ຂປລ
ຫ້ອງການຖະແຫລງຂ່າວ ຄະນະລັດຖະບານຈີນ ໄດ້ຈັດກອງປະຊຸມ ຖະແຫລງຂ່າວ ກ່ຽວກັບ ການສຳເລັດ ແຜນພັດທະນາ ເສດຖະກິດ-ສັງຄົມ ແຫ່ງຊາດຈີນ 5 ປີ ຄັ້ງທີ 14.
ຂປລ.ວິທະຍຸ-ໂທລະພາບ ສູນກາງຈີນ,ວັນທີ 23 ກັນຍານີ້, ຫ້ອງການຖະແຫລງຂ່າວ ຄະນະລັດຖະບານຈີນ ໄດ້ຈັດກອງປະຊຸມ ຖະແຫລງຂ່າວ ກ່ຽວກັບ ການສຳເລັດ ແຜນພັດທະນາ ເສດຖະກິດ-ສັງຄົມ ແຫ່ງຊາດຈີນ 5 ປີ ຄັ້ງທີ 14. ທ່ານ ຫວຍ ຈິ້ນເຜິງ, ລັດຖະມົນຕີ ກະຊວງສຶກສາທິການຈີນ ກ່າວວ່າ: ສປ ຈີນ ໄດ້ສຳເລັດເປົ້າໝາຍ ແລະ ໜ້າທີ່ຕ່າງໆ ທີ່ກຳນົດ ຢູ່ໃນແຜນພັດທະນາ ເສດຖະກິດ-ສັງຄົມ ແຫ່ງຊາດ 5 ປີ ຄັ້ງທີ 14 ຢ່າງຮອບດ້ານ ແລະ ມີຄຸນນະພາບສູງ. ການສຶກສາ ຂັ້ນພື້ນຖານຂອງ ສປ ຈີນ ໄດ້ເຂົ້າສູ່ ລະດັບ ສະເລ່ຍ ຂອງປະເທດ ທີ່ມີລາຍໄດ້ສູງແລ້ວ. ທ່ານ ຫວຍຈິ້ນເຜິງ ອະທິບາຍ ໃຫ້ຮູ້ວ່າ: ອັດຕາການເຂົ້າຮຽນ ຂອງເດັກ ກ່ອນໄວຮຽນ ໄດ້ບັນລຸເຖິງ 92%, ເພີ່ມຂຶ້ນ 27,5% ເມື່ອທຽບໃສ່ 64,5% ໃນປີ 2012. ການສຶກສາ ພາກບັງຄັບ ຢູ່ໃນ 2.895 ເມືອງໃນທົ່ວປະເທດຈີນ ໄດ້ບັນລຸຄວາມດຸນດ່ຽງໂດຍພື້ນຖານ. ອັດຕາການເຂົ້າຮຽນ ຂອງການສຶກສາຊັ້ນສູງ ໄດ້ເພີ່ມຂຶ້ນຈາກ 30% ໃນປີ 2012 ມາເປັນ 60,8% ໃນປັດຈຸບັນ ເຊິ່ງເພີ່ມຂຶ້ນ ຫລາຍກວ່າ ໜຶ່ງເທົ່າ ແລະ ໄດ້ເຂົ້າສູ່ການສຶກສາ ຢ່າງທົ່ວເຖິງ. ໃນໄລຍະປະຕິບັດ ແຜນພັດທະນາ ເສດຖະກິດ-ສັງຄົມ ແຫ່ງຊາດຈີນ 5 ປີ ຄັ້ງທີ 14, ໂຮງຮຽນຂັ້ນສູງ ໄດ້ສ້າງບຸກຄະລາກອນ 55 ລ້ານຄົນ ໃຫ້ແກ່ ສັງຄົມ ເຊິ່ງໄດ້ບັນລຸ ການບຸກທະລຸໃໝ່ ໃນການຮັບໃຊ້ ແລະ ສະໜັບ ສະໜູນ ການພັດທະນາ ເສດຖະກິດ-ສັງຄົມ./.
(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
