ຕ້ອງບອກເລີຍວ່າວົງການບັນເທີງລາວ ໄລຍະຫລັງໆມານີ້ ມີສີສັນຫລາຍຂຶ້ນ ບໍ່ວ່າຈະດ້ານການຮູບເງົາ, ລະຄອນ ຫລື ເພງ ກໍ່ມີຫລາຍໆສິລະປິນ ແລະ ນັກສະແດງເປັນດາວດວງໃໝ່ ປະດັບວົງການ ແລະ ໄດ້ຮັບຄວາມນິຍົມ ຈາກສັງຄົມບໍ່ໜ້ອຍ. ຄໍລຳບັນເທີງມື້ນີ້ ຂໍພາທ່ານຜູ້ອ່ານມາ ຮູ້ຈັກສາວນ້ອຍ ໄວ ໃສໜຶ່ງໃນສະມາຊິກ Girl Group ນ້ອງໃໝ່ ຊື່:  "ເມທິດາ ວິໄຊໂຍ" ຫລື  ໂມເມ ຊຶ່ງປັດຈຸບັນພວມຝຶກຊ້ອມ ຮ້ອງເພງເຕັ້ນ ແລະ ກຽມອອກຜົນງານເພງ ເປັນສິລະປິນເຕັມໂຕໃນນາມວົງ L-Pop ໄວໆນີ້.

ໂມເມ ແມ່ນສິລະປິນຝຶກຫັດນ້ອງໃໝ່ທີ່ມີຄວາມສາມາດ ຈາກຄ້າຍ NEW GEN ປັດຈຸບັນອາຍຸ 16 ປີ ເປັນນັກຮຽນ, ນັກຮ້ອງ ແລະ ຮັບງານຖ່າຍແບບ ຖ່າຍຣີວິວສິນຄ້າທົ່ວໄປ ໄດ້ເຜີຍໃຫ້ຮູ້ວ່າ: ຕົນເອງ ເປັນຄົນມັກຮ້ອງເພງ ເປັນຊີວິດຈິດໃຈ ເລີ່ມຮ້ອງເພງຕັ້ງແຕ່ຍັງນ້ອຍ ເພື່ອພັດນາໂຕເອງ ທີ່ຈະ ໄດ້ ກ້າວເຂົ້າ ມາເຮັດໃນສິ່ງທີ່ມັກ ແລະ ຈຸດເລີ່ມຕົ້ນເຂົ້າວົງບັນເທີງ ກໍຄືຄ້າຍNEW GEN , ຜູ້ຈັດການຮູ້ຈັກກັບນ້າບ່າວຂອງເມ ເພິ່ນກໍໄດ້ສອບຖາມ ພໍດີເມກໍມັກຮັກ ແລະ ສົນໃຈທາງດ້ານນີ້ຢູ່ແລ້ວ ເລີຍຂໍຮັບໂອກາດດີໆ ເຂົ້າມາເພື່ອຝຶກຝົນຮ້ອງເພງຕື່ມອີກ ກຽມອອກເພງໃໝ່ ແລະ ຮຽນການສະແດງ ເພື່ອພ້ອມ ຮັບໂອກາດ ໃນການສະແດງຮູບເງົາ, ສ່ວນຜົນງານຕອນນີ້ ແມ່ນຖ່າຍແບບ ແລະ ເມມັກໂຄບເວີ ເພງແນວໜ້າຮັກ, ເພງຫວານໆເສົ້າໆ ແລະ ລູກທົ່ງບ້ານນາອີສານ ສ່ວນຜົນງານໃໝ່ ຂໍໃຫ້ຕິດຕາມ ໃນສັງກັດ NEW GEN ໃນໄວໆນີ້ໄດ້ເລີຍ.

ນອກຈາກຮ້ອງເພງແລ້ວ ສາວງາມໜ້າຮັກຜູ້ນີ້ຍັງມີຄວາມສາມາດເຕັ້ນ ແລະ ຟ້ອນ ໄດ້ຢ່າງອ່ອນຊ້ອຍງົດງາມ ຊຶ່ງລາວໄດ້ອະທິບາຍຕື່ມວ່າ:ເມເປັນຄົນທີ່ຍິ້ມງ່າຍ ຫົວງ່າຍ ແລະ ມັກເປີດໃຈ ຮັບຟັງຄົນອ້ອມຂ້າງ ຢູ່ສະເໝີ ກິດຈະກຳຍາມ ວ່າງມັກເປີດເພງຟັງ ແລ້ວຊ້ອມຮ້ອງເພງ ພັດທະນາທັກສະ ຂອງຕົນໄປ ເລື້ອຍໆ ບາງຄັ້ງກໍອອກກຳລັງກາຍ ແລະ ຖ່າຍຮູບ.

ແນວໃດກໍຝາກສະໜັບສະໜູນໄວໜຸ່ມລາວ ແລະ ຄ້າຍ New Gen ແດ່ເດີ ເພາະ ພວກເຂົາເກັບກ່ຽວປະສົບການເພື່ອມາສ້າງມາດຕະຖານ ແລະ ຜະລິດຜົນງານທີ່ມີຄຸນນະພາບອອກສູ່ສັງຄົມໃນປີ 2022.     

ເອົາເປັນວ່າຖ້າຢາກຕິດຕາມຜົນງານນ້ອງກໍສາມາດຕິດຕາມໄດ້ທາງ FB:Methida Vixaiyo, page: New Gen Entertainment,IG: m.mome__

ໂດຍ:ມາລີດາ

KPL