ຂປລ
ສາຍການບິນ ອາເມລິກາ ແອລາຍ ຈະປັບຫລຸດ ພະນັກງານ 30% ຫລື 40.000ຕຳແໜ່ງ ໃນເດືອນຕຸລາ ໂດຍ 19.000ຕຳແໜ່ງ ຈະຖືກເລີກຈ້າງ ໂດຍບໍ່ສະໝັກໃຈ ເວັ້ນແຕ່ ລັດຖະບານ ຈະໃຫ້ຄວາມຊ່ວຍເຫລືອ ກ່ຽວກັບ ການຈ້າງ ພະ ນັກງານ ເນື່ອງຈາກ ການລະບາດ ໂຄວິດ-19 ຍັງຄົງມີຜົນ ຕໍ່ການເດີນທາງ ທາງອາກາດ.
ຂປລ.ຕາມແຫລ່ງຂ່າວຈາກ ວໍຊີງຕັນ,ວັນທີ26ສິງຫານີ້, ສາຍການບິນ ອາເມລິກາ ແອລາຍ ຈະປັບຫລຸດ ພະນັກງານ 30% ຫລື 40.000 ຕຳແໜ່ງ ໃນເດືອນຕຸລາ ໂດຍ 19.000 ຕຳແໜ່ງ ຈະຖືກເລີກຈ້າງ ໂດຍບໍ່ສະໝັກໃຈ ເວັ້ນແຕ່ ລັດຖະບານ ຈະໃຫ້ຄວາມຊ່ວຍເຫລືອ ກ່ຽວກັບ ການຈ້າງ ພະນັກງານ ເນື່ອງຈາກ ການລະບາດ ໂຄວິດ-19 ຍັງຄົງມີຜົນ ຕໍ່ການເດີນທາງ ທາງອາກາດ. ສາຍການບິນຕ່າງໆ ໄດ້ຮັບເງິນ ໄດ້ຮັບເງິນ ສະໜັບ ສະໜູນ ຕາມມາດຕະການ ກະຕຸ້ນ ເສດຖະກິດ ຂອງລັດຖະບານ ສ.ອາເມລິກາ ຈຳນວນ 25 ຕື້ໂດລາ ສະຫະລັດ ເພື່ອຊ່ວຍເຫລືອ ການຈ່າຍ ເງິນເດືອນ ແລະ ຮັກສາຕຳແໜ່ງ ໄປຈົນເຖິງ ເດືອນກັນຍານີ້ ແຕ່ເມື່ອເງິນໝົດລົງ ໂດຍທີ່ການເດີນທາງ ຍັງບໍ່ມີການຟື້ນຕົວ ບັນດາສາຍການບິນ ແລະ ສະຫະພາບ ແຮງງານ ຈຶ່ງຮ້ອງຂໍ ເງິນອີກ 25 ຕື້ໂດລາ ສະຫະລັດ ທີ່ພວມຢູ່ ໃນຂັ້ນຕອນ ການເຈລະຈາ ທັງສອງຝ່າຍ.ການປັບຫລຸດ ຕຳແໜ່ງງານ ຕາມແຜນ ຂອງອາເມລິກາ ແອລາຍ ປະກອບດ້ວຍ ພະນັກງານ ໃນຕຳແໜ່ງ ບໍລິຫານ 1.500ຕຳແໜ່ງ ແລະ ພະນັກງານ ສະຫະພາບ ແຮງງານ 17.500 ຕຳແໜ່ງ ລວມມີ ພະນັກງານ ນັກບິນ 1.600 ຕຳແໜ່ງ ແລະ ພະນັກງານ ຕ້ອນຮັບ ເທິງເຮືອບິນອີກ 8.100 ຕຳແໜ່ງ ໂດຍຈຳນວນ ຕຳແໜ່ງ ທີ່ປັບຫລຸດລົງ ຍັງຕ່ຳກວ່າ ເພດານ 25.000 ຕຳແໜ່ງ ທີ່ ອາເມລິກາ ແອລາຍ ຕັ້ງເປົ້າໄວ້ ເມື່ອເດືອນກ່ອນ ເນື່ອງຈາກ ພະນັກງານ ບາງສ່ວນ ອອກບຳນານ ກ່ອນອາຍຸກຳນົດ ແລະ ລາອອກ.
ຮຽບຮຽງຂ່າວໂດຍ ສະໄຫວ
KPL
