ພັກກໍານົດທິດທາງ 5 ປີຕໍ່ໜ້າ ເພື່ອສ້າງການຫັນປ່ຽນ ແລະ ຍົກສູງບາດກ້າວການພັດທະນາປະເທດຊາດ
ຜ່ານການຮັບຟັງໂຄງການການເມືອງຂອງພັກ, ຮ່າງລາຍງານການເມືອງ, ແຜນພັດທະນາເສດຖະກິດ-ສັງຄົມ ເຫັນວ່າມີຫລາຍຢ່າງທີ່ພົ້ນເດັ່ນ, ຕີລາຄາຜົນໄດ້ຮັບໄລຍະ 5 ປີຜ່ານມາ ແລະ ທິດທາງແຜນການຕໍ່ໜ້າ ມີລັກສະນະຈຸດສຸມ, ລັກສະນະບຸກທະລຸທາງດ້ານຈິດໃຈ, ສ້າງການຫັນປ່ຽນຢ່າງແຂງແຮງ ໂດຍສະເພາະ ວຽກງານ ຍທຂ ເຫັນວ່າມີ 7 ວຽກຈຸດສຸມ ທີ່ເປັນເສດຖະກິດປາຍແຫລມ ເປັນຕົ້ນແມ່ນການຂົນສົ່ງ, ການເຊື່ອມໂຍງ, ເຊື່ອມຈອດ. ສຳ ລັບທິດທາງແຜນການໃນຕໍ່ໜ້າ ຍທຂ ຈະເລັ່ງຜັນຂະຫຍາຍມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ XII ຂອງພັກ ໃຫ້ກວ້າງຂວາງ ແນໃສ່ສ້າງຄວາມຮັບຮູ້ ແລະ ເຂົ້າໃຈນະໂຍບາຍ, ແຜນພັດທະນາເສດຖະກິດ-ສັງຄົມ ໃຫ້ສະມາຊິກພັກ, ພະນັກງານ-ລັດຖະກອນ ຊຶ່ງຈະສຸມໃສ່ຈັດຕັ້ງປະຕິບັດແຕ່ຫົວທີ່, ເພີ່ມທະວີການນໍາພາ-ຊີ້ນໍາຂອງພັກ ຢ່າງໜັກແໜ້ນເຂັ້ມແຂງໃນຕໍ່ໜ້າ, ສືບຕໍ່ຈັດຕັ້ງປະຕິບັດຕາມຄໍາຂວັນທີ່ວາງໄວ້ “ເພີ່ມທະວີພັດທະນາໂຍທາທິການ ແລະ ຂົນສົ່ງ ໃຫ້ເປັນປາຍແຫລມມີຈຸດສຸມ ທົນທານ ທັນສະໄໝ ປອດໄພ ເຊື່ອມໂຍງເຊື່ອມຈອດ ແລະ ຍືນຍົງ” ໃຫ້ປະກົດຜົນເປັນຈິງ.