ຂປລ.ອ້າງຕາມຂ່າວ ວໍຊິງຕັນ ຂອງ ສ.ອາເມລິກາ, ເມື່ອວັນທີ 8 ມັງກອນ 2025,  ທ່ານ ໂດນັນທຣໍາ ວ່າທີ່ປະທານາທິບໍດີ ສ.ອາເມລິກາ ປະກາດວ່າ ທ່ານ ຮຸສເຊນ ສັດຈວານີ ນັກລົງທຶນ ແລະ ມະຫາເສດຖີ ຊາວສະຫະນະຄອນ ເອເມເຣດ ອາຣັບ (ຢູເອອີ) ຈະລົງທຶນ 2 ໝື່ນລ້ານໂດລາ ສະຫະລັດ ເພື່ອສ້າງສູນຂໍ້ມູນ ໃນສ.ອາເມລິກາ .

ໂດຍທ່ານ ຮຸສເຊນ ສັເຈວານີ ເປັນ ປະທານ ບໍລິສັດ ດາແມດ ໂປຣເພີຣທິສ (DAMAC properties) ທີ່ມີຖານ ຢູ່ໃນນະຄອນ ດູໄບ ຂອງ ຢູເອອີ ຊຶ່ງເປັນ ໜຶ່ງໃນບໍລິສັດ ພັດທະນາ ອະສັງຫາລິມະຊັບ ຂະໜາດໃຫຍ່ທີ່ສຸດ ໃນຕາເວັນອອກກາງ .

ທ່ານ ໂດນັນທຣໍາ ກ່າວວ່າ: ການລົງທຶນ ໃນຄັ້ງນີ້ ຈະຊ່ວຍ ສະໜັບສະໜູນ ສູນຂໍ້ມູນ ຂະໜາດໃຫຍ່ ໃນເຂດມິດເວສ ພາກພື້ນຊັນເບລ ແລະ ຍັງຊ່ວຍໃຫ້ ສ.ອາເມລິກາ ມີຄວາມ ກ້າວໜ້າ ດ້ານເຕັກໂນໂລຊີ , ໂດຍ ການລົງທຶນ ໃນໄລຍະທຳອິດ ຈະເລີ່ມ ທີ່ລັດເທັກຊັສ, ລັດແອຣິໂຊນາ, ລັດໂອກລາໂຮມາ, ລັດຫລຸຍເຊຍນາ, ລັດໂອໄຮໂອ, ລັດອີລລິນອຍສ, ລັດມິຊິແກນ ແລະ ລັດອິນເດຍນາ. ປັດຈຸບັນ, ປັນຍາທຽມ ເອໄອ (AI) ມີບົດບາດສຳຄັນ ໃນສູນຂໍ້ມູນ ແລະ ຈະເປັນສິ່ງ ທີ່ໄດ້ຮັບ ຄວາມສົນໃຈ ຢ່າງຫລວງຫລາຍ ໃນອະນາຄົດ./

KPL