ເອງບົດ-ສາລະຄະດີ

      ສ້າງຄວາມ​ເຂັ້ມ​ແຂງສະຕິຊາດ ສ້າງ​ເສດຖະກິດ​ ​ເອກະລາດເປັນ​ເຈົ້າ​ຕົນ​ເອງ

      7/12/2024 5:31:51 PM

      ສະພາວະເສດຖະກິດ​ຕົກ​ຕໍ່າ ​ໄພ​ເງິນ​ເຟີ້, ຄ່າ​ຄອງ​ຊີບ​ສູງ, ລາຄາ​ນໍ້າມັນ​ແພງ ​​ໄດ້ສົ່ງ​ຜົນ​ກະທົບ​ຕໍ່​ຜົນ​ຜະລິດ​ທາງ​​ເສດຖະກິດ, ຄວາມ​ຕ້ອງການ​ຂອງ​ຜູ້​ບໍລິ​ໂພ​ກ ​ແລະ​ ການ​ຈ້າງ​ແຮງ​ງານ. ສະພາບ​ການ​ນີ້​ເຮັດ​ໃຫ້​ຫລາຍໆ​ປະ​ເທດ ​ໄດ້​ຊອກ​ວິທີ​ທາງ​ແກ້​ໄຂ ດ້ວຍ​​ກົນລະຍຸດ​ຕ່າງໆ ແຕ່​ການ​ຜັນ​ແປຂອງ​ສະພາ​ບການ​ຂອງ​ໂລກ, ຄວາມ​ບໍ່​ແນ່ນອນ​ທີ່​ເກີດ​ຂຶ້ນ​ຫລາຍໆ​ຢ່າງ ໃນ​ຮອບ​ປີຜ່ານ ມາ ​ເຮັດ​ໃຫ້​ຫລາຍ​ຝ່າຍ​ຄາດ​ຄະ​ເນ​ວ່າ ​ເສດຖະກິດ​ໂລກ ຍັງ​ສືບ​ຕໍ່​ຜັນແປໄປຢ່າງສັບສົນ ແລະ ຄາດ​ເດົາ​ໄດ້​ຍາກ​.

    • ຮັກສາສັດນໍ້າ-ສັດປ່າ ເພື່ອຄວາມຍືນຍົງຂອງທຳມະຊາດບົດ-ສາລະຄະດີ

      ຮັກສາສັດນໍ້າ-ສັດປ່າ ເພື່ອຄວາມຍືນຍົງຂອງທຳມະຊາດ

      7/11/2024 10:26:08 AM

      ວັນປ່ອຍປາ, ວັນອະນຸລັກສັດນໍ້າ ແລະ ສັດປ່າແຫ່ງຊາດ 13 ກໍລະກົດ ປີນີ້ ຈະກົງກັບວັນເສົາ ເຊິ່ງເປັນມື້ພັກລັດຖະການ, ແຕ່ຊາບວ່າຫລາຍພາກສ່ວນກ່ຽວຂ້ອງກໍ່ມີແຜນກິດຈະກໍາປ່ອຍສັດນໍ້າ-ສັດປ່າ ສູ່ແຫລ່ງທໍາມະຊາດ ເພື່ອເພີ່ມຄວາມອຸດົມສົມບູນດ້ານຊັບພະຍາກອນທໍາມະຊາດ ແລະ ສິ່ງທີ່ມີຊີວິດນາໆພັນ.

    • ຄຳ: ຂີດ-ຈົກ-ຕໍ່າ ໃນພາສາລາວບົດ-ສາລະຄະດີ

      ຄຳ: ຂີດ-ຈົກ-ຕໍ່າ ໃນພາສາລາວ

      7/11/2024 10:14:58 AM

      ການຕໍ່າຫູກທໍໄໝ ເປັນຫັດຖະກໍາມູນເຊື້ອຂອງລາວ. ແຕ່ໃດມາເພດຍິງລາວຮູ້ຈັກຕໍ່າຫູກນັບແຕ່ໄວເຍົາວະຊົນມີຫລາຍ, ໂດຍອາໄສແມ່-ແມ່ເຖົ້າ, ແມ່ຕູ້ ...ນໍາພາເຮັດຕົວຈິງ, ທັງສອນ ແລະ ເຮັດຕົວຈິງໄປພ້ອມ.

    • ຄວາມສາມັກຄີພິເສດ ແລະ ການຮ່ວມມືຮອບດ້ານ ລາວ-ຫວຽດນາມ ໝັ້ນຄົງຕະຫລອດການບົດ-ສາລະຄະດີ

      ຄວາມສາມັກຄີພິເສດ ແລະ ການຮ່ວມມືຮອບດ້ານ ລາວ-ຫວຽດນາມ ໝັ້ນຄົງຕະຫລອດການ

      7/11/2024 10:09:31 AM

      ສອງປະເທດລາວ ແລະ ຫວຽດນາມ ມີຄວາມຜູກພັນສະໜິດແໜ້ນກັນມາຢ່າງຍາວນານ ຍ້ອນວ່າໄດ້ຮ່ວມຊາຕາກໍາປະຫວັດສາດ, ນັບແຕ່ທ້າຍສັດຕະວັດ 19 ເປັນຕົ້ນມາ, ສອງຊາດໄດ້ພ້ອມກັນດໍາເນີນການຕໍ່ສູ້ຕ້ານສັດຕູໂຕດຽວກັນ ຄືພວກລ່າເມືອງຂຶ້ນຝຣັ່ງ, ຟາດຊິດຍີ່ປຸ່ນ ແລະ ຈັກກະພັດອາເມລິກາ ເພື່ອກອບກູ້ ແລະ ປົກປັກຮັກສາປະເທດຊາດ

ads
ads

Top