ຂປລ. ສຳນັກຂ່າວ ຢອນຮັບ ຂອງ ສ.ເກົາຫລີ, ວັນທີ 8 ເດືອນມັງກອນ, ສາຍການບິນ ເຈຈູແອຣ (Jeju Air) ເປັນສາຍການບິນ ລາຄາ ປະຢັດ ຂະໜາດໃຫຍ່ທີ່ສຸດ ຂອງ ສ.ເກົາຫລີ ຈະຫລຸດຖ້ຽວບິນ ໃນໄຕມາດທຳອິດ ຂອງປີນີ້ ລົງເກືອບ 1.880 ຖ້ຽວບິນ ເພື່ອແນໃສ່ ເພີ່ມຄວາມປອດໄພ ດ້ານການປະຕິບັດງານ ພາຍຫລັງ ເຮືອບິນ ໂບອິ້ງ 737-800 ຂອງ ສາຍການບິນນີ້ ເກີດອຸບັດເຫດຕົກ ຈົນເຮັດ ໃຫ້ມີ ຜູ້ເສຍຊີວິດ 179 ຄົນ.

ໃນຂະນະດຽວກັນ, ສາຍການບິນ ເຈຈູແອຣ ຍັງມີແຜນ ຈະຫລຸດ ຖ້ຽວບິນລົງ 1.878 ຖ້ຽວ, ໃນນີ້ ຖ້ຽວບິນພາຍໃນ ປະເທດ ຈຳນວນ 838 ຖ້ຽວ ແລະ ຖ້ຽວບິນ ລະຫວ່າງ ປະເທດ 1.040 ຖ້ຽວ ໃນລະດູໜາວນີ້ ຈົນເຖິງ ເດືອນມີນາ. ນອກນີ້ ທາງບໍລິສັດ ຈະຫລຸດ ຖ້ຽວບິນເພີ່ມເຕີມອີກ 30 ຖ້ຽວ ໃນຕໍ່ໜ້າ ເຮັດໃຫ້ໃນໄຕມາດ ທຳອິດຂອງປີນີ້ ສາຍການບິນ ຈະຫລຸດຖ້ຽວບິນ ລວມທັງໝົດ 1.900 ຖ້ຽວ./

KPL