ສປ ຈີນ ເລີ່ມປະຕິບັດໜ້າທີ່ປະເທດປະທານໝູນວຽນສະພາຄວາມໝັ້ນຄົງອົງການ ສປຊ
ຂປລ.ວິທະຍຸ ສາກົນ ແຫ່ງ ສປ ຈີນ, ສປ ຈີນ ໄດ້ເລີ່ມ ປະຕິບັດໜ້າທີ່ ປະເທດ ປະທານ ໝູນວຽນ ສະພາ ຄວາມໝັ້ນຄົງ ອົງການ ສະຫະ ປະຊາຊາດ ປະຈຳ ເດືອນກຸມພານີ້.ນັບແຕ່ ວັນທີ 3 ກຸມພານີ້ ເຊິ່ງເປັນມື້ ປະຈຳການ ມື້ທໍາອິດ ໃນເດືອນກຸມພານີ້ ຂອງອົງການ ສະຫະປະຊາຊາດ, ຜູ້ຕາງໜ້າຈີນ ໄດ້ເປັນປະທານ ການປຶກສາຫາລື ພາຍໃນ ສະພາ ຄວາມໝັ້ນຄົງ, ຜ່ານຮັບຮອງ ແຜນການດໍາເນີນງານໃນເດືອນກຸມພານີ້ ຂອງສະພາຄວາມໝັ້ນຄົງ ພ້ອມທັງ ຈັດກອງປະຊຸມ ຖະແຫລງຂ່າວ ເພື່ອແຈ້ງສະພາບ ທີ່ກ່ຽວຂ້ອງ ໃຫ້ສື່ມວນຊົນ ປະເທດຕ່າງໆ ຮັບຮູ້. ສຳລັບ ປະເທດ ປະທານ ສະພາຄວາມໝັ້ນຄົງ ອົງການ ສະຫະ ປະຊາຊາດ ແມ່ນມອບໃຫ້ 15 ປະເທດ ສະມາຊິກ ສະພາ ຄວາມໝັ້ນຄົງ ຜັດປ່ຽນກັນ ຮັບໜ້າທີ່ ເປັນປະເທດ ປະທານ ໝູນວຽນ ໂດຍມີເວລາກຳນົດ ໜຶ່ງເດືອນ. ຂະນະທີ່ ສປ ຈີນ ເຄີຍໄດ້ຮັບໜ້າທີ່ ປະເທດ ປະທານ ສະພາຄວາມໝັ້ນຄົງ ອົງການ ສະຫະ ປະຊາຊາດ ຄັ້ງຜ່ານມາ ໃນເດືອນພະຈິກປີ 2023./.
(ບັນນາທິການຂ່າວ: ຕ່າງປະເທດ), ຮຽບຮຽງ ຂ່າວໂດຍ: ສະໄຫວ ລາດປາກດີ