ຂປລ. ສຳນັກຂ່າວ ຊິນຮວາ ຂອງ ສປຈີນ, ເມື່ອບໍ່ດົນມານີ້,  ເຈົ້າໜ້າທີ່ ມຽນມາ ສາມາດ ຢຶດໄມ້ຊຸງ ທີ່ຜິດກົດ  ໝາຍ ທົ່ວປະເທດ ໃນໄລຍະເວລາ 1 ອາທິດ ໄດ້ຫລາຍກວ່າ 100 ໂຕນ. ໂດຍມີ ການຢຶດ ໄມ້ສັກກວ່າ 5,64 ໂຕນ, ໄມ້ເນື້ອແຂງຫລາຍກວ່າ 19,75 ໂຕນ ແລະ ໄມ້ປະເພດອື່ນໆ ຈຳນວນ 135,8 ໂຕນ ໃນຫລາຍພື້ນທີ ຂອງ ມຽນມາ ໃນລະຫວ່າງ ວັນທີ 23-29 ທັນວາ 2024 ຜ່ານມາ.ໃນຂະນະ​ດຽວ​ກັນ ມີ​ການ​ຕັ້ງ​ຂໍ້​ຫາ​ ທີ່​ເຊື່ອມ​ໂຍງ​ກັບ ​ໄມ້​ຊຸງ ຜິດ​ກົດໝາຍ ​ດັ່ງກ່າວ​ນີ້ ກັບ​ ຜູ້​ກະທຳ ​ຄວາມ​ຜິດ 17 ຄົນ , ພ້ອມ​ທັງ​ຢຶດ ຍານພາຫະນະ ​ແລະ ​ເຄື່ອງ​ຈັກ 6 ລາຍການ. ສ່ວນ​ສຳນັກ​ງານ ປ່າ​ໄມ້​ ຂອງ ມຽນມາ ໄດ້ສືບ​ຕໍ່​ປາບ​ປາມ ​ການ​ລັກລອບ​ ຕັດ​ໄມ້ ​ແລະ ການ​ຄ້າ​ຜະລິດ​ຕະພັນ​ ຈາກ​ປ່າ​ໄມ້ ຢ່າງ​ຜິດ​ກົດໝາຍ ພ້ອມກັນນັ້ນ ຍັງກ່າວ ເນັ້ນ​ໜັກວ່າ ຈະສືບຕໍ່ ​ດຳ​ເນີນ ​ໂຄງການ ປູກ​ຕົ້ນ​ໄມ້​ ທົດ​ແທນ ຢ່າງ​ຕໍ່​ເນື່ອງ. /

KPL