ເຜີຍແຜ່ວິໄສທັດ ເຊີ່ນເຈີ້ນ ຂອງຜູ້ນຳອົງການ ເອເປັກ 2026

ຂປລ.ວິທະຍຸ ໂທລະພາບສູນກາງຈີນ, ວິໄສທັດ ເຊີ່ນເຈີ້ນ ຂອງຜູ້ນຳ ອົງການຮ່ວມມື ເສດຖະກິດ ອາຊີ-ປາຊີຟິກ ຫລື APEC 2026 ໄດ້ຮັບການເຜີຍແຜ່ ໃນວັນທີ 19 ພະຈິກນີ້. ວິໄສທັດດັ່ງກ່າວ ລະບຸວ່າ: ຈະສືບຕໍ່ຊຸກຍູ້ ໃຫ້ເສດຖະກິດ ພາກພື້ນ ເຊື່ອມໂຍງເຂົ້າກັນ ຜ່ານຮູບແບບ ຂັບເຄື່ອນດ້ວຍຕະຫລາດ, ຈັດຕັ້ງປະຕິບັດວາລະເຂດ ການຄ້າເສລີ ອາຊີ-ປາຊີຟິກ, ຊຸກຍູ້ ການອໍານວຍຄວາມສະດວກ ດ້ານການຄ້າ. ສົ່ງເສີມໃຫ້ບັນດາ ກຸ່ມເສດຖະກິດ ເສີມສ້າງ ສາມເສົາຄ້ຳໃຫຍ່ ຄື ການເຊື່ອມຈອດ ດ້ານພື້ນຖານໂຄງລ່າງ, ການເຊື່ອມຈອດ ດ້ານລະບຽບການ ແລະ ການເຊື່ອສານຈິດໃຈ ໃຫ້ໝັ້ນຄົງ, ບັນລຸໃຫ້ອາຊີ-ປາຊີຟິກ ເຊື່ອມໂຍງ ເຊື່ອມຈອດ ຢ່າງໂລ່ງລ່ຽນ ແລະ ຮອບດ້ານ.ວິໄສທັດລະບຸຕື່ມວ່າ: ສົ່ງເສີມ ໃຫ້ບັນດາ ກຸ່ມເສດຖະກິດ ຊຸກຍູ້ການເຊື່ອມໂຍງ ເຊື່ອມຈອດກັນ ດ້ານດິຈິຕອນ, ອັດຊ່ອງວ່າງທາງດິຈິຕອນ; ສະແຫວງຫາ ການເພີ່ມທະວີ ຄວາມໝັ້ນຄົງ ສັງລວມ ແບບຂ້າມພາກສ່ວນ ພະລັງງານ ແລະ ຂ້າມເຕັກໂນໂລຊີ ເພື່ອຮ່ວມກັນ ຮັບມືກັບ ສິ່ງທ້າທາຍ ຕໍ່ຄວາມໝັ້ນຄົງ ດ້ານພະລັງງານ./.
(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ
