ຂປລ
ເຄື່ອງຊ່ວຍເຫລືອ ດ້ານມະນຸດ ສະທຳ ຊຸດທຳອິດ ທີ່ລັດຖະບານຈີນ ຊ່ວຍເຫລືອ ສຸກເສີນໃຫ້ ກຳປູເຈຍ ເຊິ່ງລວມມີ ຜ້າເຕັ້ນ, ຜ້າຫົ່ມ, ອາຫານ ແລະ ອື່ນໆໄດ້ຂົນສົ່ງໄປເຖິງ ສະໜາມບິນສາກົນ ເຕໂຊ ນະຄອນລວງ ພະນົມເປັນ ຂອງກຳປູເຈຍ.
ຂປລ.ວິທະຍຸ-ໂທລະພາບ ສູນກາງຈີນ ຫລື CMG,ວັນທີ 28 ທັນວານີ້, ເຄື່ອງຊ່ວຍເຫລືອ ດ້ານມະນຸດ ສະທຳ ຊຸດທຳອິດ ທີ່ລັດຖະບານຈີນ ຊ່ວຍເຫລືອ ສຸກເສີນໃຫ້ ກຳປູເຈຍ ເຊິ່ງລວມມີ ຜ້າເຕັ້ນ, ຜ້າຫົ່ມ, ອາຫານ ແລະ ອື່ນໆໄດ້ຂົນສົ່ງໄປເຖິງ ສະໜາມບິນສາກົນ ເຕໂຊ ນະຄອນລວງ ພະນົມເປັນ ຂອງກຳປູເຈຍ. ທ່ານ ວ່າງເວີນປິ່ນ ເອກອັກຄະລັດຖະທູດຈີນ ປະຈຳ ກຳປູເຈຍ, ທ່ານ ນາງ ຈົ່ງເຈ ທີ່ປຶກສາ ຊັ້ນອັກຄະລັດຖະທູດ ສະຖານທູດຈີນ ປະຈຳ ກຳປູເຈຍ, ທ່ານ ອຸງ ອະຣັດຈານາ ເລຂາທິການແຫ່ງລັດ ກະຊວງການຕ່າງປະເທດ ແລະ ຮ່ວມມືສາກົນ ກໍາປູເຈຍ ແລະ ພາກສ່ວນທີ່ກ່ຽວ ຂ້ອງ ເຂົ້າຮ່ວມ ພິທີມອບ-ຮັບ ເຄື່ອງຊ່ວຍເຫລືອ ຄັ້ງນີ້.ຈາກນັ້ນ ທ່ານ ວ່າງເວີນປິ່ນ ເອກອັກຄະລັດຖະທູດຈີນ ປະຈຳ ກຳປູເຈຍ ກ່າວວ່າ: ສປ ຈີນ ມອບເຄື່ອງຊ່ວຍເຫລືອ ດ້ານມະນຸດສະທຳ ສຸກເສີນ ມູນຄ່າ 20.000.000 ຢວນໃຫ້ ກຳປູເຈຍ ຈະເປັນການໃຫ້ຄວາມຊ່ວຍເຫລືອ ຢ່າງທັນການ ແກ່ປະຊາຊົນກຳປູເຈຍ ທີ່ໄດ້ຮັບຜົນກະທົບ ຈາກການປະທະກັນ ຢູ່ຊາຍແດນ ລະຫວ່າງ ກຳປູເຈຍ-ໄທ ເພື່ອຫລຸດພົ້ນ ອອກຈາກສະພາບ ຫຍຸ້ງຍາກໃນປັດຈຸບັນ. ສປ ຈີນ ສະແດງຄວາມຊົມເຊີຍ ຕໍ່ສອງຝ່າຍ ກຳປູເຈຍ-ໄທ ປະກາດ ຢຸດຍິງ ແລະຈະສືບຕໍ່ ເສີມຂະຫຍາຍ ບົດບາດ ຢ່າງຕັ້ງໜ້າແລະ ສ້າງສັນໃຫ້ແກ່ ສອງຝ່າຍ ໃນການປັບປຸງ ສະພາບຢຸດຍິງ ໃຫ້ໝັ້ນຄົງຕື່ມອີກ./.
(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
