ຂປລ
, ອົງການທຶນ ເພື່ອເດັກນ້ອຍ ແຫ່ງສະຫະ ປະຊາຊາດ ຫລື ຢູນິເຊຟ(UNICEF) ຈະຈັດສົ່ງວັກຊິນ ປ້ອງກັນພະຍາດ ໂຄວິດ-19 ເກືອບ 2.000 ລ້ານໂດສ ໃຫ້ແກ່ ກຸ່ມປະເທດ ພວມພັດທະນາ ໃນປີໜ້າ.
ຂປລ.ອ້າງຕາມຂ່າວ ລອນດອນຂອງ ອັງກິດ, ວັນທີ 23 ເດືອນພະຈິກ, ອົງການທຶນ ເພື່ອເດັກນ້ອຍ ແຫ່ງສະຫະ ປະຊາຊາດ ຫລື ຢູນິເຊຟ(UNICEF) ຈະຈັດສົ່ງວັກຊິນ ປ້ອງກັນພະຍາດ ໂຄວິດ-19 ເກືອບ 2.000 ລ້ານໂດສ ໃຫ້ແກ່ ກຸ່ມປະເທດ ພວມພັດທະນາ ໃນປີໜ້າ. ຢູນິເຊຟ ລະບຸວ່າ ອົງການນີ້ ພວມປະສານງານ ກັບ ສາຍ ການບິນ ແລະ ບໍລິສັດ ຂົນສົ່ງ ສິນຄ້າ ຫລາຍກວ່າ 350 ແຫ່ງ ເພື່ອຈັດສົ່ງ ວັກຊິນ ດັ່ງກ່າວ ແລະ ຫລອດສັກຢາ 1.000 ລ້ານຫລອດ ໃຫ້ແກ່ ກຸ່ມປະເທດ ທີ່ທຸກຍາກ ເຊັ່ນ: ບຸຣຸນດີ, ອາຟະການິດສະຖານ ແລະ ເຢເມນ , ຊຶ່ງເປັນ ສ່ວນໜຶ່ງ ຂອງ ໂຄງການ ໂຄແວກ(COVAX) ທີ່ເປັນແຜນງານ ຈັດສັນວັກຊິນ ປ້ອງກັນ ພະຍາດໂຄວິດ-19 ຮ່ວມກັບ ອົງການ ອະນາໄມໂລກ. ຜູ້ອຳນວຍການ ຝ່າຍ ຈັດຫາ ຢູນິເຊຟ ລະບຸວ່າ: ການຮ່ວມມື ທີ່ເກີດຂື້ນ ຈະດຳເນີນຕໍ່ໄປ ຈົນເຖິງ ຢູນິເຊຟໝັ້ນໃຈ ວ່າ ມີຂິດ ຄວາມສາມາດ ທີ່ພຽງພໍ ໃນການຈັດສົ່ງ ວັກຊິນ ຄັ້ງສຳຄັນ ທີ່ສຸດ ໃນປະຫວັດສາດ ແລະ ອົງການ ຕ້ອງອາໄສ ຄວາມຮ່ວມມື ຈາກທຸກຝ່າຍ ໃນການຈັດສົ່ງ ວັກຊິນ ປ້ອງກັນ ແລະ ຫລອດສັກຢາ ແລະ ອຸປະກອນ ປ້ອງກັນສ່ວນບຸກຄົນ ເພື່ອປ້ອງກັນ ເຈົ້າໜ້າທີ່ ປະຕິບັດ ງານ ໃນແນວໜ້າ ທົ່ວໂລກ.
KPL
