ຂປລ
ໃນວັນທີ 11 ຕຸລານີ້ ຈຳນວນ ນັກທ່ອງທ່ຽວ ທີ່ເຂົ້າ-ອອກເມືອງ ຜ່ານດ່ານດັ່ງກ່າວ ໄດ້ບັນລຸ ຫລາຍກວ່າ 10.000 ເທື່ອຄົນຕໍ່ວັນ ເຊິ່ງໄດ້ສ້າງສະຖິຕິໃໝ່ ນັບແຕ່ ໄດ້ສ້າງດ່ານ ກວດກາ ດັ່ງກ່າວ ໃນປີ 1951 ເປັນຕົ້ນມາ.
ຂປລ.ວິທະຍຸ-ໂທລະພາບ ສູນກາງຈີນ, ນັກທ່ອງທ່ຽວທີ່ເຂົ້າ-ອອກເມືອງ ຜ່ານດ່ານດາໂລ້ ຢູ່ເຂດຊາຍແດນ ລະຫວ່າງ ສປ ຈີນ-ມຽນມາ ໄດ້ເພີ່ມຂຶ້ນ ຢ່າງຕໍ່ເນື່ອງ. ຕາມດ່ານ ກວດກາ ຄົນເຂົ້າ-ອອກເມືອງຢູ່ເຂດຊາຍແດນ ດາໂລ້ ລະຫວ່າງ ສປ ຈີນ-ມຽນມາ ໄດ້ແຈ້ງໃຫ້ຮູ້ ໃນວັນທີ 12 ຕຸລານີ້ວ່າ: ໃນວັນທີ 11 ຕຸລານີ້ ຈຳນວນ ນັກທ່ອງທ່ຽວ ທີ່ເຂົ້າ-ອອກເມືອງ ຜ່ານດ່ານດັ່ງກ່າວ ໄດ້ບັນລຸ ຫລາຍກວ່າ 10.000 ເທື່ອຄົນຕໍ່ວັນ ເຊິ່ງໄດ້ສ້າງສະຖິຕິໃໝ່ ນັບແຕ່ ໄດ້ສ້າງດ່ານ ກວດກາ ດັ່ງກ່າວ ໃນປີ 1951 ເປັນຕົ້ນມາ. ດ່ານດາໂລ້ ຕັ້ງຢູ່ເມືອງໄຮກິ່ງ ແຂວງປົກຄອງຕົນເອງ ເຜົ່າລື້ສິບສອງພັ່ນນາ ແຂວງຢຸນນານ ຂອງ ສປ ຈີນ ແມ່ນໜຶ່ງ ໃນບັນດາເສັ້ນທາງ ທາງບົກທີ່ສຳຄັນຂອງ ສປ ຈີນ ທີ່ເຊື່ອມຕໍ່ ສປ ຈີນ-ມຽນມາ ແລະ ອາຊີ ຕາເວັນອອກ ສຽງໃຕ້(ອາຊຽນ)./.
(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
