ຂປລ
ງານວາງສະແດງສິນຄ້າຈີນ-ອາຊີໃຕ້ ຄັ້ງທີ 10 ໄດ້ໄຂຂຶ້ນຢູ່ ນະຄອນຄຸນມິງ ແຂວງຢຸນນານຂອງ ສປ ຈີນ. ງານຄັ້ງນີ້ ໄດ້ດຶງດູດຜູ້ເຂົ້າຮ່ວມ ຈາກ ຫລາຍກວ່າ 60 ປະເທດ, ເຂດແຄວ້ນ ແລະ ອົງການຈັດຕັ້ງສາກົນ
ຂປລ.ວິທະຍຸ ໂທລະພາບສູນກາງຈີນ, ວັນທີ 11 ມິຖຸນານີ້, ງານວາງສະແດງສິນຄ້າຈີນ-ອາຊີໃຕ້ ຄັ້ງທີ 10 ໄດ້ໄຂຂຶ້ນຢູ່ ນະຄອນຄຸນມິງ ແຂວງຢຸນນານຂອງ ສປ ຈີນ. ງານຄັ້ງນີ້ ໄດ້ດຶງດູດຜູ້ເຂົ້າຮ່ວມ ຈາກ ຫລາຍກວ່າ 60 ປະເທດ, ເຂດແຄວ້ນ ແລະ ອົງການຈັດຕັ້ງສາກົນ, ທັງຂະໜາດ ການຈັດງານ ແລະ ລະດັບສາກົນ ລ້ວນແຕ່ ໄດ້ສ້າງສະຖິຕິສູງສຸດ ໃໝ່,ກວມເອົາທຸກປະເທດ ໃນອາຊີໃຕ້, ມີວິສາຫະກິດ ຈາກປະເທດໃນອາຊີໃຕ້ ປະມານ 560 ແຫ່ງ ເຂົ້າຮ່ວມວາງສະແດງ, ພ້ອມທັງ ຮວມເອົາວິສາຫະກິດຊັ້ນນຳ ເກືອບ 100 ແຫ່ງ ທັງພາຍໃນ ແລະ ຕ່າງປະເທດ ແລະ ວິສາຫະກິດຈັດຊື້ ຫລາຍກວ່າ 1.500 ແຫ່ງ. ງານວາງສະແດງຄັ້ງນີ້ ໄດ້ຈັດຫໍ ວາງສະແດງຫົວຂໍ້ 13 ຫໍ, ກວມເອົາ ຂົງເຂດຕ່າງໆ ເຊັ່ນ: ປັນຍາປະດິດ, ພະລັງງານສີຂຽວ, ການຜະລິດແບບທັນສະໄໝ, ການທ່ອງທ່ຽວ ແລະ ການສ້າງ ນະວັດ ຕະກຳ ດ້ານການທ່ອງທ່ຽວ, ກາເຟຊັ້ນດີ ແລະ ອື່ນໆ, ເຊິ່ງຈະຊ່ວຍຊຸກຍູ້ ໃຫ້ການເປີດປະຕູ ແລະ ການຮ່ວມມື ລະຫວ່າງ ສປ ຈີນ ກັບບັນດາປະເທດ ໃນອາຊີໃຕ້ ແລະ ອາຊີ ຕາເວັນອອກ ສຽງໃຕ້ ໄດ້ຮັບປະສິດທິຜົນໃໝ່./.
(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
